– Бэҕэһээ Новоазовскайга тирэх пууҥҥа ≪Шанс≫ диэн позывнойдаах уолбут кэлэ сылдьыбыта. Кини Тумултан төрүттээх, медик идэлээх. Бэйэтэ подвалга лазарет арыйбыт. Онно анаан өрөспүүбүлүкэ биэрбит 5 кВт кыамталаах генераторын биэрдибит, эмтэри угар холодильниктардаахпын диир. Итини таһынан киниэхэ ≪Вебасто≫ дизельнай отопитель (оһох) биэрдибит.

Бүгүн Владимировка пгт хайысхатынан сылдьабыт, онно полковник званиелаах хамандыыры көрүстүбүт, Наталья Охлопкова уоппускаҕа кэпсэппит икки уолун ыллыбыт. Еленовка бөһүөлэгэр эмиэ биир уолу көрүстүбүт, Докучаевск балыыһатыгар икки уолга сырыттыбыт.

Ити курдук көрсүбүт биир дойдулаахтарбытыгар көмөбүтүн туттаран иһэбит.

– Күндү биир дойдулаахтарбар, Уус Алдан улууһун олохтоохторугар, "Эрэл" фонда үлэһиттэригэр гуманитарнай көмөҕүт иһин ис сүрэхтэн махталбын тиэрдэбин. Сииктээх, тымныы блиндажка бааһырбыт байыастары эмтиирбэр оһох ыытан олус абыраатыгыт.

Төрөөбүт Дүпсүнүм нэһилиэгин олохтоохторугар ыыппыт минньигэс аскытыгар, сылаас таҥаскытыгар барҕа махтал!

Эйэлээх олоххо эрэниэххэйиҥ. Бары доруобай, дьоллоох буолуҥ!

Бу соторутааҕыта бары кыттыһан харчы хомуйан, оскуола оҕолоро, Күлүмнүүр аатынан технопаарка үлэһиттэрэ уонна Дүпсүн аҕа саастаах волонтердара СВО байыастарыгар анаан барыта 76 устуука харысхалы оҥорбуппут. Ону таһынан аҕа саастаах волонтердар госпиталларга эмтэнэр байыастарга туһалаах буоллун, араҥаччылыы, арчылыы сырыттын диэн, инбэлиит кэлээскэтигэр 25 устуука олбоҕу тикпиппит. Бурдук ас астаан, балык ыһааран бэлэмнээбиппит.

Бу аһы уонна оскуола оҕолорун суруктарын, харысхаллары Дүпсүнтэн төрүттээх уолаттарга анаан бэлэмнээбиппитин, быйыл күһүҥҥүттэн баайбыт харыстанар сиэккэлэри Александр Сивцев куоракка киллэрэн туттарбыта. Оттон харысхаллаах олбохтору уонна “Сардаҥа” уһуйаан иитиллээччилэрэ “Волонтёр оҕолор” хамсааһыҥҥа кыттыһан оҥорбут “розжигтарын”, уруһуйдарын уонна Докучаевскай оҕолоругар анаан хомуйбут кинигэлэрин Дьокуускайга волонтёр Лена Троеваҕа Тит Соловьёв тиксэрбитэ. Күн бэҕэһээ Лена Дмитриевна Москваҕа Саха сирин Постпредствотыгар волонтёрскай пууҥҥа илдьэн туттарда.

Эйэлээх олох иһин бука бары туруулаһыаҕыҥ, уолаттарбытыгар күүс-көмө буолуоҕуҥ!

– "Один в поле не воин" диэн санааны утары дакаастаабыт уол туһунан ватсап ситиминэн кэлэр суруктары ааҕан, билэн, бу хорсун уолу өйүүргэ санаа киирбитэ. Чахчы патриот, геройдуу быһыыны оҥорбут диэн киэн тутуннум.

Хорсун байыас Андрей Григорьев биэс оҕолоох, бэйэтэ элбэх оҕолоох дьиэ кэргэҥҥэ 8-с оҕо буолар. Инникитин өрөспүүбүлүкэ өйүүрэ буоллар, маннык вездеходтары Герой аатын ылбыт дьоммутугар барыларыгар оҥорон биэриэ этибит. Билиҥҥи аныгы кэм байыаннай дьайыытыгар бачча сэрии сэбэ-сэбиргэлэ, тиэхиньикэ сайдыбыт кэмигэр уот кутаа үөһүгэр сылдьыы диэн сүрдээх дьыала буоллаҕа. Онон хорсун буойуттарбытын өйүөххэ, өрө тутуохха!

