📰📰📰

⭕ Кыһыҥҥы бастакы күн Кэптэнигэ сырдык уоттаах дьоро киэһэни бэлэхтээтэ. Ол курдук, олохтоохтор өртөн күүппүт баҕа санаалара – тимир остуолбалардаах, электроэнергияны кэмчилиир лаампалардаах уулусса уота бөһүөлэк киин уулуссатын икки өттүнэн сандаарда.

⭕ Лөгөй нэһилиэгин баһылыга Марк Местников бу үөрүүлээх түгэн туһунан:

📌 – 2021сыл ППМИ бырагыраамматынан өрөспүүбүлүкэттэн 1 мөл. 500 тыһ. солк. үп көрүллүбүтэ. Онно Кэптэни олохтоохторо 500-түү солкуобайынан кыттыһан, бөһүөлэк уоттанарыгар баҕаран көмөлөспүттэрэ. Ону таһынан нэһилиэк бүддьүөтүттэн эмиэ үп угуллан, барыта 3 мөл. 200 тыһ. солк. курдук харчы туттуллан, Ленин аатынан уулуссаҕа 2,5 км устатыгар бүгүн хараҥаны кыайар уоттанныбыт. Үчүгэйэ диэн, биэс сыл устата гарантиялаах, онон биир эмэ лаампа тыкпат буоллаҕына, туруорбут тэрилтэ кэлэн босхо өрөмүөннүүр. Түгэнинэн туһанан, күүс-көмө буолбут бөһүөлэкпит олохтоохторугар махталбытын тириэрдэбит", – диэтэ.

📌 Манна ситэрэн билиһиннэрдэххэ, олохтоох дьаһалта ППМИ бырагырааматыгар сыллата кыттан, ситиһиитэ үгүс. Ол курдук ыаллар ититиигэ холбонууларыгар, Хомустаах бөһүөлэгэр икки сыл үлэлэһэн, бары уулуссаларыгар толору сырдатыы оҥоһуллуутугар, Кэптэнигэ Кыайыы болуоссатын тупсарыыга, кулуубу өрөмүөннээһиҥҥэ бу бырагыраама үбэ туһаныллыбыт.

🖊️ Ульяна Бурнашева, уопсас. кэрэсп.

✅@muru.sahargata

#уйгусирэуусалдан
#уусалданхаһыата
#мүрүсаһарҕата
#ппмибырагыраамата
#лөгөйнэһилиэгэ
#кэптэнилэр
https://www.instagram.com/p/CVAiVapMqzk/?utm_medium=share_sheet