#тускартуһан

Бу кэмҥэ ханнык үүнээйилэри рассаадалыыбыт?

Тохсунньу аам-даам тымныыта үгэннээн турар кэмигэр оҕуруоччуттар номнуо сайыҥҥы үүнээйилэрин рассаадалаан саҕалыыллар. Онон “тохсунньу уонна олунньу ыйдарга тугу рассаадалыахха сөбүй?” диэн Мүрү нэһилиэгэр «Сибэкки» маҕаһыын хаһаайкатыттан агроном идэлээх Юлия Охлопковаттан туоһуластыбыт.

Кини бэйэтин уопутуттан маннык үллэһиннэ:

– Тохсунньуга сибэккилэртэн эустоманы олордобун. Эустома – наһаа кэрэ сибэкки. Анал уотунан сырдатан рассаадалаатахха, олус үчүгэйдик үүнэр. Оҕуруот аһыттан – саадка үүнэр дьэдьэни (клубника садовая). Олунньуга – дьэдьэни бэйэтин рассаадалыыбын.

Эустоманы тохсунньу ортото ыстахха сөп, кини 4–4,5 ыйынан сибэккилиир, ону учуоттуохха наада. Оттон клубниканы былырыын тохсунньу 15-17 күннэригэр ыспытым.

Быйыл дьэдьэни олунньу 10-15 күннэрин диэки ыһан көрүөм. Былырыын тохсунньуга ыспытым эрдэ эбит дии санаабытым.

Сибэккилэр, сүрүннээн, кулун тутартан саҕалаан ыһыллаллар, оттон оҕуруот астара муус устартан.

@murusahargata

#тускартуһан

ХАПТАҔАС туһата

🌱Отонунааҕар сэбирдэҕэ өссө туһалаах диэн учуонайдар суруйаллар. С битэмиин хаптаҕас сэбирдэҕэр аһынааҕар элбэх эбит.
Олус элбэх пектиннаах, ол аата ис уорган үлэтигэр туһата баһаам.

💊Лимоннааҕар уонна апельсиннааҕар элбэх С битэмииннээх. Йод, калий, железо, А уонна Р битэмииннэр бааллар.

🩸Хааны убатар, сүһүрүүнү суох оҥорор, сүрэҕи, тымырдары аһатар. Киһини тиритиннэрэр буолан организмтан ордук уу тахсарын көҕүлүүр, ыалдьа сытар киһи кыраадыһын түһэрэр.

💪Ыарахан хара үлэҕэ уонна уустук өй үлэтигэр сылдьар дьоҥҥо туһалаах. Хаптаҕаска аллергиялыыр киһи олох  аҕыйах.

🤰🏼Саамай туһалыыр дьоно – хат сылдьар дьахталлар – ис иһигэр сылдьар кырачаан уҥуоҕа бөҕөргүүрүгэр туһалыыр.

🤧Тымныйыы, тумуу кэмигэр хаптаҕаһы ууга оргутан, аҥаардастыы сиэн ситиһиилээхтик эмтэниэххэ сөп. Ангинаҕа хаптаҕас уутунан сайҕаннахха күөмэй ириҥэтэ түргэнник хоҥнор.