#оҕосайыҥҥысынньалаҥа

💠 “Интеллект” лааҕыр 30 оҕону сайыннарда

Оҕо сайыҥҥы сынньалаҥын бастакы сезонугар, бэс ыйын 5-25 күннэригэр, Мүрү 1№-дээх орто оскуолатын 30 үөрэнээччитэ Марья Пухова салалталаах “Интеллект” лааҕырга быстыбат үөрэҕи уонна сынньалаҥы дьүөрэлээн, олус интэриэһинэй күннэри атаараллар.

Лааҕырга 7-9 кылаас оҕолоро сылдьаллар. Күннэтэ оҕону сайыннарар дьарыктар бырагыраамалара уларыйан, үөрэх бары эйгэтэ хабыллар. Ол курдук оскуола фелдьшерэ Анастасия Жиркова “Здоровейка” кулуубу үлэлэттэ. Учууталлар англия тылыгар Анна Артамонова, математикаҕа Виктория Афанасьева, нуучча тылыгар Елена Рожина, обществознаниеҕа Марья Пухова умсугутуулаах үөрэҕи ыыттылар.

✍️Ольга Шепелева

✅ t.iss.one/murusahargata @ulusmedia

#оҕосайыҥҥысынньалаҥа

💠 “Олимп” оҕолоро успуорка, билиигэ, үлэҕэ көхтөөхтөр👍

Мындааба оскуолата «Олимп» лааҕыры тэрийэн, салайан бэс ыйын 5 күнүттэн үлэлэтэ турар. Лааҕыр начаалынньыга физкултуура, ОБЖ учуутала Николай Находкин сүрдээх тэрээһиннээхтик, интэриэһинэйдик салайар.

Манна уопсайа 30 оҕо сылдьар. Лааҕырга оҕолор араас хайысханан дьарыктаналлар: спортивнай, патриотическай, үлэ уонна сынньалаҥ.

Оҕолор элбэххэ үөрэнэллэр, кылаас чаастара ыытыллаллар. Педагогтар патриотическай тыыны үөскэтэн, улуус историятын билиһиннэрэн, араас өйдөбүнньүк пааматынньыктарга сырытыннаран үөрэтэллэр. Спортивнай оонньуулар күн аайы араас хайысханан буолаллар. Минньигэс астаах асчыт аһын оҕолор үөрэ-көтө, тото-хана аһыыллар.

Дьокуускайдааҕы педагогическай колледж 1 кууруһун бүтэрбит устудьуон Алина Гриц оҕолорго баһаатайдыыр. Саҥа сонун сүүрээннэри киллэрэр, үөрэтэр.

Уопуттаах психолог Татьяна Бурнашева оҕолор уйулҕаларын таба көрөн, оҕолорго сөптөөх үлэни, көмөнү оҥорор.
Лааҕыр үлэтэ сүрдээх сэргэх, интэриэһинэй. Оҕолор күн аайы үөрэ-көтө сөбүлээн кэлэллэр. Манна биир да күнү көтүппэккэ убайдыы быраат Сулус, Чолбон Федотовтар уонна Дархан Бурнашев сылдьаллар. Лааҕыр үлэтигэр үрдүк ситиһиини баҕарабыт!

✍️📹 Сайыына Черкашина, ХИФУ литэрэтиирэ салаатын 3 кууруһун устудьуона

✅ t.iss.one/murusahargata @ulusmedia