ПАРАСКОВЬЯ ГЛАДКИНА: “ЧУРАПЧЫБЫТЫГАР ВИНОГРАД ҮҮНЭР ЭБИТ!”

Тыа сирин дьахталлара барахсаттар, кылгас сайыммытын баттаһа, туохтан даҕаны иҥнибэккэ, бэйэ-бэйэлэрин үтүктүһэн, оҕолорун, дьүөгэлэрин батыһыннарбытынан, үүнээйини олордуу кистэлэҥнэрин аһаҕастык үллэстэллэр. Инстаграм, ватсап ситимин нөҥүө ыраах, чугас олорор атын улуус алаһа дьиэ далбар хотуттарын кытары ирэ-хоро кэпсэтиһэн уопут атастаһаллар. Мин бүгүн эһиэхэ, ааҕааччыларбар кэпсиир сырдык санаалаах киһим, Одьулуун нэһилиэгин олохтооҕо, Чурапчы нэһилиэгэр бастакынан “Сахаэтнофитнес” инструктора, “Улыбка” уһуйаан социальнай педагога Парасковья Васильевна Гладкина буолар.

Винограды үүннэриигэ Сибэкки Дуунньа тирэх буолбута

Нам улууһун олохтооҕо, биллэр оҕуруотчут, “Сибэкки сиккиэрэ” кинигэ ааптара Евдокия Степановна Гаврильева-Сибэкки Дуунньа үүнээйини олордуу ньымаларын кэпсиэҕиттэн ылата мин олоҕум тосту уларыйбыта. Ол онно Чурапчыга, чуолаан Одьулууҥҥа хайаан даҕаны виноград олордон үүннэриэхтээхпин диэн бастакы кытаанах сыалы-соругу туруоруммутум (үөрэр). Дьиҥ иһигэр винограды үүннэрэр улахан уустуга суох, көннөрү төттөрү-таары көһүүтүн сатыахха наада эбит. Кыһыҥҥы бириэмэҕэ кинилэр утуйуохтаахтар, ону бэрийэр уустуктардаах, уоннааҕыта өссө кэминэн курдук. Элбэх ууну кутары ирдээбэт. Кыргыттар биир үксүн сиэмэни ылан буорга астылар даҕаны үүнэ охсон, ас бэрсэрин эрэйэллэр. Оттон виноград ол оннук түргэнник үүммэккэ, элбэх тулууру эрэйэр. Биир бэйэм бу үһүс сылбар “Кишмиш” диэн суорду олордон, астанан тахсыбытын, дьоммун-сэргэбин кытары бастакыбытын сиэтибит уонна соһуйуохпут иһин олуһун диэн астынныбыт. Наһаа минньигэс буолар эбит! Салгыы даҕаны үүннэрэргэ баҕам баһаам. Онон билигин дьүөгэм курдук саныыр Сибэкки Дуунньабар махталым муҥура суох, кини наһаа элбэххэ үөрэтэр, Саха сиригэр оҕуруот аһын олордууга саамай баай уопуттаах кини эрэ буолар.

Салҕыы Улус Медиа сайтыгар аах 👉 https://ulus.media/2020/06/28/paraskovya-gladkina-churapchybytygar-vinograd-ner-ebit/.

#улусмедиа  #сахапечать #выращиваниевинограда  #чурапчинскийулус #якутия