#Үлэкиһитэ

💢 Үлэ киһини киэргэтэр: Анна Ушницкая үлэһит киһи үтүө холобура

Өрөспүүбүлүкэҕэ Үлэ сыла биллэриллибитин улуус олохтоохторо бары да үөрэ, астына, киэн тутта иһиттибит. "Үлэ киһини киэргэтэр" диэн өбүгэлэрбит мээнэҕэ эппэтэхтэрэ чахчы. Күүстээх хара үлэттэн толлубакка, илиитин араарбакка үлэлээн-хамсаан үгүс сыратын ууран туран, сэбиэскэй кэмҥэ сопхуос саҕана 17 сааһыттан ыанньыксытынан үлэлээбит Өнөр нэһилиэгин олохтооҕо, үлэ бэтэрээнэ, билигин бочуоттаах сынньалаҥҥа олорор мааны Далбар Хотун Анна Николаевна Ушницкая быйыл үбүлүөйдээх 65 сааһын томточчу туоларынан сырдатан ааһыахпын баҕардым.

✍️ Варвара Парникова – Үүйэ, уопсас. кэрэсп. Өнөр

☑️ Сиһилии: https://мюрюгазета.рф/article/94451

✅ t.iss.one/murusahargata @ulusmedia

#үлэкиһитэ

💢Сахалар – промышленноска: Василий Олесов – бастакылартан биирдэстэрэ

Дүпсүн нэһилиэгиттэн төрүттээх биир дойдулаахпыт Василий Олесов саха биир ньургун эр бэрдэ. Василий эдэр сааһыгар дьылҕатын ыйыытынан дойдутуттан тэлэһийэн, ыраах сытар Ленскэй улууһугар күтүөт буолуоҕуттан ыла бу дойду сирин-уотун сөбүлээн, дьонун-сэргэтин кытары бииргэ алтыһан, алаас уола промышленнай оройуоҥҥа олохсуйбута 20-тэн тахса сыл буолла.

Бу сылларга ньиэби транспортировкалыыр аан дойдуга биир улахан “Транснефть” Арассыыйатааҕы тэрилтэ Ленскэйдээҕи салаатыгар чэпчэкитэ суох вахта үлэтигэр сылдьан, саха уолаттара промышленноска үлэлиир суолларын тэлбит бастакылартан биирдэстэрэ буолар.

✍️ Екатерина Захарова

✅ t.iss.one/murusahargata @ulusmedia

Сиһилии саайтка
⏬️⏬️⏬️
https://мюрюгазета.рф/article/94960

#үлэкиһитэ

💬 Алексей Пестряков – дойдутун сураҕырдар үлэһит киһи💪

Ханнык да нэһилиэк тугунан эрэ сураҕырдар уратылаах буолааччы. Ол тэҥэ Курбуһах нэһилиэгэ кэлин сылларга күөлү туоруур муосталааҕынан биллэр буолла. Манна, нэһилиэк киин бөһүөлэгэр, Уус Күөлүгэр үс сыллааҕыта күөл уҥуор олорор түөлбэҕэ суххайдык тиийэргэ 200-тэн тахса миэтэрэ уһуннаах муоста тутуллан өрөспүүбүлүкэҕэ сураҕырбыта. Сахаларга былыр-былыргыттан улахан тутуулары баһылаан-көһүлээн эбэтэр, билиҥҥинэн эттэххэ, маастардаан туппут киһини умнубакка, уура сылдьан кэпсиир үгэстээхтэр. Алексей Пестряков күөлү туоруур муостаны маастардаан тутан, дойдутун сураҕырдар бэлиэ тутууну оҥорбута.

Алексей Пестряков билигин бирикээстээх үлэтэ ДьУоКХ хочуолунай оператора буолар. Ол эрээри дойдутугар тутааччы быһыытынан биллэн эрэр. Нэһилиэккэ улахан тутуу тутуллаары гыннар эрэ, “Алексей Васильевич, биригээдэҕин сүүмэрдээ” диэн буолар. Онон биир күн өрөөн олорбот киһи.

Кини тутууга дьоҕурдааҕа аҕатыттан бэриллибит диэххэ сөп. Баһылай Бэстирикиэп урут сопхуоска тутуу биригээдэтигэр үлэлэһэн, нэһилиэгэр тутуу бөҕөнү тутуспут киһи этэ, Алексей ол суолу батыһан аармыйаҕа ытык иэһин толорон кэлэн баран, Дьокуускайдааҕы 14 №-дээх ГПТУ-га болуотунньук идэтигэр үөрэнэ киирбитэ. Ону бүтэрэр дипломун ылар эксээмэнин дьиэ кырыыһатын стропилатын (атаҕын) оҥорон туйгуннук туттарбыт.

“Ити стропила миигин тутааччы быһыытынан олоҕум суолун оҥорбут эбит диэн саныыбын, ээ. Курбуһахха тутуллубут улахан таас тутуулар кырыыһаларын барытын туттум”, – диэн үөрэ-көтө кэпсиир.

