#спорт #олоҥхоыһыаҕа

⭐️ Олоҥхо ыһыаҕар 100 м. уһуҥҥа сүүрүүгэ Үөһээ Бүлүүттэн Пелагея Дьячковская уонна Руфов Михаил иккиэн эрэллээхтик бастаан, улуустарын аатын өрө таһаардылар.

50 тыһыынча солкуобайдаах сертификатынан наҕараадаланнылар. Бүгүн, сарсын Бороҕоҥҥо өрөспүүбүлүкэ чемпионатыгар кытта сылдьаллар.

Спортсменнарбытыгар ситиһиини, кыайыыны-хотууну баҕарыаҕыҥ✊✊✊

@uoheebuluu

#спорт

⭐️ Пелагея Дьячковская «Путь к Олимпу» Бүгүн Россиятааҕы чэпчэки атлетика күрэҕэр

«Путь к Олимпу» турнир Москва куоракка от ыйын 27 күнүгэр буолан ааста.

Россия чемпүйүөннэрэ, инники күөҥҥэ сылдьар спортсменнар кыттыылаах күрэхтэһиигэ биһиги биир дойдулаахпыт Пелагея Дьячковская 800 м. уһуҥҥа сүүрдэ.

Эрдэтээҥи ситиспит бириэмэтэ 2:05 эбит буоллаҕына, бу сырыыга 2:02 кэлэн көрдөрүүтүн тупсарда. Бэйэтин забегар 2-с кэллэ, уопсай түмүгүнэн 5-с миэстэни ылла.

Санатар буоллахха, «Путь к Олимпу» күрэхтэһи чэпчэки атлетика Бүтүн Россиятааҕы Федерацията тэрийэн ыытар «Королевы российского спорта» диэн күрэҕин этаптарыттан биирдэстэрэ буолар.

"Үөһээ Бүлүү" хаһыат

#спорт

⭐️ Үөһээ Бүлүү улууһун Боотулуу орто оскуолатын үөрэнээччитэ Саша Захаров мас тардыһыытыгар чөмпүйүөннээтэ🥳🥳🥳

Башкортостаҥҥа ыытыллыбыт мас тардыһыытыгар Россияҕа биирдиилээн бастыыр иһин күрэхтэһиигэ 14-15 саастаах уолаттар ортолоругар кыайыылаах үрдүк аатын ылла.

Ону тэҥэ Оҕо спортивнай оскуолатын үөрэнээччилэрэ Саян Саввинов үһүс, Харысхан Габышев эмиэ үһүс бириистээх миэстэлэри ылан, дойдуларыгар мэтээллээх кэлэр буоллулар👏👏👏

"Оҕолорбутун уонна кинилэр тренердэрин Геннадий Михайлович Охотины үрдүк ситиһиилэринэн эҕэрдэлиибин! Киэҥ Россия түһүлгэтигэр Үөһээ Бүлүүбүтүн дорҕоонноохтук ааттаппыккытыгар махтанабын. Үөһээ Бүлүү - өрүү үөһээ, өрүү үөһээ - Үөһээ Бүлүү👏👏👏✊✊✊", - диэн улуустааҕы спорт управлениетын салайааччыта Егор Николаев эҕэрдэтин тириэрдэр.

"Үөһээ Бүлүү" хаһыат

#спорт

⭐️ Улуус бэтэрээннэрин спартактадата саҕаланна

Россияҕа Дьиэ кэргэн, Өрөспүүбүлүкэҕэ Оҕо саас, Үөһээ Бүлүүгэ Түмсүү сылынан, Олоҥхо декадатыгар сөп түбэһиннэрэн тэриллибит бэтэрээннэр спартакиадалара быйыл 11-с төгүлүн ыытыллар.

Ийэ олоҥхоһут, спортсмен, чэпчэки атлетика рекордсмена Кирилл Никонович Никифоров - Лөкөчөөн аатын сүгэр бэтэрээннэр спартакиадаларын 23 көрүҥүттэн түмүктүүр көрүҥ буолар. Саамай быһаарыылаах күрэхтэһиигэ бастакы бөлөх нэһилиэктэргэ 2 тэбис-тэҥ очукуолаах нэһилиэктэн хайалара бастыыра быһаарыллыаҕа.

Икки күннээх курэхтэһии 13 көрүҥүнэн ааһыаҕа: дартс, дуобат, хабылык уонна хаамыска, эстафета, бальнай үҥкүү дьиэ кэргэн пааратынан күрэхтэһэр хорнхол оонньуу, саахымат, буулдьанан ытыы, бильярд уонна волейбол.

Күрэхтэһиилэр "Үс Хоһуун" спортивнай саала, манеж уораҕайдарыгар икки күн устата ыытыллыахтара.

