#бэлиэкүн #республикакүнэ

⭐️ Бүгүн Боотулуу нэһилиэгэр Саха Автономията төрүттэммитэ 101 сылыгар, Саха өрөсбүүбүлүкэтин саҥа конституцията ылыныллыбыта 31 сылыгар, судаарыстыбаннай уонна бэлэтиичэскэй диэйэтэл И.Н.Барахов төрөөбүтэ 125 сылыгар анаан ыҥыырдаах аттарынан сэлэлээн хаамыы буолан ааста.

Уопсайа 20 атынан, ол иһигэр 8 оскуола оҕолоох хаамтарыы буолла. Манна даҕатан эттэххэ, биһиги нэһилиэккэ муус устар 27 күнүгэр, Сахабыт Өрөспүүбүлүкэтин күнүгэр, иккис сылын аттар хаамтылар.

Боотулуу нэһилиэгин баһылыга Петр Саввинов

"Үөһээ Бүлүү" хаһыат

#бэлиэкүн #сахатыла

⭐️ "Сахам тыла, сахам тыына - манна тыаҕа мэлдьи тыыннаах..."

Бүгүн Дүллүкү нэһилиэгэр "Сахам тыла, сахам тыына - манна тыаҕа мэлдьи тыыннаах..." диэн тэрээһин уот суоҕар бэрт сэргэхтик буолан ааста. Тэрээһин Семен Данилов "Саха саҥата" диэн хоһоонунан саҕаланна. Нэһилиэк аҕа баһылыга Николай Петрович Романов киирии тылы эттэ уонна Үөһээ Бүлүүгэ буолан ааспыт "Омук күүһэ өйүгэр, өйүн күүһэ - тылыгар" сугулаан туһунан кылгастык кэпсээтэ.

Бу күн Дүллүкү нэһилиэгин "Ийэ тыл түмсүүтэ" састаабын нэһилиэк дьонугар-сэргэтигэр биллэрдибит. Нэһилиэк бырайыагын туһунан Николай Васильевич Васильев - Харыйалаах Уола сиһилии кэпсээтэ. Ону таһынан Николай Васильевич уола Эрхан Васильев олоҥхолоото.

Мунньах кэмигэр кэлбит дьону алаадьынан, мунньах кэннэ итии үүттээх чэйинэн күндүлээтибит.
Салҕыы түһүлгэлэринэн үлэ ыытылынна:
- Таба суруйуу (ыытта Алексеева К.Г.);
- Түргэн ааҕыы (ыытта Васильева А.Л.);
- "Сахалыы ыраастык саҥарыах" нууччаттан киирбит күннэтэ туттар тылларбытын ырытыы (ыытта Борисова Я.О.);
- Өрөспүүбүлүкэбитин сырдатар кинигэ быыстапката;
- Сахалыы бичиги сэлэспэҕэ туруорууга "Мантан ыл" ыйар-кэрдэр QR-код;
- Саха сирин уонна Үөһээ Бүлүү улууһун хомулугун хомуйуу.

Кэлбит дьон бары түһүлгэлэринэн көхтөөх кыттыыны ылан, үөрэн-көтөн махтанан тарҕастылар.

Сонуннарга анаан Дүллүкүттэн Дарья Поротова

"Үөһээ Бүлүү" хаһыат

Сорох хаартыскалары комментарийга киирэн көрүҥ
⬇️⬇️⬇️⬇️⬇️⬇️⬇️⬇️⬇️⬇️⬇️⬇️