❄️❄️❄️ Түүлээх нэһилиэгэр кыһыҥҥылыы хаар кыыдамныыр.

Оттон улуус киинигэр инчэҕэй хаар 💦 тута ууллан иһэр.

Таһырдьа билигин хайдаҕый диэн түннүгүнэн өҥөс гыныҥ👀 хайдаҕый?

Уонна комментарийга 📸 хаартыската ыытыҥ✊

✅ @uamurusahargata @ulusmedia

#саҥасаха

🏙️🌆 Саха оҕолоро соҕуруу куораттарга хайдах усулуобуйаҕа үөрэнэллэрий, олороллоруй?

Уус Алдан Курбуһаҕыттан төрүттээх Мирослав Черноградскай Санкт-Петербурдааҕы Технология уонна салайыы университетын устудьуона буолар. Бу видеоҕа кини үөрэнэр кыһатын уонна олорор уопсайын туһунан кэпсиир, ону тэҥэ Учуутал күнүнэн эҕэрдэлиир. Мирославы кытта киэҥник, сиһилии кэпсэтиини ''Мүрү саһарҕата'' хаһыат кэлэр нүөмэрдэригэр ааҕыаххыт.

✍️ Уйаара Кустук

✅ @uamurusahargata @ulusmedia

🔔🔔🔔 УЧУУТАЛ... Бу иһирэх тылга төһөлөөх итии-истиҥ санаа, муҥура суох таптал, ытыктабыл, биһирэбил сөҥөн сытара буолуой?! Ити барыта элбэх, сыралаах үлэттэн тахсар. Ол да иһин оҕоҕо ийэ, аҕа кэнниттэн киһи-хара буоларыгар, олоххо бэйэтин суолун тэлинэригэр сүҥкэн улахан өҥөлөөх, үтүө сүбэһит киһинэн – учуутал буолар.

Алтынньы 4 күнүгэр Сыырдаах оскуолатын профсоюһун көҕүлээһинэн учуутал күнүн бэлиэтээтибит. Оскуола ону тэҥэ норуот айымньытын киинин үлэһиттэрэ учууталлары идэлээх бырааһынньыктарынан эҕэрдэлээн, сахалыы ырыаны бэлэхтээн, дьон сүргэтин көтөҕөн,тэрээһини ордук киэргэттилэр. Сарсыардаттан улахан кылаас оҕолоро учууталларыгар сынньалаҥ бэлэхтээн, кинилэр оннуларыгар учуутал буолан оҕолору үөрэттилэр. Учуутал сыралаах үлэтин бэйэлэригэр тургутан көрөн, оҕолор сүрдээҕин астыннылар. Киэһээҥҥи өттүгэр оскуола үлэһиттэрэ бары мустан чэй иһэн, ирэ-хоро кэпсэтэн, араас көрдөөх оонньууларга көхтөөхтүк кыттан, бириис ылан, илии тутуурдаах, өттүк харалаах дьиэлэригэр тарҕастылар. Бэтэрээн учууталларга, саҥа үлэһиттэргэ, сылын ахсын үгэс быһыытынан ыытыллар үөрэнээччилэр уонна төрөппүттэр биһирэбиллэрин ылан, анал аакка тиксибит учууталларга (алын сүһүөх учууталлара: В.В. Неустроева, М.Н. Васильева) оскуола дириэктэрэ И.Г. Портнягин истиҥ эҕэрдэ тыллары этэн бэлэх туттартаата. Учуутал быйылгы күнүн бырааһынньыга үөрэнээччилэргэ да, учууталларга да элбэх умнуллубат үтүө өйдөбүлү хаалларда.

✍️ Ньургуйаана Хорунова

✅ @uamurusahargata @ulusmedia

💫 Алтынньы 7 күнэ

♈️Хой

Энергияҥ толору. Онон сыалгын ситиһэр кыаххынан уонна дьаныардаах майгыгынан үгүһү ситиһиэҥ. Бу күн онно-манна кыттан тыл этэргэр уонна сыаналаах тугу эмит ыларгар тоҕоостоох күн буолууһу.

♉️Оҕус

Чуумпу күн үүнүүһү. Сорох Оҕустар үлэлэригэр утуйуох курдук чуҥкук күн буолуоҕа. Дьиэ кэргэҥҥин кытта инникини торумнуурга тоҕоостоох күн. Барыта этэҥҥэ быһаарыллыаҕа.

♊️Игирэ

Быстах өйдөспөт түгэннэр, быһыылар үөскүөхтэрин сөп. Ол эрээри турбут кыһалҕалар түргэнник быһаарыллыахтара. Туох да мөкү өрүт тахсыа суоҕа. Күн бүтүүтэ этэҥҥэ барыта быһаарыллан, настырыанньаҥ көтөҕүллүө.