14 нэһилиэк хамаандатын бэтэрээн саастаах дьоно сымсаларын, быһыйдарын быһаарсыахтара, тэҥ баайыылаах дьонтон бастыҥнарын быһаарсыахтара.

"Үөһээ Бүлүү" хаһыат

#спорт

⭐️ Хапсаҕайдаһан тустууга Федерация 27-с Кубогын иһин киирсии үөрүүлээх арыллыыта саҕаланна.

Спортсменнар парадтарын иннигэр көбүөргэ ыҥырыллан таҕыстылар:

Үөһээ Бүлүү улууһун баһылыга Валерий Николаев, улуус Сэбиэтин бэрэссэдээтэлэ Николай Николаев, улуус баһылыгын бастакы солбуйааччыта Егор Иванов 

Баһылай Манчаары аатынан национальнай спорт көрүҥнэрин киинин дириэктэрин солбуйааччыта Сергей Бандеров

Саха Өрөспүүбүлүкэтин Хапсаҕайдаһан тустуу Федерациятын Президенэ, "Колми" ХЭТ дириэктэрэ, СӨ норуотун хаһаайыстыбатын үтүөлээх үлэһитэ Николай Румянцев

СӨ Хапсаҕай Федерациятын вице-президенэ, СӨ бочуоттаах мецената Вячеслав Нестеров
"Төлөн" АУо генеральнай дириэктэрэ, Ил Түмэн судаарыстыбаннай мунньах дьокутаата, СӨ Хапсаҕайдаһан тустуу Федерациятын вице-президенэ, Таатта улууһун хапсаҕай ФЕДЕРАЦИЯТЫН бэрэссэдээтэлэ, РФ үтүөлээх шахтера, СӨ үтүөлээх горняга, "Шахтерская Слава" бэлиэ кавалера Прокопий Рахлеев

СӨ сумо тустуу Федерациятын Президенэ, Хапсаҕайдаһан тустууга спорт маастара, Үөһээ Бүлүү улууһун бочуоттаах гражданина, СӨ бочуоттаах тутааччыта Дмитрий Петров

Үөһээ Бүлүү улууһун хапсаҕайга Федерациятын бэрэссэдээтэлэ Иван Николаев

Үөһээ Бүлүүтээҕи спорт управлениетын салайааччыта,  СӨ физическэй култуура уонна спорт туйгуна Егор Николаев

Сирин судьуйа, өрөспүүбүлүкэ таһымнаах судьуйа, РФ ИДьМ туйгуна Григорий Захаров

Техническэй делегат, ССРС спордун маастара,  СӨ спордун бочуоттаах маастара, "Сахаада спорт" ХХ үйэтин лауреата, көҥүл тустууга Аан дойду Кубогын хаһаайына, Хапсаҕайдаһан тустууга СӨ 3 төгүллээх муҥутуур кыайыылааҕа Андрей Яковлев

Көҥүл тустууга ССРС спордун маастара, СӨ үөрэҕириитин туйгуна, ССРС 2 төгүллээх боруонса призера, ССРС норуоттарын VI Спартакиадатын боруонса призера, ССРС устудьуоннарын икки ардыларыгар 6 төгүллээх кыайыылаах Михаил Ноговицын.

⭐️ Күрэх арыллыытын быһа эфиргэ көрүҥ:

Вконтакте:
https://vk.com/borba_sakha телевизорга Вк видео диэҥҥэ киирэҕит

Yotube ханаалга:
https://youtube.com/@borba_sakha?si=r4Lj8EF-joD2zHho

Телеграм канале:
https://t.iss.one/borba_sakhaa


"Үөһээ Бүлүү" хаһыат

#спорт

⭐️ҮӨҺЭЭ БҮЛҮҮ ХАМААНДАТА 11:6 ахсаанынан кыайыыны ситиһэн, 9-с төгүл кубок хаһаайынынан буолла🔥🔥🔥

Иккис бочуоттаах миэстэни Мэҥэ-Хаҥалас улууһун хамаандата ылла.

Үһүс бочуоттаах миэстэҕэ Бүлүү сүүмэрдэммит хамаандата таҕыста.

Кыайыылаахтары наҕараадалааһын кэннэ 80 кг диэри, 80 кг үөһэ ыйааһыҥҥа уонна бэтэрээннэр икки ардыларыгар муҥутуур кыайыылаах аатын иһин киирсии буолуоҕа.

Кыайыылаахтары эҕэрдэлиибит👏👏👏💐💐💐

Второй день чемпионата Якутии по волейболу 🏖

📶 Прямой эфир чемпионата можете посмотреть по ссылке ⤵️

https://vk.com/video-211233925_456239579

🏃Сейчас на площадке играют команды Олекминского и Мегино-Кангаласского улусов 🏃

@amma_olo5o
@ulusmedia
@ulusmediasport
#спорт@amma_olo5o