#редакциякомандировката

Куприяновтар тэлгэһэлэрэ кус-хаас саҥатынан толору 😁

Тулунаҕа үгүс ыал кус-­хаас, куурусса ииттэн сэргэхтик олороллор. Биир оннук дьарык­таах Нюргуяна, Руслан Куп­риянов­тарга ыалдьыттаатыбыт. Кинилэр инкубатор атыылаһан, сымыыт сакаас­таан көтөрү инкубаторга таһааран бэйэлэрэ иитэллэр, дьоҥҥо атыылаан нэһилиэнньэҕэ тарҕаталлар.

🐓🪿🐇 Билигин кинилэр тэлгэһэлэригэр биэс хаастаахтар, сэттэ индюктаахтар, 20-чэ куурусса­лаахтар, 20-тэн тахса кустаахтар, ону таһынан 20-чэ кроликтаахтар, тоҕус сүөһүлээхтэр. Хаһаайыттар быйыл икки ин­дюгу кыстаппыттар, кыһын улаханнык сымыыттаабаттар эбит дэһэллэр. Эрдэтээҥҥи кус­­тарын эһэн баран, кэнники «кылгас тумус» диэн боруода куһу биһирээбиттэр. Кустар саҥалара-иҥэлэрэ хойуу буолан, подсадной кус быһыыты­нан быдан туһалаахтар диэн булчут дьон сөбүлээн атыылаһалларын бэлиэтииллэр.

Оттон саха кууруссатын эмиэ инкубаторга таһааран иитэллэр, атын боруо­далар сиргэ-буорга буккуллар эбит буоллахтарына, саха кууруссата хотоҥҥо үөһэ олорор буолан, быдан ыраас буолар эбит диэн түмүккэ кэлбиттэр. Бу көтөрдөр бары куурусса уотур­батынан, оҕурсунан, килиэбинэн уо.д.а. ас тобоҕунан аһыыллар. Индюк, куурусса кө­рүү­тэ судургу эбит буоллаҕына, кустары кичэ­йэн көрөллөрүн туһунан кэпсиил­лэр. Кинилэр ууларын-хаардарын куруук ула­­рыта сылдьаллар, подсаднойдар үлэһит кус буолалларынан, кыһын хотонтон тахсыыларын саҕана ыал аҕата кус­тарын эрчийэр, дьарыктыыр. Кинилэр күөлгэ тута киир­дэхтэринэ сытыйан хаалаллар, онон чалбахха ыытан кыралаан ууга сыһыарар итиэннэ биирдии-биир­дии таһааран саҥарда үөрэтэр. Биирдиилээн тахсыбыт кус үөрүн суохтаан өлгөмнүк саҥарар-иҥэрэр буолар эбит.

Ыаллар дьиэлэрин таһыгар киэҥ күөл нэлэйэ сытар, ин­ньэ гынан кус-­хаас иитэргэ олус табыгастаах диэн этэллэр. Ыанар үс ынахтарын үүтүнэн арыы охсон хаһааналларыттан ордук астыналлар. Сылга 5-6 оту­нан кыстыыллар, «быйыл от үчүгэй, былааммытын ситэбит» дэһэллэр. Бу дьарыктарыгар игирэчээн уолаттарын эмиэ сыһыаран, уол оҕону тыа сирин үлэтинэн иитэн-такайан Куп­рияновтар бэркэ дьаһанан олороллор.

✅ @uamurusahargata @ulusmedia

#редакциякомандировката

Тулунаҕа үлэҕэ киирээри турар 50-нуу кв.м. иэннээх биэс кыбартыыра­лаах толору хааччыллыылаах дьиэни эмиэ Тулунаттан төрүттээх «Технопрофи» тутуу тэрилтэлээх ини-бии Ким, Василий Калиновтар тутан түмүктүүр биэтэккэ кэлбиттэр 👏

Уолаттар дойдубутугар тутарбыт үс бүк үөрүүлээх диэн үөрэ-көтө кэпсээн, тутууларын көрдөрдүлэр. Онон бу дьоҕус дэриэбинэттэн сүрдээх дойдумсах, үлэһит дьон тахсаллар эбит. Тулуналар төрөөбүт кырачаан бөһүөлэктэрин тулхадыйбат тулааһынныы турунан, өрүү бу курдук өссө да көмүскүү, сайыннара туруохтара буоллаҕа 👍

✅ @uamurusahargata @ulusmedia