– Уолум Айаал оҕоттон туох да уратыта, чорбойоро суох этэ. Оҕо-оҕо курдук дойдутун кэрэ айылҕатыгар көҥүл көччүйэн улааппыта. Куруук элбэх доҕордоох буолара. Наһаа элэккэй майгылааҕа, дьоҥҥо үчүгэй сыһыаннаҕа, ол иһин дьон киниэхэ тардыһарын бэлиэтии көрөн сэмээр үөрэрим.

Оскуолатааҕы кэмигэр мээчигинэн, тенниһинэн үлүһүйэн спорка дьулуһара. Тыа сирин оҕотун сиэринэн эр киһи үлэтигэр-хамнаһыгар сыстан улааппыта.

Оскуоланы бүтэрэн баран аармыйаҕа сулууспалаан кэлбитэ. Сыбаарсык идэтигэр үөрэммитэ. Тоҕо эрэ үрдүк үөрэххэ санаммат этэ, эр киһи дьаныстаҕына хара үлэнэн даҕаны айаҕын ииттинэр диэн санаалааҕа.

Ол курдук, хас да сыл вахтанан үлэлээбитэ. Ол үлэлии сылдьан биир күн «бэбиэскэ туттум» диэн сүрэхпитин хамсаппыта...,

– Уолаттарбыт көрдөһүүлэрин ылынан, 10 олбоҕу, ону кытта бэйэбит балаҕаммытыттан алгыс тыллаах бэлэх паннобутун туттардыбыт. Олбохторбутун ≪Дьол уйата≫ элбэх оҕолоох ийэлэр түмсүүлэриттэн Варвара Кривошапкина тигэн биэрэн, киниэхэ улаханнык махтанабыт.

Бэҕэһээ Дьокуускайга кэһиибитин туттара киирэ сылдьан ≪Якутия с тобой≫ штабка сылдьан биир дойдулаахпытын Анна Ефимованы көрүстүбүт. Анал байыаннай дьайыыга сылдьар дьоммутугар туох көмө оҥоһулларын билистибит,

– Мин бу браслеты оҥорорго Бороҕоҥҥо волонтер кыргыттартан үөрэммитим уонна нэһилиэкпэр олохтоохтору үөрэтэн саҕалаабытым. Бастакы партия көмөбүтүн номнуо ыыппыппыт, онно эмиэ оҕо саадын уонна балыыһа коллективтара кыттыбыттара. Матырыйаалбытын СВО-ҕа сылдьар уолаттардаах ийэлэр харчы кыттыһан сакаастаабыппыт. Сүүс миэтэрэ быаттан 20 браслет тахсар.

Тактическай браслеты оҥорор интэриэһинэй дьарык эбит, мелкай моторика мэйии үлэтэ сайдар. Онон уолаттарбытыгар туһалааҕын ааһан, оҥорооччуларга бэйэбитигэр даҕаны эргиччи туһалаах.

Итини таһынан, хойутаан да буоллар, наскы баайыыны пропагандалаан эрэбин. Аҕа дойду Улуу сэриитин кэмигэр эбэтэ бараан түүтэ сабынан баайбыт наскытын күтүөтүм көрдөрбүтэ, олус чиҥ баайыылаах, бэрт бөҕө-таҕа эбит. Онон оннук баайыыны сөргүтэн үөрэтиэм этэ.

Биир дойдулаахтарбын уолаттарбыт тустарыгар маннык курдук кыра да улахан да көмөнү тиһигин быспакка оҥоро туруоххайыҥ диэн ыҥырабын уонна биир дойдулаахтарбар, нэһилиэгим дьонугар-сэргэтигэр, бары кыттыһан үлэлэһэллэригэр барҕа махталбын тиэрдэбин. Ону тэҥэ СВО-ҕа сылдьар уолаттар ийэлэрэ эмиэ сүбэ-ама буолаллара, санааларын үллэстэллэрэ миэхэ сүрдээх көмөлөһөр, – диэн Мария Дмитриевна санаатын этэр.

– Көмөбүтүн республикатааҕы психологическай киин Уус Алданнааҕы филиалын (сал. Саргылаана Никитина) иһинэн үлэлиир «Помощь волонтера бесценна» волонтер пуунугар тиксэрдибит.

