#ДойдумХатыламматКэрэКөстүүлэрэ
#ЭбээнБытантай

⛰🦌 Хайалар😍🫶

Ханна да олортум иннигэр,
Үөрэх да, үлэ да үөһүгэр
Үөрүүнү көрсүбүт харахтыы,
Үтүөкэн үчүгэй сурахтыы
Мин өйбөр өрүүтүн бииргэлэр
Хайалар, күндүл күөх хайалар!

Бииргэлэр бу ыллыыр ырыабар,
Бу олох, охсуһуу суолугар
Айылҕа алыптаах тыыныныы,
Аан маҥнай уһуктар тапталлыы
Үктэнэн аартыкпар сырдыыллар
Үрдүкэй, аарыма хайалар!

Ыраах суол ыҥырар имэҥэр,
Ыраас күөх халлааным күлүмэр
Сырдык күн сөҕүмэр күүһүнүү,
Сытыы өй биир бэргэн тылыныы
Сүрэхпэр-дууһабар бу бааллар
Сүргэбин көтөҕөр хайалар!

📖✍ Петр Колесов
1970 с.