МЭҤЭ ХАҤАЛАСКА САЛАЙАР ХАМПААННЬАЛАР ДЕЗИНФЕКЦИЯ ҮЛЭТИН ӨРӨ ТУТАЛЛАР

Мэҥэ Хаҥаласка кулун тутар ыйтан дьаҥ туруоҕуттан элбэх кыбартыыралаах олорор дьиэлэри дезинфекциялааһын күргүөмнээхтик саҕаламмыта. Коронавирустан дьону-сэргэни харыстыыр сыаллаах  Аллараа Бэстээххэ уонна Майаҕа элбэх кыбартыыралаах уопсай дьиэлэри көрөр-истэр хампаанньалар үлэһиттэрэ күн ахсын дезинфекция улэлэрин ыыталлар.

Майаҕа «Протек» хампаанньа үс үлэһитэ солбуйса сылдьан уопсай  дьиэлэри кэрийэ сылдьан ыарыы утары түбүгүрэллэр. Билиҥҥитэ «Протек» хампаанньаҕа 10-тан тахса дьиэ баар. Бэлиэтээн эттэххэ, улуус, Аллараа Бэстээх уонна Майа олохтоох дьаһалталара үлэһиттэри дезинфекциялыыр сириэстибэлэринэн, тэриллэринэн, харыстыыр анал көстүүмнэринэн, мааскаларынан толору хааччыйбыттар.

Оттон «Чолбон» хампаанньа үлэһиттэрэ уопсай дьиэлэр подъезтарын уонна таһырдьа оҕо оонньуур былаһааккаларын күҥҥэ иккитэ анал растворунан, хулуорунан ыстараллар. «Чолбон» тэрилтэ 40-тэн тахса эбийиэги көрөр. Ыарыыны утары ыытыллар дезинфекция үлэтин кэмигэр уопсай дьиэлэр олохтоохторо дьиэлэриттэн тахсыбаттар, төрөппүттэр оҕолорун таһырдьа таһаарбаттар. Онон ыраас буолуу ирдэбилэ кытаанахтык тутуһуллар.

Аллараа Бэстээххэ «Коммунтеплосервис» салайар хампаанньа уопсайа 49 элбэх кыбартыыралаах дьиэни көрөр. Хампаанньа эдэр-эрчимнээх үлэһиттэрэ хас сарсыарда аайы бары санитарнай ирдэбиллэри тутуһан 79 подъеһы дезинфекциялыыллар. Күҥҥэ 15-тии лиитэрэ дезсириэстибэни ыстарабыт диэн тэрилтэ кылаабынай инженерэ Афанасий Неустроев иһитиннэрэр.

Бу курдук бөһүөлэктэргэ бары санитарнай-эпидемиологическай ирдэбиллэри тутуһан кутталлаах вируһу кыайарга тустаах үлэлэр бараллар.

#сахапечать #улусмедиа #мегинокангаласскийулус

МЭҤЭ ХАҤАЛАСКА КУОЛАСТААҺЫН САҔАЛАННА

Бэс ыйын 25 күнүгэр, Арассыыйа Төрүт сокуонун уларыйыытыгар бүтүн дойду үрдүнэн ыытыллар куоластааһын Мэҥэ Хаҥалас улууһугар сарсыардаттан саҕаланна. Улууска баар 34 быыбардыыр учаастакка хамыыһыйа чилиэннэрэ от ыйын 1 күнүгэр диэри күннэтэ үлэлиэхтэрэ.

Майа сэлиэнньэтигэр Д.Ф.Ходулов аатынан норуот айымньытын дьиэтигэр 256-с быыбардыыр учаастакка дьон-сэргэ куоластааһыҥҥа кэлэн кыттар. Анал көстүүмнээх үлэһит кэлбит дьону аан таһыгар тоһуйа көрсөр, сүүстэригэр даҕайан температураларын мээрэйдиир. Хас биирдии киһини дезинфекциялыыр сириэстибэнэн ыстараллар,  салапааҥҥа  угулла сылдьар сирэйи бүөлүүр маасканы, биирдэ кэтиллэр бэрчээккэни, уруучуканы биэрэллэр. Куоластааччы пааспарын хамыыһыйа чилиэнин илиитигэр туттарбакка, нүөмэрин бэйэтэ этэн биэрэн, испииһэги кытта тэҥнээн көрөр итиэннэ анал кэбиинэлэргэ киирэн былааҥканы толорон баран дьааһыкка угар. Дьон бэйэ-бэйэтин кытта алтыспатын туһугар кэтэх аанынан тахсан барар.

