САХА СИРИН НАЦИОНАЛЬНАЙ БЭЧЭЭТИН КҮНҮГЭР АНАЛЛААХ ОНЛАЙН-КЭМПИРИЭНСИЙЭ ЫЫТЫЛЫННА
От ыйын 1 күнүгэр Саха Өрөспүүбүлүкэтигэр Национальнай бэчээт күнэ бастакынан бэлиэтэниэҕэ. 1907 сыллаахха от ыйын 1 күнүгэр саха тылынан аан маҥнайгы “Саха дойдута” диэн хаһыат бастакы нүөмэрэ тахсыбыта. Бу историческэй чахчыга олоҕуран, 2020 сыллаахха олунньу 13 күнүгэр Саха Өрөспүүбүлүкэтин Ил Дархана А.С.Николаев от ыйын 1 күнүгэр Национальнай бэчээт күнүн бэлиэтиир туһунан 1007 №-дээх Уураахха илии баттаабыта.
Бу бэлиэ күн чэрчитинэн, «Сахабэчээт» Саха Өрөспүүбүлүкэтин Судаарыстыбаннай автономнай тэрилтэтэ сонуну киэҥник тарҕатар сириэстибэлэр өрөспүүбүлүкэтээҕи уонна улуустааҕы сүрүн эрэдээктэрдэри кытта онлайн-кэмпириэнсийэ тэрийэн ыытта. Кэмпириэнсийэни генеральнай дириэктэр Ньургуйаана Стручкова уонна «Саха сирин суруйааччылара» Ассоциация бэрэссэдээтэлэ, М.К.Аммосов аатынан ХИФУ суруналыыстыка кафедратын сэбиэдиссэйэ Олег Сидоров салайдылар. Кэмпириэнсийэ сахалыы тылынан периодическай бэчээт историятын кэпсиир кылгас роликтан саҕаланна.
«Сахабэчээт» генеральнай дириэктэрэ Ньургуйаана Стручкова сонуну киэҥник тарҕатар сириэстибэлэр өрөспүүбүлүкэтээҕи уонна улуустааҕы сүрүн эрэдээктэрдэри эҕэрдэлииригэр национальнай бэчээт күнүн итиэннэ аныгы көрүҥүнэн аан маҥнай бэлиэтииллэрин биллэрдэ. «Сахалыы тыллаах суруналыыстыкаҕа билигин улахан эппиэтинэстээх кэм үүннэ. Оччоттон баччаҕа диэри бэйэтэ ураты суоллаах-иистээх, ону ааһан анал ыйдарыылаах, норуот ис туругун уонна ис кыаҕын бэйэтигэр көрдөрөр аналлаах. Саха бэчээтэ норуот духуобунай баайын, култууралар хардарыта дьайсыыларын өйөөн, сайыннаран кэлбитэ. Саха тылын ыыра бэчээттэнэн тахсар хаһыаттарынан муҥурданар кыаҕа суох, интернет куйаарыгар тэҥҥэ барсан, аныгы көлүөнэ дьоҥҥо бэйэлэрин булуналларыгар, сомоҕолоһоллоругар тирэх буолуохтаах», — диэтэ.
Саха сирин национальнай бэчээтин күнүнэн Ил Дархан Айсен Николаев, Ил Түмэн бэрэссэдээтэлин бастакы солбуйааччыта Александр Жирков, СӨ Инфокоммуникационнай технологияларын, сыыппара сайдыытын уонна инновацияларын миниистирэ Алексей Семенов, «Саха» НКИХ генеральнай дириэктэрэ Олег Марков, «Сахамедиа» генеральнай дириэктэрэ Алексей Чертков, Саха сирин суруналыыстарын Сойууһун бэрэссэдээтэлэ Галина Бочкарева, «Бичик» национальнай кинигэ кыһатын генеральнай дириэктэрэ Август Егоров, кылаабынай эрэдээктэр Валерий Луковцев, «Кэскил» оҕо бэчээтин кыһатын генеральнай дириэктэрэ Ольга Семенова, СӨ култууратын туйгуна, саха бэчээтин бэтэрээнэ Василий Алексеев эҕэрдэ тыл эттилэр.
Кэмпириэнсийэ кыттыылаахтарыгар «Кыл сахалар» ансаамбыл Анемподист Софронов-Алампа матыыптарыгар олоҕуран дьүһүйүүнү бэлэхтээтэ. Үөрүүлээх бэлиэ күҥҥэ биир идэлээхтэр, улуус хаһыаттарын үлэһиттэрэ бэйэлэрин дойдуларын кэрэ айылҕатыгар уһуллан, эҕэрдэ тылларын тиэртилэр.
Бастакынан бэлиэтэнэр саха суруналыыстарын идэлээх бырааһынньыктарынан СӨ Инфокоммуникационнай технологияларын, сыыппара сайдыытын уонна инновацияларын Министиэристибэтин наҕараадатын ылбыт дьон аата үөрүүлээх быһыыга-майгыга этилиннэ.
