👏 Ил Дархан Россия бэчээтин күнүнэн эҕэрдэлээтэ

Бэчээт, сонуннары киэҥник тарҕатар сириэстибэлэр ытыктабыллаах үлэһиттэрэ, бэтэрээннэрэ!

Эһиги баар буолаҥҥыт дьон-сэргэ дойдубутугар, аан дойдуга барытыгар туох буола турарын билэр-көрөр, анаарар уонна тирээн турар кыһалҕаларга бэйэлэрин санааларын чопчулуур кыахтаахтар. Суруйан, дьиҥ олоҕу устан дьоҥҥо-сэргэҕэ сырдатар, иһитиннэриини тиэрдэр дьон – эһиги сабыдыалгыт олус күүстээх.

Тосту-туора сыаннастары биһиэхэ сыҥалыыр күүстэри кытта туруулаһар кэммитигэр уопсастыбаны сомоҕолуурга хас биирдии суруналыыс гражданин быһыытынан тус санаатын биллэрэрэ хаһааҥҥытааҕар да дьоһун суолталаах.

Байыаннай кэрэспэдьиэннэр кыргыһыы инники кирбиититтэн бэйэлэрин репортажтарыгар, суруйууларыгар Саха сирин буойуннарын сулууспаларын, хорсун быһыыларын туһунан тиһигин быспакка кэпсииллэрэ кыайыыга эрэлбитин бөҕөргөтөр. Кинилэр эмиэ буойуннар – барыларын кытта бииргэ, ардыгар олохторун толук ууралларын кэрэйбэккэ, кырдьык туһугар уонна барыбыт кэскилбит иһин охсуһаллар.

Төрөөбүт өрөспүүбүлүкэбит, дойдубут сайдарын туһугар дьоһун суолталаах үлэҕит иһин махталбын тиэрдэбин. Бу дьоро күн саха суруналыыстыкатын уонна бэчээтин үтүө үгэстэрин үксэтиигэ тус кылааккыт иһин бэтэрээннэргэ ытыктабылбын биллэрэбин.

Ис сүрэхпиттэн айымньылаах үлэни, бэриниилээх ааҕааччылары, истээччилэри уонна көрөөччүлэри, ситиһиилэри баҕарабын! Тус бэйэҕитигэр уонна чугас дьоҥҥутугар чэгиэн доруобуйаны, уҕараабат эрчими, эйэни, үтүөнү, дьолу-соргуну, этэҥҥэ буолууну!
 
Саха Өрөспүүбүлүкэтин
Ил Дархана 
Айсен Николаев

@nvk_sakha

#бэчээткүнэ

⭐️ Быракаантан сылдьар Нам орто оскуолатын 10-с кылааһын үөрэнээччитэ Айтал Иннокентьев интернакка олорон үөрэнэр.

"Үөһээ Бүлүү" улуус хаһыатыгар Быракаан диэн тылы бэлиэтии көрөн сүрдээҕин үөрдэ, наһаа үчүгэй хаһыат эбит дии диэн баран хоһугар илдьэ баран, аанын саптан, доргуччу ааҕан барда.

Хаһыаты ааҕыҥ, таптааҥ, сэргээҥ, сэҥээриҥ❤️

Намтан сонуннарга анаан Надежда Мутуукаба

"Үөһээ Бүлүү" хаһыат