Куоластааһын хаамыыта бары ирдэниллэр миэрэлэри тутуһан, сөптөөхтүк баран иһэр. От ыйын 1 күнүгэр диэри элбэх киһи кэлэн кыттан бэйэтин санаатын куоластааһыҥҥа биллэриэҕэ.

#сахапечать #общероссийскоеголосование #мегинокангаласскийулус #улусмедиа

ХОЧО ЭДЭР ЫАЛА СОЛОВЬЕВТАР ХААЧЧАХТААҺЫН ЭРЭСИИМИН ХАЙДАХ АТААРАРЫЙ?

Мэҥэ Хаҥалас Хочо бөһүөлэгэр олоххо көхтөөхтүк кыттар, ийэ, аҕа быһыытынан кэрэхсэнэр дьиэ кэргэн элбэх. Кинилэртэн биирдэстэрэ Виктория Ивановна, Николай Иванович Соловьевтар. Эдэр ыал үс оҕолоох: Юля ахсыһы, Люба бастакы кылааһы бүтэрдилэр, кыралара Нелли 3 саастаах, оҕо саадын иитиллээччитэ. Дьиэҕэ олоруу эрэсиимин кэмигэр ыал ийэтэ тугунан дьарыгыралларын кэпсээтэ.

‒ Биһиги дьиэ кэргэн дьиэҕэ олоруу кэмин туһалаахтык атаарарга кыһаллабыт. Айылҕаҕа сынньанабыт, Улуу Кыайыы 75 сылыгар аналлаах араас онлайн куонкурустарга кыттабыт. Кыракый кыысчааммыт Нелли «Солнце, воздух и вода ‒ наши лучшие друзья» хаартысканан аахсыйаҕа саамай элбэх куолаһы ылан бастаабыта. Киниэхэ олохтоох дьаһалта, «Алгыстаах айан» айар бөлөх бэлэх туттарбыттара. Орто кыыспыт Люба «Саллаат пилоткатын оҥоруу» флешмобка ситиһиилээхтик кыттыбыта. «Мин эһэм ‒ мин киэн туттуум» диэн бырайыакка кыттан, хос эһэтин, Сталинград кыргыһыытын  кыттыылааҕын Дмитрий Михайлович Соловьев сырдаппыта.

Мин бэйэм улахан кыыспынаан Юлялыын «Минньигэс  астаах хаһаайкалар» ‒ бырайыакка куйаар ситимин нөҥүө ырысыап үллэстибиппит. Олохтоох бибилэтиэкэр Ирина Дмитриевна Никанорова «Өс хоһооннорун ситэр» диэн онлайн-оонньуутугар кыттаммын, кыайыылаах буолбутум.

Сылын аайы оҕуруот аһын үүннэрэбит. Ол курдук, хортуоппуй, моркуоп, сүбүөкүлэ, оҕурсу, помудуор, кабачок олортубут. Кыралыын улаханныын ону бүөбэйдиибит. Оҕолорбут кэрэни кэрэхсиир дьон буоллуннар диэн сибэкки арааһын олордобут. Бу күннэргэ бархатцы, петунья, флокс, душистый табак сибэккилэри буорга көһөрдүбүт.

Аҕабыт Николай «Лидер» ХЭТ тэрилтэҕэ оператордыыр. Саха эр хоһуунун сиэринэн булт, айылҕа диэн баран муннукка ытаабыт киһи. Дьиэ кэргэнинэн ньургуһун көрө, чочунаахтыы тахса сылдьыбыппыт, көй салгынынан дуоһуйа тыынарбытын сөбүллүбүт, ‒ диэн кэпсээтэ.

