#нэһилиэктэргэ

💢 Баатаҕай нэһилиэгэр куруһуоктар, түмсүүлэр 2022-2023 сс. үлэлэрин отчуоттуур “Сырдыгы, кэрэни түстэһэн" тэрээһин Улуу Кыайыы 78 сылын көрсө иккис төгүлүн ыытылынна.

Кэнсиэр иннинэ Аҕа дойду сэриитин кэмигэр биир дойдулаахтарбыт Булуҥҥа балыкка үлэлэрин туһунан үтүөлээх учуутал, сэрии сылын оҕото Вера Троева иһитиннэрии оҥордо.

Үөрүүлээх чааска дириэктэр Людмила Готовцева куруһуоктар, түмсүүлэр быйылгы үлэлэрин, ситиһиилэрин туһунан иһитиннэрдэ уонна махтанан, эҕэрдэлээн туран бастыҥнарга анал бэлиэлэри туттарда. Ол курдук “Лучший руководитель клубного формирования” ааты “Танцы-манцы” көр-күлүү бөлөҕө ылла (сал. Александр Белолюбскай), “Лучший активист клубного формирования” – Н.Н. Тарскай аатынан Баатаҕай орто оскуолатын 8-с кылааһын үөрэнээччитэ Сайаана Рожина уонна “Сандаар” ансаамбыл (сал. Марта Ушницкая Марта), “Лучший активист любительского объединения” – Марфа Готовцева, Вероника Сивцева, Василий Егоров уонна “Сардаҥа” түмсүү (сал. Евдокия Гоголева), “Активист сезона” – Николай Ушницкай.

Маны таһынан түмсүү, куруһуок салайааччыларыгар сынньалаҥ киинин үлэтигэр күүс-көмө буолар сүбэһиттэрбитигэр, наставниктарбытыгар В.И. Троеваҕа, Н.А. Николаевка, Н.В. Готовцеваҕа, А.Н. Копыринаҕа, М.М. Белолюбскайга, Марк Карповка, Алексан Лугиновка махтал суруктарбытын туттардыбыт.
Наҕараадалааһын кэнниттэн “Сырдыгы, кэрэни түстэһэн” отчуоттур кэнсиэр элбэх киһини түмтэ.

Бука бары түмсэммит, санаабытын холбооммут, үлүһүйэн үлэлиэххэ! Үүнэ-сайда туруохха! Тапталлаах төрөөбүт Биэттэбит бар дьонун, кэнэҕэски ыччатын ыҥырабыт!

Кулууп официальнай сайтыгар https://www.ekctymen.ru ссылканы баттаан ыытыллар үлэлэри көрүҥ-истиҥ.

✍️ Людмила Готовцева, Баатаҕайдааҕы С.Ф. Сивцев аатынан “Түмэн” НАК дириэктэрэ

✅ t.iss.one/murusahargata @ulusmedia