От ыйын 1 күнүттэн саҕалаан бэйэ дьарыгынан нэһилиэнньэҕэ араас өҥөнү оҥорор дьоҥҥо нолуок ааҕыллар буолла.
Биллэрин курдук билигин киһи үксэ бэйэтэ тугу сатыырынан, уран тарбаҕынан арааһы тигэн-чочуйан, минньигэстик астаан, эбэтэр тимир көлөнөн дьону таһан эбии дохуот киллэринэр. Ол эрээри кинилэр ханнык да сулууспаларга испииһэккэ киирбэттэр, учуоттамматтар. Онон этэргэ дылы уора-көстө кэтэҕинэн дьарыктаналлар. Өскөтүн сокуон хараҕар иҥнэр түгэннэригэр үтүмэн ыстыраабы уобаллар. Итиэннэ кинилэр тустаах сулууспаларга бэлиэтэммэтэх буолан ханнык да көмөҕө тиксибэттэр. Инньэ гынан бэйэ дьарыктаах диэн нолуок сулууспатыгар регистрацияланыы дойду үрдүнэн киирдэ.
Бу араҥаҕа кимнээх хапсалларый диэтэххэ, репетитордар, дьону таһар-тиэйэр үлэҕэ ылсыбыттар, ас астаан, арассаада олордон, баайан-тигэн атыылыыр дьон, бэл дьиэни куортамныыр буоллахха, нолуок сулууспатыгар бэлиэтэниэхтээхтэр. Нолуок түһээнэ 4-тэн 6 бырыһыаҥҥа диэри. Ити кээмэйэ өҥө хайысхатыттан араастаһар. Холобура, тыа хаһаайыстыбатынан сыһыаннаах дьарыгы талбыттарга уонна ас-үөл астаан дьоҕус эргинээччилэргэ 4 бырыһыаннаах түһээн ааҕыллар, автосервис итиэннэ такси өҥөтүн оҥорор дьоҥҥо 6 бырыһыаннаах нолуок түһэр. Ити кинилэр төһө дохуоттарыттан көрөн суумата быһыллар.
Дьэ бу киллэрии үчүгэй өрүтэ тугуй?
Бэйэ дьарыктаахтар сокуонунан көмүскэллээх буолаллар, урбаанньыттары кытта тэҥ бырааптаналлар. Онон бааннарга чэпчэтиилээх ипотека бырагырааматыгар хапсар кыах үөскүүр. Оттон өрөспүүбүлүкэ предпринимательствоҕа уонна туризмҥа министиэристибэтэ кэлэр ыйтан бэйэ дьарыктаах араҥаҕа 3 бырыһыан чэпчэтиилээх иэс харчыны үллэриэҕэ. Маны тэҥэ билигин субсидияны биэрии бэрээдэгин ырытар. Бэйэ дьарыктаах буолуу хайа көрүҥэр ордук болҕомто ууруллуохтааҕын учуоттаан, эһиилгиттэн субсидия биэрэри былаанныыр.
Оттон бэйэ дьарыктаах дьон хайдах нолуок сулууспатыгар бэлиэтэнэллэрин туһунан препринимательство министиэристибэтин сайтыттан билсиэхтэрин сөп. Ол кэннэ “Мой налог” диэн мобильнай сыһыарыынан регистрацияны ааһаллар. Бу туһунан өссө сиһилии 88001005880 нүөмэргэ ыйыталаһыахтарын сөп. Исписэлиистэр босхо сүбэлииллэр.
#улусмедиа #самозанятые #налогнапрофессиональныйдоход #мойналог
Биллэрин курдук билигин киһи үксэ бэйэтэ тугу сатыырынан, уран тарбаҕынан арааһы тигэн-чочуйан, минньигэстик астаан, эбэтэр тимир көлөнөн дьону таһан эбии дохуот киллэринэр. Ол эрээри кинилэр ханнык да сулууспаларга испииһэккэ киирбэттэр, учуоттамматтар. Онон этэргэ дылы уора-көстө кэтэҕинэн дьарыктаналлар. Өскөтүн сокуон хараҕар иҥнэр түгэннэригэр үтүмэн ыстыраабы уобаллар. Итиэннэ кинилэр тустаах сулууспаларга бэлиэтэммэтэх буолан ханнык да көмөҕө тиксибэттэр. Инньэ гынан бэйэ дьарыктаах диэн нолуок сулууспатыгар регистрацияланыы дойду үрдүнэн киирдэ.
Бу араҥаҕа кимнээх хапсалларый диэтэххэ, репетитордар, дьону таһар-тиэйэр үлэҕэ ылсыбыттар, ас астаан, арассаада олордон, баайан-тигэн атыылыыр дьон, бэл дьиэни куортамныыр буоллахха, нолуок сулууспатыгар бэлиэтэниэхтээхтэр. Нолуок түһээнэ 4-тэн 6 бырыһыаҥҥа диэри. Ити кээмэйэ өҥө хайысхатыттан араастаһар. Холобура, тыа хаһаайыстыбатынан сыһыаннаах дьарыгы талбыттарга уонна ас-үөл астаан дьоҕус эргинээччилэргэ 4 бырыһыаннаах түһээн ааҕыллар, автосервис итиэннэ такси өҥөтүн оҥорор дьоҥҥо 6 бырыһыаннаах нолуок түһэр. Ити кинилэр төһө дохуоттарыттан көрөн суумата быһыллар.
Дьэ бу киллэрии үчүгэй өрүтэ тугуй?
Бэйэ дьарыктаахтар сокуонунан көмүскэллээх буолаллар, урбаанньыттары кытта тэҥ бырааптаналлар. Онон бааннарга чэпчэтиилээх ипотека бырагырааматыгар хапсар кыах үөскүүр. Оттон өрөспүүбүлүкэ предпринимательствоҕа уонна туризмҥа министиэристибэтэ кэлэр ыйтан бэйэ дьарыктаах араҥаҕа 3 бырыһыан чэпчэтиилээх иэс харчыны үллэриэҕэ. Маны тэҥэ билигин субсидияны биэрии бэрээдэгин ырытар. Бэйэ дьарыктаах буолуу хайа көрүҥэр ордук болҕомто ууруллуохтааҕын учуоттаан, эһиилгиттэн субсидия биэрэри былаанныыр.
Оттон бэйэ дьарыктаах дьон хайдах нолуок сулууспатыгар бэлиэтэнэллэрин туһунан препринимательство министиэристибэтин сайтыттан билсиэхтэрин сөп. Ол кэннэ “Мой налог” диэн мобильнай сыһыарыынан регистрацияны ааһаллар. Бу туһунан өссө сиһилии 88001005880 нүөмэргэ ыйыталаһыахтарын сөп. Исписэлиистэр босхо сүбэлииллэр.
#улусмедиа #самозанятые #налогнапрофессиональныйдоход #мойналог