🗣 ГКУ РС (Я) "Агентство субсидий" приглашает на встречу семьи участников СВО, многодетные, малоимущие семьи.

✅@uamurusahargata @ulusmedia

🚩Дойдуга бэриниилээх буолуу, кыайыы-хотуу, инникигэ эрэл бэлиэтэ – Кыайыы Знамята Мүрү нэһилиэгэр👏👏👏

✅@uamurusahargata @ulusmedia

#фотофакт

🚩 Кыайыы Знамятын эстафетатын Уус Алдаҥҥа бүтэһик түһүмэҕэр – Курбуһах нэһилиэгин Уус Күөлүгэр көрүстүлэр.

Бу бэлиэ түгэнинэн сибээстээн уопсастыбаннай кэрэспэдьиэммит Анна Винокурова өссө 2005 сыллааха суруйбут хоһоонун ыытта🫶

Кыайыы кыһыл былааҕа
Тиийэн кэллэ Курбуһахха,
Турар-турбат бука бары
Тоҕуоруста кулуупка.

Дорообо, Кыайыыбыт былааҕа!
Бар дьонуҥ аатыттан истиҥник
Сүрэхпит сылааһын эйиэхэ
Биэрэбит хоһооҥҥо холбооммут.

Бааллар манна ытык-мааны
Сэрии содулун көрсүбүттэр,
Кыайыы өрөгөйүн билбит
Сэрии кыттыылааҕа бэтэрээннэр.

Музыка курус тыаһынан
Төбөбүтүн нөрүтэн
Санаатыбыт ол күнү
Уу-чуумпуга бигэтэн.

Элэҥнээн аастылар эн күөҥҥэр
Ол суоһар ынырык түгэннэр,
Эҕэрдэ ыыппыттар биһиэхэ
Эргиллэн кэлбэтэх бар дьоммут...

Төһөлөөх эдэркээн сүрэхтэр
Мэхээстэр, Сүөдэрдэр, Куолалар,
Бэл диэтэр, кэрэчээн кыргыттар
Хаалтара хааннарын тоҕоннор...

Сирдиириҥ бар дьоҥҥун Кыайыыга
Уот кыһыл өҥҥүнэн кытыаста,
Ханныктаах даҕаны түгэҥҥэ
Кыайыылаах тахсарыҥ өрүүтүн!

Ол иһин кэллэҕиҥ бу күҥҥэ
Өрөгөй үөрүүтүн үллэстэ,
Улуукан Кыайыыбыт былааҕа –
Бар дьоммут инники сирдьитэ!

10.01.2005.

✅ @uamurusahargata @ulusmedia

💫Тохсунньу 22 күнэ

♈️Хой

Бүгүҥҥү күнүҥ араас элбэх түгэнинэн баай буолуоҕа. Туттарыҥ-хаптарыҥ тэтимириэ, эрчимириэҥ, быһаарыныыларыҥ даҕаны кудуххай буолуохтара. Ону барытын сыалгын ситиһэргэ туһан. Олоххор быһаарыылаах, улахан суолталаах көрсүһүү эбэтэр кэпсэтии күүтэр.

♉️Оҕус

Билсиһиигэ, дьону кытта алтыһарга табыгастаах күн. Абылыыр күүһүҥ элбэх киһини угуйар чинчилээх, онон сулустар хайа да түгэҥҥэ кэтэмэҕэйдээбэккэр сүбэлииллэр. Үлэҕэр, оҥоро сылдьар дьыалаҕар тулууруҥ уонна дьулууруҥ табыллыыга тиэрдиэхтэрэ.

♊️Игирэлэр

Бүгүҥҥүттэн үөрэнэн саҕалыырга, бэйэҕин сайыннарарга хардыы оҥорорго тоҕоостоох күн. Тобуллаҕас толкуй, өйүҥ сытыырхайыыта – үрдүк кэрдиискэ. Ону мүччү тутума. Доруобуйаҕар болҕомтоҕун уур, сынньанар эмиэ наада.

♋️Рак

Үп-харчы боппуруостара кичэллээх сыһыаны ирдииллэр. Улаханы атыылаһаргар эбэтэр харчы элбэтэр ньымаҕа сэрэхтээх буол. Чугас дьонуҥ эн болҕомтоҕор наадыйалларын биллэриэхтэрэ.

♌️Хахай

Бүгүҥҥү күнүҥ эйиэхэ саҥа санаалары, иэйиини саҕыа. Олору олоххо киллэрэргэ хорсун буол. Айар-тутар үлэлээхтэр табыллыаххыт. Чугас дьоҥҥор аһаҕас, истиҥ сыһыаҥҥын биллэр – сыһыаҥҥыт тупсуоҕа.

