#санаанааһыаҕыҥ

Харгыстарга бэриммэтэх дуулаҕа санаа түмүллүбүт Оонньуулара ыытыллыбыттара

Уус Алдан улууһа Саха сирин норуоттарын спортивнай оонньуулара ыытыллар устуоруйатын саҕалаабыт улуус буолар. Биллэрин курдук, ааспыт үйэ 90-с сылларыгар дойдубут тутула уларыйан, саҥа судаарыстыбаннай тутулу үөскэтии кэмнэрэ кэлбиттэрэ. Итинник быыһык кэмнэр олоххо-дьаһахха, биллэн турар, охсуулаах буолаллар. Ол эрээри, Саха сирин бастакы бэрэсидьиэнэ Михаил Николаев оннук кэмҥэ сомоҕолоһор, түмсэр күүс наадатын өйдөтөн, норуоттар спортивнай оонньууларын тэрийэргэ соругу туруорбута. Ону бастакынан тэрийэр итэҕэл Уус Алдан улууһугар сүктэриллибитэ. Ол курдук, 1996 сыллаахха Бороҕоҥҥо Саха сирин норуоттарын I спортивнай оонньуулара ыытыллыбыттара.

Ол кэнниттэн 26 сыл буолан баран Уус Алдан улууһа итинник улахан тэрээһини иккиһин ыытар чиэскэ тиксибитэ. Онон Саха сирин норуоттарын VIII спортивнай оонньуулара быйыл уйгу сирэ Уус Алдан сиригэр-уотугар буолла.

✍️ Афанасий Копырин

https://мюрюгазета.рф/article/84883