#чөлолох

💢 Лөгөйдөр "Доруобай нэһилиэк" бырайыакка киирдилэр

"Доруобай нэһилиэк" өрөспүүбүлүкэтээҕи бырайыакка киирбиттэрин саҕалыыр бэлиэ түгэҥҥэ Лөгөй нэһилиэгин үгүс олохтооҕо, успуорт бэтэрээннэрэ, оскуола оҕолоро көхтөөхтүк кытыннылар. Үөрүүлээх чаас нэһилиэк баһылыга Николай Попов эҕэрдэтинэн саҕаланна, кини олохтоохтору өрүү түмсүүлээх буоларга ыҥырда уонна бар дьонун иннигэр Лөгөй оскуолатын алын сүһүөх кылаастарын учууталын "СахаВа" бочуоттаах маастара" үрдүк ааты сүкпүт Лариса Петуховаҕа эҕэрдэ суругу дохсун ытыс тыаһын ортотугар туттарда.

Нэһилиэк успуорка инструктора Петр Перевалов олохтоохтору бырайыак чэрчитинэн ыытыллыахтаах тэрээһиннэргэ, күрэхтэһиилэргэ көхтөөхтүк кыттарга ыҥырда. Оттон Лөгөй оскуолатын физрук учуутала Мария Аммосова мустубут дьону флешмобка үҥкүүлэттэ, ол кэннэ бука бары күргүөмүнэн скандинавскай ньыманан хаамыыга туруннулар.

✍️ Екатерина Мигалкина

✅ https://t.iss.one/murusahargata/12631?single

#чөлолох

💠 "ЗаБег.РФ" полумарафоҥҥа ситиһиилэр кэллилэр

Бэс ыйын 4 күнүгэр Арассыыйа 85 куораттарыгар, ол иһигэр Дьокуускайга, VII "ЗаБег. РФ" полумарафон ыытылынна. Манна төһө киһи кыттыыны ылбытынан, кинилэр көрдөрүүлэринэн көрөн бастыҥ куораттарга "Арассыыйа сүүрэр куората" ааты иҥэрэллэр.

Сүүрээччилэр саастарынан бөлөхтөргө арахсан 4 дистанцияҕа: 1 км, 5 км, 10 км уонна 21,1 км синхроннай стартаатылар. Маассабай сүүрүү куорат сүрүн киин уулуссаларынан: Ленин проспегынан уонна Ярославскай уулуссатынан ыытылынна. Сүүрүүгэ кыттааччылар онлайн регистрация кэнниттэн мэдиссиинэ көрүүтүн ааһан көҥүл ылбыттар. Ол кэннэ кыттааччыларгаанал футболканы биэрбиттэр.

5 км сүүрүүгэ 65 саастарыттан үөһээ саастаахтарга Найахы орто оскуолатыгар 1980-1990-нус сс. бииргэ үлэлии сылдьыбыт Надежда Белолюбская дьахталларга, Николай Фомин эр дьоҥҥо I миэстэни ыллылар.

Надежда Белолюбская – СӨ үтүөлээх учуутала, сахалыы остуол оонньууларыгар биллэр тириэньэр, билигин "Модун" успуорт төрүт көрүҥнэрин киинигэр үлэлиир, скандинавскай хаамыынан дьарыктанар. Кини Найахы орто оскуолатыгар старшай пионербаһаатайынан, алын сүһүөх кылаас учууталынан таһаарыылаахтык үлэлээбитэ. Сүүрүүгэ кыттыытын туһунан маннык кэпсээтэ:

– "ЗаБег. РФ" полумарафоҥҥа сүүрүү бырааһынньык курдук ыытылынна. Мин бу иннинэ биирдэ да сүүрүү күрэҕэр кыттыбатаҕым. Бэйэбин бэрэбиэркэлэнэр, тургутар сыалтан кытынным. Итии күн буолан киһи сотору илистэр, онно ойоҕостон уу биэрэллэр, көрөөччүлэр өйүүлэрэ күүскэр күүс эбэр. Биэтэккэ кэлээккин кытта мэтээл кэтэрдэллэр, уу, дьаабылыка биэрэллэр. Аспаал бүрүөһүннээх суол устун сүүрүү ыарахан. Ону тулуйдум, бэйэбин кыайдым.

Бэйэм саастыылаахтарбар бастаабыппыттан үөрдүм, инникитин сүүрүүнэн дьарыктанар сыалы туруоруннум. Улууска учууталлаабыт Николай Фомин 5 км уонна 21,1 км уһуннаах полумарафоҥҥа Ирина Дегтярева 65 саастарыттан үөһээ саастаахтарга бастаатылар.

✍️ Елена Сыроватская, уопсас. кэрэсп.

☑️ Сиһилии: https://мюрюгазета.рф/article/99081 уонна комментарийдарга

✅ t.iss.one/murusahargata @ulusmedia