#сокуон

⚡️ РФ Президенэ Владимир Путин байыаннай учуот үлэтин сүрүннүүр, тупсарар сыаллаах уураахха илии баттаата.

Байыаннай эбээһинэстээх дьон биир кэлим реестрдэрин оҥорон, кумааҕынан бэриллэр бэбиэскэни Госуслуги портал нөҥүө тустаах киһиэхэ электроннай көрүҥэ эмиэ тиксэриллиэҕэ.

Оттон бэбиэскэни тутартан куотунар дьоҥҥо кытаанах хаарчахтыыр миэрэлэр олохтонуохтара. Бу туһунан "Россия хаһыата" суруйар.

Маннык үлэ мобилизациянан сибээстээн буолбакка, биир үксүн байыаннай учуоту аныгылыы олох ирдэбилигэр киллэрэр сыалтан ыытылларын туһунан дойду баһылыгын пресс-сэкирэтээрэ Дмитрий Песков кэпсээн турар.

Ааспыт сылга күһүҥҥү мобилизация кэмигэр байыаннай учуоту ыытыыга, биир кэлим база суоҕуттан, байыаннай эбээһинэстээхтэр уонна кинилэр дьиэ кэргэттэрин туһунан толору иһитиннэрии суох буолан, бу үлэҕэ улахан харгыһы үөскэппит.

Биир кэлим реестр үлэлээтэҕинэ киһи байыаннай комиссариаты кытта алтыһыыта лаппа аҕыйыахтаах.
Оттон кумааҕы бэбиэскэни илии баттаан ылыы таһынан, электроннай бэбиэскэлэри Гусуслуги портал, "Мин докумуоннарым" офис нөҥүө эмиэ тиксэриэхтэрэ.

"Үөһээ Бүлүү" хаһыат

#планерка

Муус устар 10 күнүнээҕи улуус дьаһалтатын планерката саҕаланна.

⭐️ "Басхан" уолаттарга аналлаах дьыалабыай оонньуу тэрээһинин туһунан "Тускул" оҕо киинин методиһа Саргылаана Ильина билиһиннэрэр.

10-с төгүлүн ыытыллыбыт лидер хаачыстыбалаах уолаттары тургутар күрэххэ 6 улуустан кыттыыны ыллылар.

Үөһээ Бүлүү улууһугар ыытыллыбыт күрэххэ 10 уол кыттыбытыттан 4 бастыҥа бу өрөспүүбүлүкэтээҕи таһымҥа кытынна.

Икки күннээх күрэх түмүгүнэн "Кылаан чыпчаал" Мэҥэ-Хаҥаластан Хаптаҕай орто оскуолатын 10-с кылааһын үөрэнээччитэ Юрий Павлов кыайыылаах үрдүк аатын ылла уонна Үөһээ Бүлүү улууһун дьаһалтатын 30 тыһ.солк. сертификатын бэлэх тутта. Маны тэҥэ анал ааттар ананнылар.

Сахалыы тылынан ыытыллар, сахалыы саҥанан кыттары ирдиир күрэххэ төрөөбүт тылынан саҥарары оҕолор ыарырҕатар буолбуттарын көрдөрбүт. Ол иһин аҕыйах улуус кыттыбыт.

"Үөһээ Бүлүү" хаһыат

#планерка

✅ Праймериз бэрээдэгин туһунан Үөһээ Бүлүүтээҕи "Биир ньыгыл Россия" баартыйа исполкомун салайааччыта Спиридон Борбуев иһитиннэрэр.

Үөһээ Бүлүү, Горнай биир мандааттаах уокуругар ыытыллар Праймериз испииһэгэр ыам ыйын ортотугар диэри кандидаттар киириэхтэрин сөп. Биир мандаттаах уокурукка бүгүҥҥү күҥҥэ Спиридон Борбуев, Феодосия Габышева бэйэлэрин кандидатураларын туруордулар.