Үөрэнээччилэр, үлэһиттэр көмө суолтатын өйдөөн, кыһамньыбытын ууран сиэккэни баайан бэлэмнээтибит уонна тустаах сиригэр тиийэн байыастарбытыгар хахха-туһа буоллун диэн баҕа санаабытын этэбит.

Убайдарбыт, аҕаларбыт, чугас дьоммут этэҥҥэ дойдуларыгар түргэнник эргиллэн кэлэллэрин күүтэбит,

Быыска-арыкка байыаннай дьайыы кыттыылаахтарын чугас дьоно уонна биирдиилээн куруук көмөлөһөр дьон бэйэлэрин баҕаларынан кэлэ тураллар. Кинилэргэ психологическай киин исписэлииһэ Таисия Базарова уонна уонна «Россия ийэлэрэ» хамсааһын улуустааҕы филиалын салайар Сусанна Аммосова таҥастар хайдах тигиллиэхтээхтэрин ыйан-кэрдэн биэрэллэр.

Бу тигэр таҥастара – икки араас кэмпилиэк. Байыаннай таҥас буолан, учуоттаммыт араас киллэһигэ, ирдэбилэ үгүс. Холобур, сиэптэрэ хайаан да липучкалардаах, сииккэ олорорго инчэйбэтин диэн диэн анал матырыйаал эбиилээх, ону-маны кыбыта анньыналларыгар стропа лиэнтэ биэтилэлэрдээх, өссө сүгэһэрдэрэ санныларын баттаабатын диэн сымнаҕас матырыйаал киирэн биэрэр эбит.
Сүрүн матырыйаала тигэргэ кытаанах, харгыстардаах буолан, ылбычча тигиллибэт. Быйыл сайыҥҥааҥҥа диэри маннык 100 кэмпилиэги тигэн, ону таһынан харысхал, сахалыы быһах уган баһыылканы ыытыахтаахтар.

Психологическай киин үлэһиттэрэ үлэлэрин иитинэн солбуһа сылдьан Ростов-На-Дону куоракка байыаннай госпитальга биирдии ый үлэлээн кэлэллэр. Билигин Елена Слепцоваонтон айаннаан иһэр буоллаҕына, Саргылаана Никитина тиийэн үлэлэһэ сылдьар. Маннык курдук төрдүө бэйэлэрэ тустаах үлэлэрин таһынан волонтердар иилээн-саҕалаан үлэ үөһүгэр сылдьаллар. Кинилэр айаҥҥа байыастары кытта көрсөн үгүстүк кэпсэтэр буоланнар, кинилэргэ туох ордук наадатын билэн-көрөн кэлэллэр.

– Айаҥҥа нэһилиэк баһылыга Николай Сивцевтыын ≪Дүпсүн≫ түмсүү салайааччытын солбуйааччы Геннадий Сивцев Курск – Ростов-на-Дону – Мариуполь (ДНР) – Каменка (Запорожскай уобалас) хайысхаларга баар уолаттарбытыгар сырыттылар, дойдуларын дьонуттан көмө баһыылкалары, квадроцикл, уот генератора, БПЛА детекторын туттардылар. Ону таһынан Москваҕа, Санкт-Петербурга, Хабаровскайга госпиталларга эмтэнэ сылдьар уолаттарбытын көрсөн, эмиэ баһыылкалары тиксэрдилэр.

Дүпсүн дьонугар, урбаанньыт уолаттарбытыгар Геннадий Гаврильевич Сивцевкэ (100 000 солк.), Осип Егорович Гороховка (100 000 солк.) уонна Уус Алдан улууһун "Эрэл" благотворительнай фондатыгар (200 000 солк.) тэрээһиммитин өйөөбүккүтүгэр, көмөлөспүккүтүгэр истиҥ махталбытын тиэрдэбит. Кыайыылаах буолуоххайыҥ!

– Бүгүн улуустааҕы киин балыыһа, Мүрү нэһилиэгин “Сардаана”, “Мүрүчээнэ”, “Мичил” оҕо саадтарын кэлэктииптэриттэн кэлэн көмөлөһө сылдьаллар. Сыырдаахтар, кэптэнилэр, балыктаахтар, тандалар уонна тулуналар бүгүҥҥү үлэлии олорор хаартыскаларын ыыттылар. Ону таһынан биирдиилээн баҕалаахтар кэлэн, таҥас ылан дьиэлэригэр илдьэ баран тигээччилэр эмиэ элбээн эрэллэр, – диэн иһитиннэрдэ.