#ситиһии

⭐️ Саха сиригэр үөрэҕирии эйгэтигэр Аҕа настаабынньык уонна педагог сылынан ыытыллыбыт анал бириэмийэни иҥэрии күрэҕэ түмүктэннэ.

Бу күрэҕи СӨ Үөрэҕин уонна билимин министиэристибэтэ уонна "СӨ кэлэр көлүөнэлэрин анал пуондата" тэрийэн ыыттылар.

Генеральнай партнерунан - "РНГ" АУо буолар. Саха сирин үрдүнэн 100 педагог 100-түү тыһыынча солкуобай бириэмийэни ылыахтара.

Биһиги улуустан Н.К. Седалищев- Дьүөгэ Ааныстыырап аатынан Кэнтик орто оскуолатын нуучча тылын уонна литературатын учуутала Н.Ф.Будищева, оҕо спортивнай оскуолатын тренерэ Сардаана Терентьева, 1-кы нүөмэрдээх "Ньургуһун" оҕо уһуйаанын старшай иитээччитэ Марианна Комарова, М.А.Алексеев аатынан Үөһээ Бүлүүтээҕи лицей-интэринээт нуучча тылын уонна литературатын учуутала Александра Борисова тигистилэр.

Бу үрдүк кыайыыларынан бастыҥ педагогтарбытын эҕэрдэлээн  биэриэҕиҥ 👏👏👏

"Үөһээ Бүлүү" хаһыат

#ситиһии

⭐️ Улууспут биир бастыҥ үлэлээҕинэн биллэр М.Т.Егоров аатынан 2-с нүөмэрдээх орто оскуола кэлэктиибэ өрөспүүбүлүкэ таһымыгар бииртэн биир чаҕылхай ситиһиилэрэ барыбытын үөрдэр.👍👍👍👏👏👏💫💫💫

Бүгүн эмиэ үөрүүлээх сонун, кыайыы өрөгөйө билиннэ 🏆🏆🏆
Саха сирин оскуолаларын икки ардыларыгар ыытыллыбыт оҕо инициативаларын кииннэрин көрүү күрэҕэр " Бастыҥ оҕо инициативаларын киинэ" үрдүк ааты ылан 1- кы степеннээх дипломунан наҕараадаланна 🤩🤩🤩👏👏👏

Оҕону иитиигэ, эргиччи сайыннарыыга күүстээхтик үлэлиир оскуолаҕа, педагогтарга эҕэрдэ уонна махтал бастыҥа буолуохтун 💐💐💐👏👏👏

"Үөһээ Бүлүү" хаһыат

#форум #ийэтыл

⭐️ "Сахабэчээт" үлэһиттэрин "Тыл уонна идэ" форума

Дьокуускай куоракка Национальнай бибилэтиэкэҕэ сахалыы тылынан тахсар улуус хаһыаттарын үлэһиттэрэ тылы харааннааһын тула кэпсэтэ, ырытыһа, сүбэ-соргу истэ муһуннулар.

Форуму "Сахабэчээт" генеральнай дириэктэрэ Ньургуйаана Стручкова киирии тылынан арыйда.

Пленарнай мунньахха "Чолбон" сурунаал корректора Анна Прудецкая, бас эрэдээктэрэ, Саха сирин суруйааччыларын Сойууһун бэрэссэдээтэлэ Гаврил Андросов, тыл билимин кандидата Федор Дьячковскай, "Полярная звезда" сурунаал бас эрэдээктэрэ Василий Доллонов, Гуманитарнай чинчийии уонна аҕыйах ахсааннаах хотугу омуктар кыһалҕаларын институтун үлэһитэ Василий Бочкарев, "Чолбон"сурунаал эрэдээктэрэ Дмитрий Макеев, тыл билимин кандидата Надежда Васильева, "Эҥсиэли" хаһыат кылаабынай эрэдээктэрэ Василий Касьянов санааларын этиэхтэрэ.

"Үөһээ Бүлүү" улууспут хаһыатын редакциятыттан сүрүн эрэдээктэр Кристина Семенова, корректор Капитолина Долгунова, 1-кы категориялаах эрэдээктэр Галина Васильева, корреспондент Мария Васильева кыттыыны ылаллар.

"Үөһээ Бүлүү" хаһыат

#5летразвитияДФО

⭐️ Нам есть чем гордиться: тематический поезд «Дальневосточный экспресс» появился в московском метро.

Брендированный поезд в шестой раз курсирует по рельсам московской подземки. Состав из 10 вагонов объединяет все 11 субъектов и посвящен жизни Дальнего Востока.

Внутри ярких вагонов - удивительные факты о развитии Дальнего Востока, возможностях учебы и работы, самых интересных туристических местах, достопримечательностях и природе.

Один из вагонов посвящен Якутии. Здесь можно узнать о Ленских столбах, Музее мамонта, местных породах лошадей, которых не встретишь больше нигде в мире, знаменитых бриллиантах и якутской кухне.

Далее в комментариях...

#форум #ийэтыл #Сахабэчээт

⭐️ "Тирэх тылдьыт" суруналыыстарга көмө буолуоҕа

"Сахабэчээт" тэрилтэтин иһинэн сахалыы тылынан тахсар улуус хаһыаттарын үлэһиттэригэр анаан-минээн оҥоһуллубут бастакы тылдьыт күн сирин көрдө.

Тылдьыкка сахалыы хаһыаттарга үгүстүк көстөр нууччалыы тыллар тылбаастара, солбук тыллара киирбиттэр.

"2020-2024 сс. СӨ судаарыстыбаннай уонна официальнай тылларын харыстааһын, үөрэтии уонна сайыннарыы" СӨ Судаарыстыбаннай бырагырааматын чэрчитинэн таҕыста.

Бэчээт үлэһиттэригэр аналлаах таһаарыыны "Чолбон" сурунаал корректора Анна Прудецкая хомуйан оҥордо. "Дани-Алмас" типографияҕа 500 устууканан бэчээттэммит.

"Үөһээ Бүлүү" хаһыат