✍️ Афанасий Сектяев

☑️ Сиһилии: https://мюрюгазета.рф/article/97194

✅ t.iss.one/murusahargata @ulusmedia

#Үлэкиһитэ

💪 Мелиоратор, теннисчит династия баһылыга

Мин кинини теннис күрэхтэһиилэригэр мэлдьи көрөөччүбүн. Ону тэҥэ хаһыат сирэйигэр теннис сонуннарын туһунан элбэхтик суруйбутун билэбин. Быһата, успуорт бу көрүҥэ улууска сайдарын туһугар элбэх сыратын биэрбит киһи. Ол эрээри, бүгүн сүрүннээн кини туох үлэһит буоларын туһунан кэпсиэхпин баҕарабын. Иван Румянцев дьон ортотугар көстүбэт, харахха быраҕыллыбат үлэлээх киһи буоларынан, бэйэм да туох идэлээх буоларын таайа сатыырым. Алтыспыт дьоммуттан истибиппинэн агроном дии саныырым. Ол эрээри, үлэлиир сирэ улуустааҕы мелиорация управлениета буоларынан, идэтигэр чугас буолан онно үлэлээн эрдэҕэ диэн быһаарарым. Ону улаханнык сыыспатахпын, Иван Васильевич иккис идэтэ агроном эбит. Оттон бастакы идэтин 1981 сыллаахха Омскайдааҕы тыа хаһаайыстыбатын институтун бүтэрэн, инженер-гидротехник идэтин баһылаабыт. Ити кэмтэн ыла төрөөбүт улууһуттан харыс сири халбарыйбакка, илиитин үлэттэн араарбакка түбүгүрэ сылдьар.

Үлэтин хайдах саҕалаабытын туһунан маннык ахтар: ”Үөрэхпин бүтэрэн кэлээппин кытары “Найахы” сопхуоска мелиораторынан анаатылар. Үлэм диэн аҥаардас быһыттары көрүү, нүөлсүтүүнү тэрийии эрэ буолбакка, сири кытта үлэ эмиэ сүктэрилиннэ. Инньэ гынан эбии агроном идэтигэр үөрэнним. Онон мелиоратор, ол быыһыгар 9 сыл кылаабынай агроном быһыытынан дойдубуттан, Найахыттан тэйбэккэ үлэлээбитим. Ол быыһыгар атын сиргэ да ыҥырыылар бааллара. Онно сөбүлэспэтэҕим. Кэргэним бэтэринээринэн ананан Уус Маайаҕа үлэлии баран хаалла. Оччолорго онно райком бастакы сэкирэтээринэн Артур Алексеев үлэлиирэ. Дьэ, кини миигин ыҥырда. Олорор усулуобуйанан толору хааччыйабыт диир. Мин хара ааныттан дойдубуттан тэйэр санаам суох буолан, ыҥырыыны ылымматым”.

✍️ Афанасий Сектяев

☑️ Сиһилии: https://мюрюгазета.рф/article/97705

✅ t.iss.one/murusahargata @ulusmedia

#үлэкиһитэ

💠 Биир ньирэйтэн тэнийбит хаһаайыстыба

Светлана, Иван Захаровтар орто саастаах дьон кэккэтигэр киирэллэр. Кинилэр олох эдэр саастарыттан ыал буолан дьиэ кэргэн олоҕун оҥостон иһэннэр, өбүгэ сиэринэн сүөһү ииттэргэ санаммыттар.

Светлана оччолорго сопхуоска ньирэй көрөөччүнэн үлэлээбитэ. Ыччат сүөһүнү төлөһүтүүгэ бастыҥ көрдөрүүтүн уонна сайылыкка тахсыыга ылбыт ньирэйдэрин биири да энчирэппэккэ кыстыкка киллэрбитин иһин ньирэйинэн бириэмийэлээбиттэр. Ити 1990 сыллаахха этэ. Оччолорго кинилэр 25-26 саастаах эдэр дьон этилэр. Дьэ, ол ньирэйи ылан баран, кэтэх сүөһүлэнэргэ сананан ынах буолуор диэри иитэн сүөһүлэрин төрдө оҥостубуттар.

Билигин Захаровтар 19 сүөһүлээх бигэ хаһаайыстыба тэринэн олороллор. Сыл аайы хас эмит туонна үүтү туттараннар дохуот аахсаллар. Күн бүгүн түөрт ынахтара төрөөбүт, бэһистэрэ бу күннэргэ төрүүрүн кэтэһэллэр. Светлана бэйэтэ осеменатор идэлээх буолан, ынахтарын боруодата тупсарыгар улахан болҕомтотун уурар эбит.

✍️ Афанасий Сектяев

☑️ https://мюрюгазета.рф/article/99811

✅ t.iss.one/murusahargata @ulusmedia

#үлэкиһитэ

💠 Оҕо, төрөппүт билиниитин ылбыт иитээччи Екатерина Васильева

Бээрийэ нэһилиэгин олохтооҕо Екатерина Васильева Эдьигээн оруйуонун Баахынай (Лииндэ) бөһүөлэгэр күн сирин көрбүтэ. 1993 c. Бүлүү куоратын Н.Г. Чернышевскай аатынан орто үөрэххэ иитээччи идэтигэр туттарсан киирбитэ. Талан ылбыт идэтин 1995 c. бүтэрэн, Уус Алдан улууһун Бээрийэ нэһилиэгэр үс сылга ананан, кэнчээри ыччаты сырдыкка-кэрэҕэ, саҥаҕа-сонуҥҥа, билиигэ-үөрэххэ сирдиир иитээччинэн үлэлээн саҕалаабыта.

✍️ Ольга Шепелева

Сиһилии саайтка ааҕыҥ
⏬️⏬️⏬️
https://мюрюгазета.рф/article/100061