♋️Рак

Табыллыылаах, табыгастаах күн үүнүөҕэ. Оҥорор дьыалаҥ сөптөөх буолан, ситиһиигэ тиэрдиэ. Сорох ыгым түгэҥҥэ холку буол, инникини санаа.

♌️Хахай

Эн лидер хаачыстыбаҥ күүһүрбүт күнэ. Ол түгэни коллегаларгын, салалтаны кытта кэпсэтэргэр туһан. Үтүө дьыаланы оҥорорго былааннаа. Аҥаардас кэпсэтиинэн тугу да ситиспэккин.

♍️Кыыс

Эн сарсыардааҥҥы санааҕынан аан дойду барыта эн утары буолуоҕа. Ол эрээри үтүө түгэннэр киэһэлик буолуохтара. Ол кэмҥэ дьыалабыай да, тус да өрүккэ ону- маны оҥорорго тоҕоостоох түгэн буолуоҕа.

♎️Ыйааһын

Саарбахтыырга табыгаһа суох кэм. Быһаарыныыны түргэнник ылынарыҥ ордук. Барыстаах дьыаланы ситиһиэҥ, олоҕун үтүө өттүгэр хайысхаланыаҕа.

♏️Скорпион

Дьыалабыай эйгэҕэ, спорка ситиһиилэниэҥ. Онно эн тэрээһиннээх уонна бэрээдэктээх буолууҥ көмөлөһөр. Киэһэ элбэҕи аһыыртан туттун.

♐️Охчут

Эн олоххо олус кыһамньылааххын. Ол иһин туох эмит кыаллыбатаҕына, кыйыттар майгылааххын. Харчы киириэн сөп, ол эрээри көһүтүллүбэтэх ороскуот баар буолуоҕа.

♑️Чубуку

Үгүс дьыала эн настырыанньаҕыттан тутулуктаах. Инникигэ эрэллээх буоллаххына, барытын ситиһиэҥ. Санаалара түспүт эбэтэр кыыһырымтаҕай Чубукулар күҥҥүтүн ньиэрбэ үрдүгэр атаарыаххыт. Чугас дьоҥҥутуттан үтүө сонуну истиэххит.

♒️Күрүлгэн

Бу күн дьиэҕэр суунар-тараанар күн үүнүүһү. Дьону кытта сыһыаҥҥын тупсарыаххын баҕарыаҥ. Сулустар бытархайга болҕойбокко сылдьан, олоххор сүрүн дьыаланы куоттарыаҥ дииллэр.

♓️Балыктар

Бу күн наһаа элбэҕи былааннаатаххына кыаллымыан сөп. Бэйэҥ кыаххын сыаналыырын ордук буолууһу. Ону ситиһэр инниттэн толкуйдуурга бириэмэтэ анаа уонна эрдэттэн былааннаа.

✅ @uamurusahargata

📆Алтынньы 7 күнэ. Аан күн

Күн🌞чаҕылхайдык,сандааран киирдэҕинэ – халлаан туруга уларыйар, саһарбыт🍂🍂🍂сэбирдэх түспэккэ турдаҕына – сылаас турбахтаһар🤗, тыал соҕурууҥҥу-илинтэн үрдэҕинэ – ❄️❄️❄️сөҥүү түспэт, кымырдаҕас уйата төһөнөн улахан да – кыһын тымныы🥶, ый🌕уйаланнаҕына – кураан сайын.🥵

Бэҕэһээ сарсыарда күннээҕи борогонуоспун суруйаат✍️, ыыта охсон баран, түннүгүнэн таһырдьаны көрбүтүм – ньуолах❄️❄️❄️хаар үллүктээн, сир-дойду үрүҥ❄️❄️❄️хаарынан бүрүллүбүт этэ🫣. Кылгас кэмҥэ халыҥнык түһэн, оҕолор хаар⛄киһини оҥорбуттара, "статуһу" толорбута😅. Сир ириэнэх, халлаан сылаас буолан, ❄️❄️❄️хаар ууллан ньаҕай буола түспүтэ🤭. Аны🌧️🌧️🌧️ардах түспэтигэр эрэл суох🤷‍♂️. 2012 сыллаахха алтынньы 31 күнүгэр🌧️🌧️🌧️ардаан, ❄️❄️❄️кыстык аһа ирэн, эт харааран аймаабыттаах😩.

Халлаан халлан, ✨✨✨сулустар чаҕылыһан киһи сэргэхтик турар күнэ🌞үүммүт, эчи чуумпута🤫, салгына ырааһа, тыынарга чэбдигэ👍😅. Сарсыарда 5 чааска Суоттуга -4°С. Хаар❄️❄️❄️хаһыҥ түһэн сир күлүмнэс, хаамтахха от хардырҕас😊

КҮҺҮН

Курас күннэр сабардааннар
Курус санааны саҕаллар,
Киһи кутун баттааннар
Хахсаат тыалынан аарыыллар.

