#JARAYON

🔎 “Shirin” mahallasida yangi BSK ochildi

Prezident tashrif buyurgan Uchtepa tumani “Shirin” mahallasida yangi “Uchtepa shirin” boshqaruv servis kompaniyasining ochilish marosimi boʻlib oʻtdi. Unda Qurilish va uy-joy kommunal xoʻjaligi vaziri oʻrinbosari Ozoda Joʻrayeva, Uchtepa tumani hokimi Farhod Abdullayev, tuman prokurori Alisher Qorayev va boshqa mutasaddilar ishtirok etdilar. Mazkur boshqaruv servis kompaniyasi mahalladagi 24 ta koʻp qavatli uyga xizmat koʻrsatadi. Yangi barpo etilgan BSK binosida aholi murojaatlari uchun barcha sharoitlar yaratilgan.

🔔 Ma’lumki, Prezidentimiz tashriflaridan soʻng “Shirin” mahallasida salmoqli ishlar amalga oshirildi. Xususan, koʻp qavatli uylarning tom, fasad qismlari hamda kirish yoʻlaklari ta’mirlandi. Bolalar uchun zamonaviy oʻyingohlar barpo etildi. Koʻp qavatli uylar atrofi obodonlashtirilib, tartibga keltirildi.

- Mahallamizda amalga oshirilayotgan bunday bunyodkorlik ishlaridan mamnunmiz. Barcha mutasaddilarga rahmat, kunni kun, tunni tun demay ishladilar,- dedi mahalla nuroniysi.

🗣Ochilish marosimida Ozoda Joʻrayeva soʻzga chiqib, xizmat koʻrsatish sohasida yangi qadam qoʻyilganligi bilan aholini samimiy tabrikladi.

- Yurtboshimizning e’tirozlari oʻrinli edi, haqiqatan mazkur mahallaning koʻp qavatli uylarida yetarlicha muammolar yigʻilib qolgan. Umid qilamizki, yangi tashkil etilgan boshqaruv tashkiloti aholiga sifatli xizmat koʻrsatadi, - dedi vazir oʻrinbosari.

Aholi vakillariga boshqaruv tashkilotining yangi binosi tanishtirib chiqildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#JARAYON

☁️ Vazir oʻrinbosari Ozoda Joʻrayeva Uchtepa tumani “Vatan” mahallasida ham boʻldi. Bugun mahallada joylashgan koʻp qavatli uylar atrofida ishlar jadal sur’atlarda olib borilmoqda. Xususan, yoʻlaklar ta’mirlanmoqda, oqova suv quvurlari yangilanmoqda, drenaj tizimi zamonaviy talablar asosida qayta oʻrnatilmoqda.
Mutasaddilar ish jarayonlari bilan tanishib, mazkur mahallada yangi boshqaruv servis kompaniyasi binosi qurilishi uchun moʻljallangan joyni koʻzdan kechirdilar. 2 oyda tugatilishi rejalashtirilgan zamonaviy binoning aholini qabul qilish, dispetcherlik xizmati xonalari va boshqa imkoniyatlari muhokama qilindi.
🗺 “Vatan” mahallasidagi koʻp qavatli uylarga ilgari 8 ta oʻzini oqlamagan uy-joy mulkdorlari shirkati xizmat koʻrsatgan boʻlsa, bugungi kunda mazkur uylar yangi boshqaruv servis kompaniyasiga oʻtkazildi. Hozirda boshqaruv tashkiloti tomonidan koʻp qavatli uylarda yillar davomida yigʻilib qolgan muammolarni bartaraf etish, xususan, uylarning ekspluatatsion holatini yaxshilash, aholi muammolarini bartaraf etish boʻyicha tizimli ishlar boshlab yuborilgan.
Ozoda Joʻrayeva mas’ullarga belgilangan ishlarni oʻz vaqtida bajarish, reja-grafikdan chiqmaslik, ayniqsa, sifatga alohida e’tibor berish lozimligini ta’kidladi.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#JARAYON

🏘 Qurilish va uy-joy kommunal xo'jaligi vaziri o'rinbosari Ozoda Jo'rayeva poytaxtimizning Uchtepa tumani "Vatanparvar" mahallasida joylashgan "Centrium 24" boshqaruv kompaniyasi uchun barpo etilayotgan yangi ofis binosi bilan tanishdi.

Hozirda hududdagi 27 ta ko'p qavatli uyga xizmat ko'rsatib kelayotgan kompaniyaning binosi zamon talablari asosida, kelgusi istiqbolli faoliyatni nazarda tutgan holda qurimoqda. Ya'ni 100 va undan ortiq ko'p qavatli uyga xizmat ko'rsatish qamrovidan kelib chiqib, binoda aholiga qulay sharoit yaratmoqda.
     
    💬 Ozoda Jo'rayeva jarayon bilan tanishar ekan, fuqarolarga qulaylik yaratish maqsadida qo'shimcha xizmat ko'rsatish shaxobchalarini ko'paytirish lozimligini ta'kidladi. Ma'lumot uchun, boshqaruv tashkilotida 26 nafar xodim faoliyat ko'rsatib kelmoqda.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|