ОКОЕМОВКАҔА БЫЙЫЛ КҮҺҮН САҤА АРЫЫ СЫАҔЫН ТУТУОХТАРА
Уус Алдан Окоемовка бөһүөлэгэ 219 киһи нэһилиэнньэлээх, үс түөлбэлээх. Сайыҥҥы кэмҥэ хайа баҕарар бөһүөлэккэ курдук дохуотурар сирдэрэ – арыы сыаҕа. Олохтоохтор саҥа арыы сыаҕын туруорсубуттара ыраатта. Быйыл күһүн бу тутууну саҕалыыр былааннаахтар.
Окоемовка бөһүөлэгин баһылыга Никита Борисович Васильев үлэлээбитэ сылы кыайа илик, кини идэтинэн физкультура учуутала, Уус Тааттаҕа биэс сыл физкультура учууталынан уонна тириэньэринэн үлэлээбитэ.
Арыы сыаҕын үлэһиттэрэ А.Д.Ушницкая уонна Т.Е.Неустроева кэпсииллэринэн, сайын устата былаан быһыытынан, 150 туонна үүт туттарыллыахтаах. Олохтоохтор бэс ыйыгар 27 туонна үүтү туттарбыттар уонна 1 туонна 200 киилэ арыыны оҥорбуттар. Күннээҕи үүттэрэ 900-тэн тахса, 21 ыал үүт туттарар эбит. Саамай элбэҕи ИП Колодезников С.Г. туттарар. Быйыл күһүн арыы сыаҕын тутуутун саҕалаары оҥостоллор.
Саҥа оборудованиенан хааччыйабыт диэн улуус дьаһалтатын баһылыга А.В.Федотов “Быһа эпииргэ” эппитин астына истибиттэр. Сыах модульнайынан тутуллуохтаах. Быйыл күһүн бөһүөлэк иһигэр 1 мөл. солк. суумаҕа суол оҥоһуллуохттаах, таарыччы сыбаалканы астарыахпыт диэн саҥа баһылык кэпсиир. Аны КСК, оҕо саадын уонна оскуоланы үһүөннэрин хабар баһаарынай емкость туруохтаах. Эргэ оскуола оннугар исписэлиистэр олорор дьиэлэрэ тутуллуохтаах уонна саҥа фельдшерскэй-акушерскай пуун, барыта сир докумуонуттан иҥнэр. Уу ситимин боппуруоһа эмиэ быһаарыллыбакка турар. Улуус да, нэһилиэк да землеустроителлэрэ 3-4 ыйы быһа сир дьыалатын оҥорбокко, кыраттан иҥнэн уу ситимэ холбоммото. Кыра бөһүөлэк итинник улахан кыһалҕалардаах олорор. Саатар уу ситимэ холбоноро буоллар диэн баҕалаахтар.
#улусмедиа #устьалданскийрайон #маслоцех #строительство
Уус Алдан Окоемовка бөһүөлэгэ 219 киһи нэһилиэнньэлээх, үс түөлбэлээх. Сайыҥҥы кэмҥэ хайа баҕарар бөһүөлэккэ курдук дохуотурар сирдэрэ – арыы сыаҕа. Олохтоохтор саҥа арыы сыаҕын туруорсубуттара ыраатта. Быйыл күһүн бу тутууну саҕалыыр былааннаахтар.
Окоемовка бөһүөлэгин баһылыга Никита Борисович Васильев үлэлээбитэ сылы кыайа илик, кини идэтинэн физкультура учуутала, Уус Тааттаҕа биэс сыл физкультура учууталынан уонна тириэньэринэн үлэлээбитэ.
Арыы сыаҕын үлэһиттэрэ А.Д.Ушницкая уонна Т.Е.Неустроева кэпсииллэринэн, сайын устата былаан быһыытынан, 150 туонна үүт туттарыллыахтаах. Олохтоохтор бэс ыйыгар 27 туонна үүтү туттарбыттар уонна 1 туонна 200 киилэ арыыны оҥорбуттар. Күннээҕи үүттэрэ 900-тэн тахса, 21 ыал үүт туттарар эбит. Саамай элбэҕи ИП Колодезников С.Г. туттарар. Быйыл күһүн арыы сыаҕын тутуутун саҕалаары оҥостоллор.
Саҥа оборудованиенан хааччыйабыт диэн улуус дьаһалтатын баһылыга А.В.Федотов “Быһа эпииргэ” эппитин астына истибиттэр. Сыах модульнайынан тутуллуохтаах. Быйыл күһүн бөһүөлэк иһигэр 1 мөл. солк. суумаҕа суол оҥоһуллуохттаах, таарыччы сыбаалканы астарыахпыт диэн саҥа баһылык кэпсиир. Аны КСК, оҕо саадын уонна оскуоланы үһүөннэрин хабар баһаарынай емкость туруохтаах. Эргэ оскуола оннугар исписэлиистэр олорор дьиэлэрэ тутуллуохтаах уонна саҥа фельдшерскэй-акушерскай пуун, барыта сир докумуонуттан иҥнэр. Уу ситимин боппуруоһа эмиэ быһаарыллыбакка турар. Улуус да, нэһилиэк да землеустроителлэрэ 3-4 ыйы быһа сир дьыалатын оҥорбокко, кыраттан иҥнэн уу ситимэ холбоммото. Кыра бөһүөлэк итинник улахан кыһалҕалардаах олорор. Саатар уу ситимэ холбоноро буоллар диэн баҕалаахтар.
#улусмедиа #устьалданскийрайон #маслоцех #строительство