♍️Кыыс

Бүгүн ис туруккун болҕой. Олус элбэхтэн санаарҕыы, мунчаара сылдьар курдуккун. Онтон босхолонорго сынньанар, уоскуйар сөбүлүүр дьарыккар ылыс.

♎️Ыйааһын

Элбэх киһини кытта алтыһар баҕаҥ күүһүрүө. Ол иһин көрсүһүүлэртэн, тэрээһиҥҥэ ыҥырыылартан аккаастаныма – туһалаах билсии-көрсүү саҥа кыахтары биэриэ. Онон сарсыардаттан тас көстүүгүн тупсаҕайдык оҥоһун – ол, бастатан туран, бэйэҥ настырыанньаҕын көтөҕүө.

♏️Скорпион

Бүгүҥҥү күнүҥ үлэҕэр ситиһиилэри бэлэхтиэ. Сыалгын ситиһэн тэйэр дьоҕуруҥ ханныктаах даҕаны ыарахан соругу эҥкилэ суох толороргор көмө буолуо. Эппиэтинэс ылынартан уонна бастакынан саҕалыыртан букатын куттаныма.

♐️Охчут

Айан күүтэр. Тулалыыр эйгэҕин уларытарга, тугу эрэ саҥаны арыйарга тоҕоостоох кэм. Доҕотторгун кытта көрсүһүү, кэпсэтии эмиэ туһалаах эрэ буолуоҕа.

♑️Чубуку

Дьулууруҥ, үлэһит хаачыстыбаҥ көмөтүнэн үпкүн үлүннэриэҥ. Ол эрээри харчыгын кичэллээхтик былааннаан туттарыҥ ордук. Кэллиэгэлэргин уонна үлэлэһэр дьоҥҥун кытта сыһыаҥҥын бөҕөргөтө сатаа.

♒️Күрүлгэн

Кэпсэтиилэргэ чэпчэкитик кыттыһыаҥ. Бэл уустук майгылаах дии саныыр дьоҥҥун кытта биир тылы булуоҥ. Онон улахан суолталаах боппуруоһу быһаарарга, сибээстэргин бөҕөргөтөргө кыһалын.

♓️Балыктар

Эмоцияларыҥ уонна сэрэйэн билэр дьоҕуруҥ бүгүн быһаарар оруоллаахтар. Ис туруккар, саныыр санааҕар бэрин, сүрэҕиҥ тугу этэрин иһит. Бүгүн бэрт улахан суолталаах быһаарыныыны ылынар түгэн буолуон сөп.

✅ @uamurusahargata @ulusmedia

📆Тохсунньу 22 күнэ. Орто күн

☁Күүппүт сис былыппыт дьэ кэллэ быһыылаах. Бэҕэһээ иккис күнүн хаардаах, халыҥ былыттаах күн буолла. Тымныы лаппа сымнаабытыттан дьон санаата чахчы көнньүөрбүт.

🌨Бүгүн сарсыарда 6 чааска Бороҕоҥҥо 20 кыраадыс тымныы буолбут. Күнүс 17-19 кыраадыс тымныы буолара күүтүллэр. Сөкүүндэҕэ 1 м түргэннээхтик үрэр тыаллаах былыттаах, хаардаах күн.

☃️Бу күннэргэ хаар биллэрдик эбиллэр буолла. Бүгүн үһүс күнүн хаардыыр. Аны сааскыга диэри маннык кыра-кыратык эбэн истэҕинэ эмиэ былырыыҥҥы курдук ураты халыҥ буолаарай?

✍️ Афанасий Сектяев

📸 Варвара Попова. Элэһин

✅ @uamurusahargata @ulusmedia

💕''Мүрү саһарҕата'' хаһыакка бу күһүҥҥүттэн ''Дьалыҥ'' рубрика үлэтин саҕалаабыта. ''Тыа сирин дьонугар аналлаах хаһыакка тоҕо ити нааданый?'' диэн ыйытааччылар баар буолуохтарын сөп. Биһиги ааҕааччыларбыт баҕаларынан үлэлиибит. Чуолаан кинилэр көрдөһүүлэринэн бу рубриканы саҕалаатыбыт.

💕Имэҥ-дьалыҥ киһи өйүн-сүрэҕин, этин-сиинин, нууччалыы эттэххэ, естественнэй көстүүтэ. Ону тылга сааһылаан, сурукка киллэрэр - бэйэтэ туһунан искусство. Аныгы демократическай уопсастыбаҕа хорсун хардыылар өйөнөллөр. Онон ааҕааччыларбыт саҥа рубриканы ылыналларыгар эрэнэбит.

''Дьалыҥ'' рубриканан хаһыакка тахсыбыт өссө биир кэпсээни таһаарабыт.

Баттаа ⤵️
https://мюрюгазета.рф/aan-bastaky/

✅ @uamurusahargata