Куоластааһын Госуслуга нөҥүө ыам ыйын 22-28 күннэригэр ыытыллыаҕа. Куоластааһыҥҥа Госуслуга портал нөҥүө регистрацияны ааспыт эрэ киһи кыттар кыахтанар. Оттон регистрациялааһын ыам ыйын 17 күнүттэн саҕаланна.

Праймеризка элбэх куолаһы ылбыт киһи испииһэккэ инники турар бырааптанар.

Оттон Праймеризка Үөһээ Бүлүү уонна Горнай улууһугар пропискалаах эрэ дьон кыттыахтаахтар.

#планерка

✅ Салҕыы улуустааҕы үөрэх управлениетын нэдиэлэтээҕи үлэтин сырдатта.

Ол курдук, Маҥаас нэһилиэгэр өрүс уҥуоргу оскуолалар спартакиадалара буолан ааста. Быйыл 15-с төгүлүн ыытылынна. Сыл аайы нэһилиэгинэн көһө сылдьан ыытыллар үгэскэ кубулуйбут тэрээһин.

200 кэриҥэ киһилээх тэрээһини ыыппыт Маҥаас нэһилиэгин дьаһалтатыгар, оскуолатыгар управление салайааччыта Спиридон Борбуев махтанна.

Саамай улахан күрэҕинэн киберспорт күрэҕэ буолла. Манна Хоро нэһилиэгэ кыайда. Кырыкый бэрт кыранан хаалан иккистээтэ, үһүс миэстэҕэ Маҥаас таҕыста.

Бу күннэргэ ГИА апробацията бара турар. Бу түмүгүнэн ОГЭ уонна ЕГЭ хайдах бэлэмнээх ааһара тутулуктанар. Уот ситимин, сибээс үлэтигэр кыра да харгыс тахсыа суохтаах.

Ааспыт нэдиэлэҕэ Маҥаас нэһилиэгэр оҕо саадын сэбиэдиссэйдэрин сүбэ-мунньаҕа буолла.

Үөрэх управлениета ааспыт нэдиэлэҕэ Кырыкый нэһилиэгэр сырытта. Норуот маастара Яков Егоров тутан үлэлэтэ олорор түмэлин көрдүлэр. Олус эргэ дьиэҕэ үлэлии турар түмэлгэ саҥа дьиэ тутуллара наада буолбутун бэлиэтээтилэр.

Сургуулукка быйыл "Земский учитель" федеральнай бырагырааманан математика учуутала кэлэрэ күүтүллэр.

Бу нэдиэлэҕэ улуус Баһылыгын Олимпиадата буолар. Манна кыайбыт хамаанда Санкт-Петербург куоракка барар чиэскэ тиксиэҕэ.

"Үөһээ Бүлүү" хаһыат

#планерка #бэрээдэк

✅ Үөһээ Бүлүү улууһугар сокуону, бэрээдэги кэһии туругун туһунан Үөһээ Бүлүүтээҕи ис дьыала отделын салайааччытын солбуйааччыта, полиция старшай лейтенана Петр Павлов иһитиннэрдэ.

Нэдиэлэ устата ис дьыала отделын дьуһуурунай чааска 47 араас ис хоһоонноох иһитиннэрии киирбит. Ол иһигэр ыарахан туруктаах буруйу оҥоруу бэлиэтэммэтэх.

Уопсайа 124 административнай боротокуол оҥоһуллубутуттан, ГАИ үлэһиттэринэн 90 боротокуол толоруллубут.

Улуус киин уулуссатыгар массыына төһө түргэнник сылдьарын кэтиир-маныыр камералар холбоннулар.

✅ Суоппардар истиилэригэр, суолга болҕомтолоох буолуҥ, дьон олоҕор кутталы үөскэппэт туһуттан суол быраабылатын тутуһуҥ. ГАИ үлэһиттэрэ боротокуол толороллоругар сылтах биэрбэт туһуттан, бэйэҕит тус олоххутун харыстыыр сыалтан ремеҥҥитин баана сылдьыҥ.

"Үөһээ Бүлүү" хаһыат