НЬУРБАҔА "БЭЧЭЭТ - ОЛОХ КЭРЭҺИТЭ" ОНЛАЙН-ВИКТОРИНА ТҮМҮКТЭННЭ

Быйыл от ыйын 1 күнүгэр республикаҕа аан бастаан национальнай бэчээт күнэ бэлиэтэннэ. 1907 с. бу күн “Саха дойдута” диэн ааттаах бастакы сахалыы хаһыат күн сирин көрбүтэ. Бу кэрэ бэлиэ күнү көрсө Ф. Г. Сафронов аатын сүгэр Ньурбатааҕы киин бибилэтиэкэ уонна оройуон хаһыата онлайн-викторина биллэрбиттэрэ.

Викторинаҕа Ньурбаттан, Уус Алдантан, Дьокуускайтан, Таиландтан тиийэ кытыннылар. 15 боппуруоска толору сөптөөх, сыыһата суох эппиэт киирбэтэ, онон элбэх боппуруоска (14 боппуруоска) сөпкө эппиэттээбиттэргэ маннык кыайыылаахтары таһаардылар: Афанасьева Мария (Антоновка с.), Канаева Луиза Акимовна (Дьиикимдэ нэһ.), Николаева Мария Пудовна (Үөдэй нэһ.), Иннокентьева Людмила Романовна (Нюрба к.).

Бары кыттыбыттарга махталбытын биллэрэбит, кыайыылаахтарга итии-истиҥ эҕэрдэ! Кыайыылаахтар “Ньурба” хаһыат редакциятын анал бирииһинэн – “Ньурба” хаһыат 2020 сыл иккис аҥаарыгар сурутуунан наҕараадаланнылар.

Күндү доҕоттор, сэргэх сонун кэһиилээх улууспут хаһыатын кэрэхсээн ааҕыҥ, суруттарыҥ!

#нюрбинскийрайон #онлайнвикторина #улусмедиа #итогивикторины