#СахаКвн

💢 "Саха КВН" финала – Уус Алдаҥҥа

Өрөспүүбүлүкэҕэ 22-с төгүлүн ыытыллар оскуола оҕолорун "СахаКВН" оонньууларын финала улууспут киинигэр Бороҕон сэлиэнньэтигэр саҕаланна.

Икки күннээх көр-күлүү, булугас өй-санаа түһүлгэтигэр 9 улуустан: Тааттаттан, Сунтаартан, Үөһээ Бүлүүттэн, Бүлүүттэн, Ньурбаттан, Горнайтан, Мэҥэ Хаҥаластан, Амматтан, Уус Алдантан икки – уопсайа 10 хамаанда муһунна.

Бүгүн, бастакы күҥҥэ, хамаандалар "Эҕэрдэлэһии" бэйэни билиһиннэрэр уонна "Биатлон" диэн сытыы этиилэр түһүмэхтэригэр тургутустулар.

Бэйэни эҕэрдэлэһиигэ Мэҥэ Хаҥалас Чыамайыкытыттан "Чиккэс" уонна Уус Алдан Орто Эбэ сүрүн оскуолатыттан "Дьулуур" хамаанда бастыҥ буоллулар. Итиэннэ "Биатлоҥҥа" иккиэн эрэ хааланнар, биир баайыылаах тэҥ бэлэмнээх буолан, дьүүллүүр сүбэ кими да чорбоппото.

Онон сарсын быһаарыылаах күн. Дьиэтээҕи музыкальнай сорудаҕы билиһиннэриэхтэрэ.

Ханнык улуус, оскуола көрдөөх оҕолоро кыайыы өрөгөйүн билиэхтэрэй?

✍️📹 Ольга Шепелева

✅ t.iss.one/murusahargata
@ulusmedia

#СахаКВН

💢 Уус Алдаҥҥа "Саха КВН" күрэхтэһиитигэр 12 хамаанда кытынна

Муус устар 13-14 күннэригэр Уус Алдан улууһун Бороҕон сэлиэнньэтигэр оскуола оҕолоругар «Саха КВН» өрөспүүбүлүкэтээҕи XXII күрэхтэһиитэ буолла.

Быйыл күрэхтэһии 2019 сылтан тохтоон баран саҥа ыытылынна. Оонньууга муниципальнай түһүмэҕи ааспыт сүүмэрдэммит 12 хамаанда кыттыыны ылла: Уус Алдан, Бүлүү, Амма, Үөһээ Бүлүү, Таатта, Сунтаар, Ньурба, Мэҥэ Хаҥалас, Горнай. Икки күннээх оонньуу уопсай тиэмэтэ «КЫАЙЫЫГА МИН 100 ХАРДЫЫМ!» диэн буолла.

Оонньуу түмүгүнэн анал ааттар иҥэрилиннилэр: «Күн күлүүк» (Мисс КВН) – Нарыйа Попова (Уус-Алдан), «Көрдөөх көкөт» (Мистер КВН) – Семен Павлов (Үөһээ Бүлүү), «Бастыҥ куолас» – Алик Григорьев (Таатта), «Дорҕоон доҕор» («Бастыҥ топер») – Анастасия Романова (Мэҥэ Хаҥалас), «Саталлаах саарын» – Мичил Николаевич Дегтярев (Уус-Алдан), «Уран тыл маастара», «Мэкчиргэ мэйии» – "Айыккабыан" хамаанда (Үөһээ Бүлүү), «Алтан чуораан» («Бастыҥ музыкальнай дьиэҕэ сорудах») – "Мэхээлэ сиэннэрэ" хамаанда (Бүлүү), «Көрөөччүлэр биһирэбиллэрэ» – "Алаас оҕолоро" хамаанда (Уус-Алдан), «Наара суох» («Бастыҥ көрүдьүөс») – "СахаStar" хамаанда (Горнай), «Бастыҥ кыах» – "Күн дьоно" хамаанда (Сунтаар).

Маны таһынан оонньуу чэрчитинэн «Кырдьыгы – күлүүлээхтик» диэн тиэмэлээх Саха Өрөспүүбүлүкэтигэр оҕо быраабын араҥаччылыыр боломуочуйалааҕын Кубогын «Чаҕылхайдар» хамаанда (Амма) ылла, кинилэр сыаналаах бириис уонна көһө сылдьар кубок туттулар.

Оттон икки күннээх күрэхтэһиигэ бастакы миэстэни Уус Алдан улууһун «Дьулуур» хамаандата (сал. М.Н. Дегтярев) ылла, иккис миэстэни – Мэҥэ Хаҥалас улууһун «Чиккэстэр» (сал. А.П. Жиркова), үһүс миэстэни Таатта улууһун «Ситик» (сал. М.Д. Алексеева) хамаандалара ыллылар.

✍️ Людмила Сергеева, "Өркөн" эбии үөрэхтээһин киинин педагога

☑️ Сиһилии: https://мюрюгазета.рф/article/95160 уонна https://vk.com/wall-219778198_17

✅ t.iss.one/murusahargata @ulusmedia

#сахаквн

💠 Көрдөөх-нардаах Саха-КВН оонньууларыгар – Чурапчыга

Үөрэх дьылын түмүктээт, сайыҥҥы каникул кэмигэр "Өркөн" оҕону эбии үөрэхтээһин киинигэр КВН-ҥа илин эҥэр улуустар күрэхтэһиилэригэр анаан Уус Алдан улууһун хамаандата туруоруллубута.

Бэс ыйын 1 күнүттэн саҕалаан оҕолору, ыччаты атын дэриэбинэттэн ыҥыран, "Өркөҥҥө" күҥҥэ иккитэ бэлэмнэнэн саҕалаабыппыт.

Хамаандабытын Мария Винокурова хомуйан, Арыылаах бөһүөлэгин географияҕа учуутала Мичил Дегтярев бэлэмнээбитэ. Кини биһигини биир нэдиэлэ устата эрчийэн, сыанаҕа тутта-хапта сылдьарга үөрэппитэ.

✍️ Ангелина, Дарина Бурнашевалар, Мүрү 2 N-дээх орто оскуолатын 9 кылааһын үөрэнээччилэрэ

✅ t.iss.one/murusahargata @ulusmedia