Салҕыы аах Улус Медиа сайтыгар https://ulus.media/2020/06/26/hocho-eder-yala-solovevtar-haachchahtaa-yn-eresiimin-hajdah-ataararyj/.

#улусмедиа #сахапечать #новости #мегинокангаласскийулус

ХАПТАҔАЙГА САЙДЫЫ СУОЛУГАР БИИР ХАҺААЙЫСТЫБА КУРДУК ТУТУҺАН ҮЛЭЛИИЛЛЭР

Мэҥэ Хаҥалас улууһугар икки агрокластер баарыттан Хара нэһилиэгин “Туйгун” агрокластер резиденнэрэ сүөһү иитиитинэн дьарыктанар буоллахтарына, Хаптаҕай нэһилиэгин агрокластера сайынын сир үлэтин салҕыыр. 2016 сылтан саҥа саҕалыыр пиэрмэрдэргэ бэриллэр граннары ылбыт эдэр дьон бааһыналарын үлэтин үгэнэ.

Тыырыллыбыт да сирдэрэ бэрт өҥ буордаах саҥа сир буолан, уолаттар үлэлэрэ олус таһаарыылаах. Халлаан харамныырыттан тутулуга суох буолар гына дьаһанан, уу ыстарар систиэмэлэри толору баһылаан самаан сайын устата тиһигин быспакка үлэлэтэллэр. Ол түмүгэр өлгөм үүнүүнү ылаллар. Былырыыҥҥы үүнүүлэрэ элбэх буолан, бэрт эрэйинэн барытын батарбыттар. Отуттарыттан тахсыбыт, сырыыны-айаны кыайар уоланнар илининэн-арҕаанан, хотунан-соҕуруунан сылдьаннар атыылыыллар. Былырыыҥҥы үүнүүлэрэ 100-тэн тахса туонна хаппыыста уонна 40-ча туонна хортуоппуй буолбут. Сүбүөкүлэни эмиэ кыралаан ыһаллар эбит эрээри, быйыл ыспатахтар. Бу  туһунан Эбэй бааһынаҕа тыа хаһаайыстыбатын управлениетын салалтата бэс ыйын бастакы аҥарыгар сылдьарыгар бас-көс киһилэрэ Иван Зыков кэпсээтэ.

Салҕыы аах Улус Медиа сайтыгар https://ulus.media/2020/06/29/hapta-ajga-sajdyy-suolugar-biir-ha-aajystyba-kurduk-tutu-an-leliiller/.

#улусмедиа #сахапечать #мегинокангаласскийулус #сельскохозяйство

АГРОНОМ РАССОЛОДИНСКОЙ ШКОЛЫ ОСВАИВАЕТ ФЕРМЕРСКОЕ ДЕЛО

Виктория Артемьева из Рассолодинского наслега сумела получить улусную субсидию на гектар и возмещение затрат на покупку семенного картофеля от республики. С этими средствами и начала свой бизнес в 2020 году.

Она до недавнего времени работала в Рассолодинской агрошколе агрономом. Являлась главным человеком школы в деле выращивания овощных культур, декоративных цветов, тепличного хозяйства. В связке с происшедшими изменениями в руководстве школы, в её работе тоже произошли некоторые изменения. Точнее сказать, прибавилось обязанностей и хлопот. Получив в этом году статус индивидуального предпринимателя в сельском хозяйстве, она перешла на договорные отношения с родной школой. Должна обеспечивать школу продуктами земледелия и быть и остаться главным советчиком в выращивании овощей, цветов. И дальше способствовать развитии аграрного профиля.

В первой половине июня мы встретились с Викторией Артемьевой на пашне Чичинай. На земле лежали тонкие чёрные шланги капельного орошения, использовавшихся до этого. Вдоль пашен тянулись водоподводящие толстые шланги. На своих постах остались стоять спринклеры. Несколько дней назад опробовали функционирование поливной системы. Самого насоса не было. Виктория Эдуардовна ознакомила руководство управления сельского хозяйства с ходом нынешних работ.

