#оҕосаас

🏃‍♂️ "Солнышко" уһуйаан иитиллээччилэрэ Үөһээ Бүлүүтээҕи техникумҥа ыалдьыттаатылар.

Кырачаан дьон массыына мастарыскыайыгар, сокуону, бэрээдэги көрөр-истэр үлэһиттэри уонна баһаарынай байыастарын бэлэмниир бөлөхтөр эрчиллэр сирдэрин көрдүлэр.

Барытын тутан-хабан, сыттаан, амтаһыйан көрөн олус астыннылар. Мастарыскыай үлэһиттэрэ минньигэһинэн күндүлээтилэр, араас интэриэһинэй чахчылары кэпсээн кырачааннар болҕомтолорун тартылар.

Сонуннарга анаан Лев Саввинов

"Үөһээ Бүлүү" хаһыат

#кырдьаҕастардекадалара

⭐️ Сааһырбыт дьон нэдиэлэтигэр анаан Нам спортсаалатыгар "Мин сааһым - мин баайым" диэн тэрээһин үрдүк таһымҥа ааста.

Ас арааһын аһаттылар, кус миининэн күндүлээтилэр, ылбаҕай ырыанан эҕэрдэлээтилэр. Баһылык Александр Кардашевскай үбүлүөйдээх, анал ааттары ылбыт ытык дьоммутугар Добун суруктары, бэлэхтэри туттарда.

"Өйдүүгүөн ол сыллары, эдэр саас кэмнэрин ..." диэн ааттаах фотозонаны П.Н.Тобуруокап музей-уһаайбатын үлэһиттэрэ оччотооҕу малы-салы ыаллартан
уларсан туруорбуттарыгар кэлбит дьон үөрэ- көтө хаартыскаҕа түстүлэр.

Дартс, дуобат, сахалыы остуол оонньуулара, сканди - көрдөөх эстафета тэрийдилэр. Кэлбит ыалдьыттар үөрэн-көтөн, үҥкүүлээн, бэркэ сэргэхсийэн, махтал тылларын тэрийээччилэргэ анаан тарҕастылар.

Сонуннарга анаан Нина Саввинова

"Үөһээ Бүлүү" хаһыат