БАҺЫЛАЙ ПОСЕЛЬСКАЙ - СПОРТ СОНУННАРЫН СЫРДАТАР ДЭГИТТЭР СУРУНАЛЫЫС

Бүгүн аан дойду үрдүнэн спортивнай суруналыыстар күннэрэ бэлиэтэнэр. Сахабыт сиригэр спорду таптааччылар, киэҥник сырдатааччылар үгүстэр. Бары ураты талааннах дьон буолаллар. Олортон биирдэстэрэ спорт эйгэтигэр биллэр, ытыктанар киһи – Баһылай Посельскай.

“Спорт Якутии” буруолуу сылдьар бүгүҥҥү сибиэһэй нүөмэрин арыйталаан, оҕолор сайыҥҥы спортивнай лааҕырдарын туһунан бэрт сэргэх суруйууга хараҕым хатанна. Ис иһиттэн киһи тартаран ааҕар буолан, бэл оҕолор буһа-хата дьарыктаналларын өйбөр ойуулаан көрдүм. Ыстатыйаны биллэр спортивнай суруналыыс Баһылай Посельскай сурукка тиспит.

Баһылай Посельскай кус быһыйдар, ат бөҕөлөр уҥа-хаҥас бырахсалларын, эгил-тэгил эрийсэллэрин Саха араадьыйатыгар чуор куолаһынан кэпсээн-ипсээн бардаҕына киһи эрэ  күүрээннээх күрэхтэһиигэ сылдьар курдук сананар, спорка талаһар. Баһылай оннук ис иһиттэн сөбүлээн, умсугуйан ханнык да спорт күрэҕин көтүппэккэ бар дьоҥҥо сырдатар. Саха араадьыйатыгар 1998 сылтан спорт суруналыыһын быһыытынан үлэтин саҕалаабыта. Бастаан утаа  нэдиэлэҕэ 1-2 биэриини ыытара, билигин биэстэ эпииргэ тахсан кэпсиир. 22 сыл эттэххэ дөбөҥ, төһөлөөх элбэхтэ спорт далааһыннаах түһүлгэлэриттэн “Спорт сонуннарын сырдатта Баһылай Посельскай” диэн сэргэх саҥаны истибиппит буолуой?

Кини үс олимпиадаҕа баран репортажтары оҥорбута, аан дойду, Европа, Бүтүн Арассыыйатааҕы чемпионаттары, турнирдары уу хараҕынан көрөн, спортсменнары, тренердэри кытта кыайыы үөрүүтүн үллэстибитэ. Хотторуу хомолтотун билэн салгыы хайдах дьарыктыахха диэн ырыппыта  уонна кэпсии-ипсии, хаһыакка суруйа, спорт министиэристибэтин сайтыгар киллэрэ олорор. Сахалыы эрэ буолбакка, нууччалыы эмиэ биэриилэри, матырыйаллары бэлэмниир дэгиттэр киһи.

Салҕыы Улус Медиа сайтыгар аах 👉👉https://ulus.media/2020/07/02/ba-ylaj-poselskaj-sport-sonunnaryn-syrdatar-degitter-surunalyys/.

#деньспортивногожурналиста #сми #улусмедиа #спорт