Из-за опасности распространения Ковида, детей как раньше не допускают к летним работам на пашне, поэтому работники школы устроили субботники по посадке рассад.

Читайте далее на сайте https://ulus.media/ по ссылке https://ulus.media/2020/06/30/agronom-rassolodinskoj-shkoly-osvaivaet-fermerskoe-delo/.

#улусмедиа #мегинокангаласскийулус #сельскохозяйство

МЭҤЭ ХАҤАЛАСТАН ТӨРҮТТЭЭХ ОХЛОПКОВТАР ТУРЦИЯ ТУҺУНАН КЭПСИИР ХАНААЛЛААХТАР

Быйыл кыһын You Tube ханаалга икки кыра оҕолоох эдэр саха дьиэ кэргэнэ, Мэҥэ Хаҥаластан төрүттээх Охлопковтар «Ya-Family» диэн кэрэхсэбиллээх сирэйи арыйан, дьону-сэргэни сэргэхсиппиттэрэ. Кинилэр ааспыт сылга Турцияҕа баран олорбуттара.

Дьиэ кэргэн аҕата Михаил Охлопков кыра эрдэҕиттэн барытыгар көхтөөх, «Саха КВН» иитиллээччитэ, уопсастыбанньык, улуус баһылыгын көмөлөһөөччүтүнэн үлэлээбитэ, «Чөл сир» бөҕү-саҕы таҥастыыр тэрилтэни арыйбыта.

Кинини кытта түлүпүөнүнэн кэпсэттибит.

‒ Михаил, туох санааттан ыраах Турцияҕа көһөн барар санаа үөскээбитэй?

‒ Турцияҕа көһөн барбыт биричиинэбитинэн, мин Карабюк куоракка Норуоттар икки ардыларынааҕы судаарыстыбаннай университекка үөрэнэ киирбитим буолар. Университекка киирэрбэр эрдэ сайаапка биэрбитим. Бэйэм туспунан кэпсиир резюме, эксээмэннэрим түмүктэрин, дипломмун түһэрэн ыыппытым. Сотору кэминэн эппиэт кэлбитэ: “Үөрэххэ киирдиҥ”, ‒ диэн. Ити кэнниттэн дьиэ кэргэммин кытта сүбэлэспитим. Ол саҕана биир оҕолоох этибит, иккиспитин күүтэрбит. Ыраах дойдуга көһөн барар туһунан быһаарыныы ылар чэпчэки буолбатаҕа. Киһи ылла даҕаны үрүксээги сүгэн баран сынньана, күүлэйдии барар курдук буолбатах эбит. Биллэн турар, элбэҕи билбэппит: хайдах кэпсэтэрбитин, алтыһарбытын, онно тиийэн олорорбутун, сыана хайдаҕын да билбэппит, барарбытыттан салла быһыытыйабыт. Ол эрэн хорсун санааны ылынан,  тирэхтээх соҕустук ылыммыт быһаарыыбытын олоххо киллэрбиппит. Ити кэнниттэн аймахтарбытын кытта сүбэлэһэн, биир санааҕа кэлбиппит. Кырдьык, баран боруобалаан көрүөххэ наада диэн буолбута.

Инньэ гынан атырдьах ыйын бастакы күннэригэр бэйэм Стамбул куоракка көппүтүм. Биир ый курдук олорбутум. Син ону-маны билэн-көрөн, Турцияҕа “олоруу быраабылатын”, оннооҕор  хайдах массыына ыыталларыгар тиийэ үөрэтэн, дьоммун аҕалыам диэн бэйэбэр эрэммитим.

Салҕыы https://ulus.media/ сайтыгар аах ➡️➡️ https://ulus.media/2020/07/08/me-e-ha-alastan-t-r-tteeh-ohlopkovtar-turtsiya-tu-unan-kepsiir-hanaallaahtar/.

#УлусМедиа #ЭркээйиЭкспресс #МегиноКангаласскийулус #Турция #Якутянезарубежом