Улус.Медиа | Новости Якутии
11.3K subscribers
64.9K photos
11K videos
28 files
43K links
Новости из районов Республики Саха(Якутия) и города Якутска

РКН: https://gosuslugi.ru/snet/67ab5ff62189cb207b3eb4fd

Улус.Медиа
@ulusmedia

📪 Для связи: @ulusmedia_admin

✉️ Сотрудничество и реклама: +7 914 271‑07‑05

🤖 Бот: @Ulus_Media_bot
Download Telegram
МЭҤЭ ХАҤАЛАСКА ДЬОН ТУҺУГАР ТУРУУЛАҺАР ЭМЧИТТЭРГЭ МАХТАЛ БАСТЫҤА АНАНАР

Бэс ыйын үһүс өрөбүлүгэр сылын ахсын дойдубут үрдүнэн доруобуйа харыстабылын үлэһиттэрэ идэлээх бырааһынньыктарын бэлиэтииллэр. Быйыл ити күн бэс ыйын 21 күнүгэр Ыһыах күнүн кытары дьүөрэлии сөп түбэстэ.

Үрүҥ халааттааах аанньалларбыт  быйыл хаһааҥҥытааҕар даҕаны уустук кэмҥэ дьон доруобуйатын туһугар охсуһан күнүстэри-түүннэри түбүгүрэн үлэлии-хамсыы сылдьалларын бары бэркэ билэбит.  Онон, урукку курдук, үөскээбит балаһыанньанан идэлээх бырааһынньыктарын бары бииргэ түмсэн үөрэн-көтөн бэлиэтээбэттэр. Доруобуйа харыстабылын аан дойдутааҕы тэрилтэтинэн коронавирус саҥа инфекциятыгар 2020 сыл олунньу 11 күнүгэр COVID-19 диэн аат иҥэриллэн эмчиттэр иннилэригэр бу вирус тарҕаныытын утары дьоҥҥо эрдэттэн сэрэтэр үлэни ыытарга уонна ыалдьыбыт дьону эмтииргэ ураты сорук туруоруллубута.

Арассыыйаҕа коронавирус тарҕаныыта, хомойуох иһин, Саха сирин эмиэ тумнубата. Кулун тутар ыйга врачебнай-сестринскай мобильнай биригээдэлэр тэриллэн ыарыы бэлиэтэммит тас эрэгийиэннэриттэн, дойдуларыттан, киин куораттарыттан кэлбит дьону дьиэлэригэр харантыыҥҥа олороллорун кэтээһиҥҥэ, учуоту ыытыыга итиэннэ ыарыыга контактаах дьону булууга үлэ ыытыллыбыта.

Мэҥэ Хаҥалас улууһугар Моорук нэһилиэгэр  бу ыарыыга ыалдьыбыт  дьон көстөннөр, муус устар 28 күнүттэн бу ыарыыны эмтиир Майаҕа 16 куойкалаах бастакы инфекционнай отделение аһыллан үлэтин саҕалаабыта. Бастаан ыарыыны бигэргэттэрэргэ анаалыстар Дьокуускайга ыытыллаллара. Муус устар 20 күнүттэн Майаҕа сэллиги эмтиир диспансер бактериологическай лабораториятыгар бу ыарыыга диагноһы туруорар ПЦР лаборатория аһыллыбыта. Майаҕа иккис инфекционнай отделение үлэлээбитэ.

Коронавирус инфекциятыгар хаптарбыт дьон ахсаана эбиллэн, эпидемиологическай балаһыанньанан, бэс ыйыгар Хара оскуолатыгар 50 миэстэлээх үһүс инфекционнай отделение аһыллан үлэлиир. Аллараа Бэстээххэ, Майаҕа обсерватордарга эмиэ медиктэр үлэлииллэр.

Салҕыытын УлусМедиа сайтыгар ааҕын https://ulus.media/2020/06/17/me-e-ha-alaska-don-tu-ugar-turuula-ar-emchitterge-mahtal-basty-a-ananar/.

#сахапечать #улусмедиа #районы #коронавирус
June 18, 2020
June 18, 2020