#уһуйааннарга

💢 Бороҕоннооҕу “Кэскил” уһуйааҥҥа бүгүҥҥү Космонавтика күнүгэр араас хабааннаах тэрээһиннэр буоллулар.

Киһи космос куйаарын баһылыыра, наука эйгэтэ хайдах сайдан испитин көрдөрөр киэҥ ис хоһоонноох быыстапка оҕолор болҕомтолорун тарта. Манна космонавтар хаартыскалара, скафандр көрдөрүүгэ турда, иитээччлэр өссө фотозона тэрийэн оҥордулар.

Оҕолор билиилэрин хаҥатан викториналар, хамсанылаах оонньуулар ыытылыннылар, бөлөхтөрүнэн космонавтика тиэмэтигэр уруһуйдаатылар.

Оттон бэлэмнэнии бөлөх итиллээччилэрэ улуустааҕы Сэһэн Ардьакыап аатынан түмэлгэ тиийэн Станислав Луковцев Космонавтика уонна авиацияҕа аналлаах быыстапкатын олус болҕойон, сөҕөн-махтайан көрдүлэр.

Онон бүгүҥҥү күн кырачаан иитиллээччилэрбитигэр умнуллубатык, олус интэриэһинэйдик ааһан эрэр.

✍️ Александра Васильева, бэлэмнэнии бөлөх иитээччитэ

☑️ https://vk.com/wall-219778198_14

✅ t.iss.one/murusahargata @ulusmedia

#доруобуйахрыстабыла

💢 Хомустаах бөһүөлэгэр ФАП тутуутун матырыйаала кэллэ

“Лөгөй нэһилиэгин Хомустаах бөһүөлэгэр тутуллуохтаах фельдшерскэй-акушерскай пуун тутуутун матырыйаала бүгүн кэллэ. Тутуу үлэтэ график быһыытынан баран иһэр, онон быйыл балаҕан ыйыгар бу эбийиэк тутуллан үлэҕэ киириэҕэ диэн эрэлбит улахан”, – диэн улуустааҕы киин балыыһа кылаабынай бырааһа Анна Петрова иһитиннэрдэ.

✅ t.iss.one/murusahargata @ulusmedia

#улуускабүгүн

💢 “Түмэр эйгэ” форум улуус уопсастыбанньыктарын түмтэ

Бүгүн улуус уопсастыбынньыктарын ортолоругар "Түмэр эйгэ" форум Гражданскай актыыбынас күнүгэр ананан тэрилиннэ.

Манна икки секциянан арахсан кэпсэтии тэрилиннэ. Украинаҕа байыаннай дьайыыларга сылдьар дьоммутугар, кинилэр дьиэ кэргэттэригэр уопсатыбаннас хайдах көмөлөһүөҕүн туһунан бастакы секцияҕа уонна иккис секцияҕа дойдуга Педагог уонна Настаабынньык сыла биллэриллибитинэн, уһуйааччы билиҥҥи олоххо оруолун туһунан кэпсэтии таҕыста.

✍️ Мария Аргунова

✅ t.iss.one/murusahargata @ulusmedia

#улуускабүгүн

💢 Уопсастыбаннас күүһэ сүдү

"Түмэр эйгэ" форум Украинаҕа буола турар байыаннай дьайыылар кыттыылаахтарыгар уонна кинилэр дьиэ кэргэттэригэр кыһалҕалаах боппуруостарын быһаарарга, сүбэ-ама буоларга кэпсэтиһиини тэрийэр былаһааккатыгар үгүс киһи түмүстэ.

Манна байыаннай дьайыы кыттыылаахтара Вячеслав Кудрин, Иван Петров, Иван Самсонов, ийэлэр, аҕалар, уопсастыбаннай түмсүүлэр биир дойдулаахтарбыт туһугар бары күүһү уурар уопсастыбаннас олус туһалаах, санааны көтөҕөр кэпсэтиигэ кыттыстылар.

Дьокуускай куораттан быстах байыаннай дьайыы кыттыылаахтарын өйүүр "Якутия с тобой" түмсүү хос бэрэссэдээтэлэ Анна Ефимова, Арассыыйа Дьоруойун үрдүк аатыгар түһэриллибит Василий Данилов ийэ кынна Виктория Контоева ыалдьыттаатылар.

Анна Николаевна ыытыллар үлэ туһунан кэпсээтэ. Итиэннэ улуус олохтоохторугар байыастарбытыгар туһалаах малы-салы: наһыылканы, хаххаланар сиэккэни, повязканы хайдах тигэри, тигиллэр ирдэбилин көрдөрдө, сүбэ-ама буолла. Виктория Геннадьевна улуус бар дьонугар улахан махталын биллэрдэ. Уус алданнар түмсүүлээхтэрин сөҕөрүн билиннэ. Туруорсуу ортолоото, олус ыарахан суол эбит диэн аһаҕастык эттэ.

Ийэлэр ааттарыттан Дүпсүнтэн Агафья Сивцева тыл эттэ. Кини уола Иван Сивцев үтүө суобастаах сулууспатын билиһиннэрдэ. “Төһө да ийэ амарах санаата, уйан дууһата айманнар, олус күүстээхпит”, – диэн санаатын үллэһиннэ.

Үгүс этии, сүбэлэр киирдилэр, байыаннай дьайыы кыттыылаахтарыгар, дьиэ кэргэттэригэр уопсайа 500 киһиэхэ анал дастабырыанньа туттарыыта сотору кэминэн ыытыллара этилиннэ.

✍️ Ольга Шепелева

✅ t.iss.one/murusahargata @ulusmedia