Хаһыҥ, тымныы хаарыйаннар
Хатыҥ мастар саһараллар,
Хаарыан күөхтэрин сүтэрэннэр
Хаҕыс тымныылыын хатыһаллар.

Күһүн бүппэт ардахтара
Куруук дууһаны аймыыллар,
Күөлүм ытыллар долгуннара
Күүгэн буолан үллэллэр.

Хахсаат тыалынан үрэннэр,
Кыһын тыына биллэннэр,
Кэхтэр эбит айылҕалыын,
Күн-дьыл тохтообот эргиириниин.

КЭЛБИТ КҮН🌞КЭРЭТИН,
ҮҮММҮТ КҮН🌞ҮТҮӨТҮН
ИҤЭРИНЭН ЭТЭҤҤЭ БУОЛУҤ!
САҤА КҮНҮНЭН!🤗✊✊✊

✍️ Иннокентий Попов-Оҕуруоттаах. Суотту

📸 Ульяна Бурнашева. Тулуна

✅ @uamurusahargata @ulusmedia

#БороҕоннооҕуРЭСиһитиннэрэр

⚡️ Алтынньы 9 уонна 10 күннэригэр 35 кВ күүрүүлээх Бороҕон – Танда хайысхаҕа Л-63 уот ситимигэр былааны таһынан үлэ оҥоһулларынан 9.00-тан 18.00 чааска диэри Тандаҕа, Тиит Арыыга, Бээрийэҕэ уонна Кылаайыга уот арахсыаҕа.

✅ @uamurusahargata @ulusmedia

🦫 Андаатар кыстыыр хороонун оҥостон түбүгүрэр

Хас биирдии киһи, оннооҕор кыыл-сүөл, уһун кыстыкка бэлэмнэнэн сылы эргиччи түбүгүрэр.
Айылҕа барахсан тыйыс тымныылаах хотугу сиргэ олорооччуларга тулууру, дьулууру бэлэхтээбит. Ол туоһута бу, айылҕа оҕото — андаатар.

📹 Айталина Неустроева

✅ @uamurusahargata @ulusmedia

💫Алтынньы 8 күнэ
 
♈️Хой

Бу күн дууһаҥ сөбүлээбэт, сыппат дьарыгын оҥоруоҥ. Онно эппиэтинэскин холбоотоххуна, “наһаа мээнэ ылсыбатах эбиппин дии” саныаҕыҥ. Киэһээ өттүгэр чугас киһигин кытта сыһыаныҥ эмискэ сытыырхайыан сөп.    
 
♉️Оҕус

Тулалыыр дьонуҥ тиэтэтиэхтэрин сөп, ол эрээри сулустар наһаа ыксаабаккар сүбэлииллэр. Саамай ыксаллаах, наадалаах диэбит дьыалаҕар ылсарыҥ ордук буолуоҕа. Бэйэҥ күүһүҥ-уоҕуҥ тиийбэт буоллаҕына, чугас дьоҥҥун көмөлөһөллөрүгэр көрдөс.

♊️Игирэ

Кыаллыа суоҕа диэбит дьыалаҕын оҥорорго эрдэттэн тылгын биэримэ. Эмискэ уларыйыы тахсыан сөп. Күн иккис аҥаарыгар интэриэһинэй бырайыакка кыттыаҥ. Харчылаах бэлэх, бириэмийэ кэлиэн сөп.  

♋️Рак

Настырыанньаҥ өрө көтөҕүллүүлээх. Ону ким да кыайан ыспат. Элбэх кэпсэтии, көрсүһүү буолуоҕа. Инникитин бэйэҕэр наставник, көмүскээччи буолуон сөптөөх киһини кытта билсиэххин сөп.

♌️Хахай

Араас үлэни, иннигэр турар соруктары чэпчэкитик аһардыаҥ. Уустуктар көмөлөһүөн сөптөөх дьонуҥ аккаастарыттан тахсыахтарын сөп. Онон саамай наадалах дьыаланы бэйэҥ илиигэр ыларыҥ ордук.  

♍️Кыыс

Дьон итэҕэһигэр сымнаҕастык сыһыаннаһарыҥ тоҕоостоох. Эн кинилэргэ ыарыылаах этиилэргиттэн иирсээн тахсыан сөп. Наһаа күүрбэккэ, доруобуйаҕын көрүн.  

♎️Ыйааһын

Наадалаах боппуруостары быһаарарыҥ уустуктук ааһар. Сулустар күннээҕи дьыаланан дьарыктанаргар сүбэлииллэр. Айылҕаҕа сынньанарыҥ эбэтэр бириэмэҕин таптыыр киһигин кытта атаар.    