#деньнациональнойпечати #сахапечать #онлайнконференция
От ыйын 1 күнүгэр Саха Өрөспүүбүлүкэтигэр Национальнай бэчээт күнэ бастакынан бэлиэтэниэҕэ. 1907 сыллаахха от ыйын 1 күнүгэр саха тылынан аан маҥнайгы “Саха дойдута” диэн хаһыат бастакы нүөмэрэ тахсыбыта. Бу историческэй чахчыга олоҕуран, 2020 сыллаахха олунньу 13 күнүгэр Саха Өрөспүүбүлүкэтин Ил Дархана А.С.Николаев от ыйын 1 күнүгэр Национальнай бэчээт күнүн бэлиэтиир туһунан 1007 №-дээх Уураахха илии баттаабыта.
Бу бэлиэ күн чэрчитинэн, «Сахабэчээт» Саха Өрөспүүбүлүкэтин Судаарыстыбаннай автономнай тэрилтэтэ сонуну киэҥник тарҕатар сириэстибэлэр өрөспүүбүлүкэтээҕи уонна улуустааҕы сүрүн эрэдээктэрдэри кытта онлайн-кэмпириэнсийэ тэрийэн ыытта. Кэмпириэнсийэни генеральнай дириэктэр Ньургуйаана Стручкова уонна «Саха сирин суруйааччылара» Ассоциация бэрэссэдээтэлэ, М.К.Аммосов аатынан ХИФУ суруналыыстыка кафедратын сэбиэдиссэйэ Олег Сидоров салайдылар. Кэмпириэнсийэ сахалыы тылынан периодическай бэчээт историятын кэпсиир кылгас роликтан саҕаланна.
«Сахабэчээт» генеральнай дириэктэрэ Ньургуйаана Стручкова сонуну киэҥник тарҕатар сириэстибэлэр өрөспүүбүлүкэтээҕи уонна улуустааҕы сүрүн эрэдээктэрдэри эҕэрдэлииригэр национальнай бэчээт күнүн итиэннэ аныгы көрүҥүнэн аан маҥнай бэлиэтииллэрин биллэрдэ. «Сахалыы тыллаах суруналыыстыкаҕа билигин улахан эппиэтинэстээх кэм үүннэ. Оччоттон баччаҕа диэри бэйэтэ ураты суоллаах-иистээх, ону ааһан анал ыйдарыылаах, норуот ис туругун уонна ис кыаҕын бэйэтигэр көрдөрөр аналлаах. Саха бэчээтэ норуот духуобунай баайын, култууралар хардарыта дьайсыыларын өйөөн, сайыннаран кэлбитэ. Саха тылын ыыра бэчээттэнэн тахсар хаһыаттарынан муҥурданар кыаҕа суох, интернет куйаарыгар тэҥҥэ барсан, аныгы көлүөнэ дьоҥҥо бэйэлэрин булуналларыгар, сомоҕолоһоллоругар тирэх буолуохтаах», — диэтэ.
Саха сирин национальнай бэчээтин күнүнэн Ил Дархан Айсен Николаев, Ил Түмэн бэрэссэдээтэлин бастакы солбуйааччыта Александр Жирков, СӨ Инфокоммуникационнай технологияларын, сыыппара сайдыытын уонна инновацияларын миниистирэ Алексей Семенов, «Саха» НКИХ генеральнай дириэктэрэ Олег Марков, «Сахамедиа» генеральнай дириэктэрэ Алексей Чертков, Саха сирин суруналыыстарын Сойууһун бэрэссэдээтэлэ Галина Бочкарева, «Бичик» национальнай кинигэ кыһатын генеральнай дириэктэрэ Август Егоров, кылаабынай эрэдээктэр Валерий Луковцев, «Кэскил» оҕо бэчээтин кыһатын генеральнай дириэктэрэ Ольга Семенова, СӨ култууратын туйгуна, саха бэчээтин бэтэрээнэ Василий Алексеев эҕэрдэ тыл эттилэр.
Кэмпириэнсийэ кыттыылаахтарыгар «Кыл сахалар» ансаамбыл Анемподист Софронов-Алампа матыыптарыгар олоҕуран дьүһүйүүнү бэлэхтээтэ. Үөрүүлээх бэлиэ күҥҥэ биир идэлээхтэр, улуус хаһыаттарын үлэһиттэрэ бэйэлэрин дойдуларын кэрэ айылҕатыгар уһуллан, эҕэрдэ тылларын тиэртилэр.
Бастакынан бэлиэтэнэр саха суруналыыстарын идэлээх бырааһынньыктарынан СӨ Инфокоммуникационнай технологияларын, сыыппара сайдыытын уонна инновацияларын Министиэристибэтин наҕараадатын ылбыт дьон аата үөрүүлээх быһыыга-майгыга этилиннэ.
#деньнациональнойпечати #сахапечать #онлайнконференция