АММАЛАР АТТАРА ИЛ ДАРХАН БИРИИҺИГЭР ЫЫТЫЛЛЫБЫТ СҮҮРДҮҮГЭ ДУОРААННААХТЫК ААТТАННА
Бүгүн Дьокуускай куоракка ыытыллыбыт саамай күүтүүлээх Ил Дархан бирииһигэр ат сүүрдүүтүгэр аммалар аттара эмиэ дуорааннаахтык ааттанан үөрүүлэрэ улахан.
Строд аатынан хаһаайыстыба сүүрүк сылгылара Ил Дархан бирииһигэр ыытыллыбыт сүүрдүүгэ кэккэ ситиһиилэнэн, Амма улууһун аатын ааттаттылар. Биллэрин курдук быйыл уустук балаһыанньанан сүүрдүү көрөөччүтэ суох ыытыллыбыта. Ол да буоллар улуус дьоно “Саха” НКИК ханаалынан аһаҕас эпиири көрөн тэбис-тэҥҥэ “ыалдьан” ыһыы-хаһыы түһэрдилэр. Сүүрүү бүппүтүн кэннэ биһиги түлүпүөнүнэн Строд аатынан хаһаайыстыба бэрэссэдээтэлэ Василий Тимофеевы кытта сибээстэһэ сырыттыбыт.
“Өрөспүүбүлүкэ саамай күүтүүлээх сүүрдүүтүгэр хайдах да кыттабыт диэн санаалаах аттарбытын бэлэмнээбиппит. Бэлэмнэнии үлэбит түмүктэрдээх буолбутуттан үөрдүбүт. Ол курдук 1000 миэтэрэ дистанцияҕа „Критериум“ бирииһигэр Варадеро диэн атыырбыт 2-с миэстэ буолан 35 тыһ. солк. бириэмийэлэннэ. 2000 миэтэрэ дистанцияҕа „Югория“ страховой хампаанньа бирииһигэр 3 саастаахтарга Арктик Бой диэн ат бастакы миэстэ буолан 75 тыһ. солк. ылла.
Бу аты бэйэбит биир дойдулаахпыт, тириэньэр Андрей Егорович Константинов биһиэхэ баайтарар. Дьэ уонна Ил Дархан бирииһигэр 2400 миэтэрэ дистанцияҕа Мейзи Кинг диэн 5 саастаах атыырбыт иккиһинэн кэлэн 1 мөл. 250 тыһ. солк. наҕараадаланна.
Аттар тириэньэрдэрэ Николай Николаевич Громов. Онтон сүүрдээччи уолум Спиридон Тимофеев. Кини Москваттан кэлэн сүүртэ уонна сарсын сарсыарда Москваҕа төттөрү көттө”, – диэн Василий Васильевич кэпсээтэ.
Биһиги өссө төгүл аммалары ааттаппыт Строд аатынан хаһаайыстыба бары үлэһиттэрин, бэрэссэдээтэл Василий Тимофеевы, тириэньэр Николай Громовы уонна сүүрдээччи Спиридон Тимофеевы ситиһиилэринэн истиҥник эҕэрдэлиибит!
#улусмедиа #призыИлДархана #конныескачки #соревнования
Бүгүн Дьокуускай куоракка ыытыллыбыт саамай күүтүүлээх Ил Дархан бирииһигэр ат сүүрдүүтүгэр аммалар аттара эмиэ дуорааннаахтык ааттанан үөрүүлэрэ улахан.
Строд аатынан хаһаайыстыба сүүрүк сылгылара Ил Дархан бирииһигэр ыытыллыбыт сүүрдүүгэ кэккэ ситиһиилэнэн, Амма улууһун аатын ааттаттылар. Биллэрин курдук быйыл уустук балаһыанньанан сүүрдүү көрөөччүтэ суох ыытыллыбыта. Ол да буоллар улуус дьоно “Саха” НКИК ханаалынан аһаҕас эпиири көрөн тэбис-тэҥҥэ “ыалдьан” ыһыы-хаһыы түһэрдилэр. Сүүрүү бүппүтүн кэннэ биһиги түлүпүөнүнэн Строд аатынан хаһаайыстыба бэрэссэдээтэлэ Василий Тимофеевы кытта сибээстэһэ сырыттыбыт.
“Өрөспүүбүлүкэ саамай күүтүүлээх сүүрдүүтүгэр хайдах да кыттабыт диэн санаалаах аттарбытын бэлэмнээбиппит. Бэлэмнэнии үлэбит түмүктэрдээх буолбутуттан үөрдүбүт. Ол курдук 1000 миэтэрэ дистанцияҕа „Критериум“ бирииһигэр Варадеро диэн атыырбыт 2-с миэстэ буолан 35 тыһ. солк. бириэмийэлэннэ. 2000 миэтэрэ дистанцияҕа „Югория“ страховой хампаанньа бирииһигэр 3 саастаахтарга Арктик Бой диэн ат бастакы миэстэ буолан 75 тыһ. солк. ылла.
Бу аты бэйэбит биир дойдулаахпыт, тириэньэр Андрей Егорович Константинов биһиэхэ баайтарар. Дьэ уонна Ил Дархан бирииһигэр 2400 миэтэрэ дистанцияҕа Мейзи Кинг диэн 5 саастаах атыырбыт иккиһинэн кэлэн 1 мөл. 250 тыһ. солк. наҕараадаланна.
Аттар тириэньэрдэрэ Николай Николаевич Громов. Онтон сүүрдээччи уолум Спиридон Тимофеев. Кини Москваттан кэлэн сүүртэ уонна сарсын сарсыарда Москваҕа төттөрү көттө”, – диэн Василий Васильевич кэпсээтэ.
Биһиги өссө төгүл аммалары ааттаппыт Строд аатынан хаһаайыстыба бары үлэһиттэрин, бэрэссэдээтэл Василий Тимофеевы, тириэньэр Николай Громовы уонна сүүрдээччи Спиридон Тимофеевы ситиһиилэринэн истиҥник эҕэрдэлиибит!
#улусмедиа #призыИлДархана #конныескачки #соревнования