♏️Скорпион

Эн барытын ааҕан-суоттаан толкуйдууруҥ олус көмөлөөх, наадалаах. Бу күн туһалаах информацияны үөрэтэргэр табыгастаах күн. Арай фантазияҕын киллэрэриҥ уустуктардаах.  

♐️Охчут

Бу күн эйиэхэ интуицияҥ көмөлөһүөҕэ. Онно эрэннэххинэ, сөптөөх хайысханы тутуһуоҥ. Күн иккис аҥаарыгар мөккүөр тахсыан сөп. Онон мээнэ кэпсэтэ олорордооҕор, дьыаланан дьарыктаммытыҥ ордук.  

♑️Чубуку

Бу күн үлэ, бизнес туһунан боппуруостары кэпсэтэргэ табыгастаах. Эйиэхэ арааһа туох эрэ интэриэһинэй этиини киллэриэхтэрэ. Тулалыыр дьоҥҥун кытта кэпсэтии сайдаргар туһалаах буолуоҕа.   

♒️Күрүлгэн

Эн олоҕу уратытык көрүүҥ тулалыыр дьоҥҥунан биһирэниэҕэ. Саҥа билсибит дьоҥҥуттан интэриэһинэй этиилэр киириэхтэрэ. Айар бырайыагын саҕаланар күнэ буолуон сөп.  

♓️Балыктар

Бу күн үөрэнэргэр эбэтэр тугу эмит саҕалыыргар үчүгэй күн. Үп-харчы өттүнэн табыллыаххын сөп. Айанныыр буоллаххына, суолгун-иискин үчүгэйдик үөрэтэриҥ ордук.

✅ @uamurusahargata
 

📆 Алтынньы 8 күнэ. Ханыы күн

Ыраас күн🌞буоллаҕына – өссө үс нэдиэлэ турар.👍😅 Бүгүн хайдах күнүй🌞да, муус устар 8 күнүгэр оннук буолар.🤔 Тыал хотуттан – тымныы❄️❄️❄️кыһын, соҕурууттан – сымнаһыар,🤗 арҕааттан – ❄️❄️❄️хаардаах дьыл. Күнү быһа☁️☁️☁️былытыран баран, киэһээ былыта тарҕанан ыһылыннаҕына – халлаан тымныыга иэҕиллэр,🫣 хатыҥ🍂🍂🍂сэбирдэҕэ ситэ түспэтэҕинэ – хаар❄️❄️❄️түһэрэ күүтүллүбэт,🤷🏻‍♂️ бастакы хаары тыалыран-кууһуран түһэрдэҕинэ – кыһын⛄хойутуур.😊

Бүгүн да☁️☁️☁️былыт баар аҕай.🤭 Киэҥ куйаар иччитэхсийбит.🫣 Туох барыта ньимийэн саспыт курдук.🙈 Күннэтэ🌞күн кылгыыр, түүн🌕уһуур. Халлаан 6 чаас диэки суһуктайар буолбут.🤔 Салгын хотугулуу-илинтэн, былыттаах☁️☁️☁️буолан, сылааһынан илгийэр.🤗 Чуумпу нууралга киһи аа-дьуо хаама сылдьыан баҕарар.😅 Сарсыарда 5:30 чааска Суоттуга -4°С. Сыыйа кэлэр кэлэн иһэрэ, биллэр. Дьылбыт эргиирэ буоллаҕа.🤔

Күһүҥҥү силбик

Күһүҥҥү силбиги бүрүнэн
Тулабыт курустук санньыйбыт,
Тохтообот ардахтан сиигирэн
Тымныынан тыыннанан аргыйбыт.

Хаһыҥтан чараҥым сулланан
Көмүстүү мөссүөнүн сүтэрбит,
Саһарбыт сэбирдэх тэлгэнэн
Тыргыллар ыллыкпын бүрүйбүт.

Курас күн былыта нүһэрин
Киһини баттыырдыы ыаһырбыт,
Күндэлэс күммүтүн саһыаран
Будулу быыһыгар кистээбит.

Күннэтэ хаардаары ыксатан
Бокуруоп иннинэ тымныйбыт,
Күөллэри мууһунан чарчытан
Хахсаат тыал ирбэттии тоҥорбут.

ЫЛСЫБЫККЫТ ЫБЫСТЫН,
ТУППУККУТ ТУБУСТУН,
САНААБЫККЫТ САТАННЫН,
БАҔАРБЫККЫТ БАРҔАРДЫН!
САҤА🌞КҮНҮНЭН!😅✊✊✊

✍️ Иннокентий Попов-Оҕуруоттаах. Суотту

📸 Туяра Ушницкая. Кылаайы

✅ @uamurusahargata @ulusmedia