🎥🎥🎥

⭕ Атырдьах ыйын 27 күнүгэр дойдубут үрдүнэн киинэ төрүттэммитин бэлиэтиибит. Устуоруйа кэпсииринэн, 20-с үйэ уһулуччулаах айымньытын – киинэ сеан­сын көрдөрүү Саха сиригэр 1911 сыллаахха уобаластааҕы түмэл дьиэтигэр тэриллибитэ. Улуу Өктөөп өрөбөлүүссүйэтин кэнниттэн В.И. Ленин киинэни нацио­нализациялыыр туһунан дэкириэккэ баттаабыта.

⭕ Саха сиригэр кинематография 1920 сыл бэс ыйын 17 күнүгэр норуот бэйэтин дьаһалыгар киирэн, өрөспүүбүлүкэ норуот үөрэҕириитин салаатыгар бас бэриллибитэ. Онтон ыла 100 сылтан тахса кэм иһигэр Сахабыт сиригэр киинэ эйгэтэ искусство биир бастыҥ эйгэтинэн биллэр.

⭕ Оттон Уус Алдан улууһугар киинэни 1927 сыллаахха көрдөрбүттэрэ диэн архыып докумуоннарыгар сурулла сылдьар. Оччоттон баччаҕа диэри төһөлөөх элбэх талаан­наах киһи үүнэн-сайдан, көрөөччү кутун-сүрүн туппуттара буо­луой?! Күн бүгүн улуус­путуттан тахсыбыт, идэлэригэр бэриниилээх артыыстар, режиссердар, кии­нэни устааччылар, итиэннэ эдэр талааннаах ыччат үгүс.

📌 Онтон, ааҕааччыларбыт, эһиэхэ анаан киинэ, тыйаатыр эйгэтигэр буспут-хаппыт, номнуо ааттаах-суоллаах биир дойдулаахтарбыт – артыыска Надежда Ушницкая, оператор Дмитрий Никифоров, артыыс Федот Львов кэпсээннэрин суруналыыс Ольга Шепелева сурукка тиспитин эһиги болҕомтоҕутугар "МС" хаһыат атырдьах ыйын 27 күнүнээҕи 34 N-гэр уонна мюрюгазета.рф саайтка "Актуальное" түһүмэххэ таһаардыбыт.

Ааҕыҥ, сэргээҥ😉

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#уусалдантанчулууларбыт
#киинэкүнэ
#кэрээйгэтэ
https://www.instagram.com/p/CTD2JFvozhC/?utm_medium=share_sheet