💫Ахсынньы 17 күнэ

♈️Хой

Көһүппэтэх соругу толороргор тиийиэҕин. Бу күн күүһү-уоҕу эрэннэрэр эрээри, эйиигиттэн тулуурдаах буолууну иридиэн сөп.

♉️Оҕус

Эйигин таһаарыылаах күн күүтэр. Интэриэһинэй этиилэр киириэхтэрин сөп, ол эрээри этиилэри ылына охсорго тиэтэйимэ. Барытын үчүгэйдик толкуйдаа, ырытан көр.

♊️Игирэлэр

Бу күн сүрүн оруолу информация ылыаҕа. Сонуннары, дьон тугу кэпсэтэрин болҕомтоҕор ылан кэтээн көр. Эрэнэр да буоллаххына, бэрэбиэркэлээн көр.

♋️Рак

Эмоцияҥ оонньоон ылыаҕа. Этиһииттэн, мөккүөртэн туора туттунарыҥ ордук. Ол кэриэтэ бэйэҥ дьыалаҕынан дьарыктан.

♌️Хахай

Эн абылыыр туругуҥ болҕомтону тардыаҕа. Онон кэпсэтиини, презентацияны ыытарга табыгастаах күн.

♍️Кыыс

Бу күн биир кэм ааһыаҕа эрээри, бытархай түбүктэр долгутан ылыылара ханна барыай?! Сыыппараны кытта үлэлииргэр болҕомтолоох буол.

♎️Ыйааһын

Сыһыаны бөҕөргөтөргө табыгастаах кэм үүннэ. Үлэҕэ-хамнаска алтыһан үлэлэһэр киһи көстүөн сөп.

♏️Скорпион

Сэрэйэн, таайан билэр дьоҕуруҥ үрдээбит кэмэ. Ону суолталаах быһаарыныыны ылынаргар туһанартан куттаныма.

♐️Охчут

Эйиэхэ саҥа ааннар арыллыахтара. Хорсун уонна өрө көтөҕүллүүлээх санааҥ ситиһиигэ сирдиэҕэ.

♑️Чубуку

Эйигин биир кэм устар, ол эрээри таһаарыылаах күн күүтэр. Үп-харчы дьыалатыгар сэрэхтээх буолууҥ сыыһа-халты туттартан быыһыаҕа.

♒️Күрүлгэн

Иэйииҥ уһуктуо, элбэх идеялар киириэхтэрэ. Эн эриэккэс, чаҕылхай идеялары тобуларгын сөптөөхтүк сыаналыахтара.

♓️Балыктар

Бу күн бэйэҥ бэйэҕэр буолуоххун баҕарыаҥ. Толкуйдуурга уонна сынньанарга бэйэҕэр бириэмэтэ биэр.

✅ @uamurusahargata @ulusmedia

📆Ахсынньы 17 күнэ. Ханыы күн

🌬Бэҕэһээ да сытыы соҕус тыаллаах буолан биэрдэ. Тымныы буолан, кыра тыал киһи сирэйин "сырбатар" эбит. Сарсыарда дьыбардаах этэ эрээри, кыраадыс 40-тан түспэт этэ.

🌥Бүгүн сарсыарда 6 чааска Бороҕоҥҥо 46 кыраадыс тымныы буолбут. Күнүс 33-35 кыраадыс тымныы буолара күүтүллэр. Хотугулуу-илинтэн сөкүүндэҕэ 1 м түргэннээхтик үрэр тыаллаах дьайҕаран ылар былыттаах күн.

🌕Ыйбыт аҥаарын хайыы үйэ аастыбыт. Халлаан ыйа эмиэ кэлтэйдээн эрэр. Аны Саҥа дьыл күннэрин эрэ кэтэһэбит, онно хайдах күн-дьыл буолуой диэн таайа эрэ сатыыбыт.

✍️Афанасий Сектяев

📸Дария Ордахова. Мүрү

✅ @uamurusahargata @ulusmedia

📍 Уус Алдан улууһун оскуолаларыгар 1-5 кылаастарга актированнай күн. Салгын температурата -46.

✅ @uamurusahargata @ulusmedia

#бэлиэкүн

💎 Бүгүн Саха тыйаатырыгар ''Тыгын Дархан'' эрэстэрээн биллиилээх шеф-асчыта Иннокентий Тарбахов 80 сааһынан үөрүүлээх тэрээһин буолуоҕа. Үбүлээргэ бу күн кини аата иҥэриллибит 73,16 карааттаах алмаас куопуйатын туттарыахтара. Ону тэҥэ оҕо дьиэтигэр иитиллибит уол биллиилээх асчыт буола үүнүүтүн суолун кэпсиир ''Асчыт буолар дьылҕам'' диэн Георгий Никонов устубут документальнай киинэни көрдөрүөхтэрэ.
Иннокентий Иннокентьевич кэлиҥҥи түөрт сылга хамсык кэннэ ыарахан ыарыыны кытта охсуһар. Ол эрээри, бар дьонун кытта алтыһар тэрээһинтэн батыммата. Эҕэрдэни, наҕарааданы тутарга сөбүлэстэ.

👨‍🍳 Аатырбыт ''Индигирка'' салааты, ''Сандалы'' бэрэскини тэҥэ саха аныгы аһын арааһын айбыт асчыт 80 сааһын кулун тутар 8 күнүгэр туолбута. Иннокентий Тарбахов саха аһын аан дойдуга тарҕаппыт сүҥкэн үтүөлээх. Билигин хас ыал, аһыыр сир, аһылыктаах тэрээһин, быыстапка төрдүгэр ытыктыыр асчыппыт сүдү кылаата баар. Күндү киһибитигэр үтүө доруобуйаны баҕарыаҕыҥ!

✍ Уйаара КУСТУК

✅ @uamurusahargata @ulusmedia

#БороҕоннооҕуРЭСиһитиннэрэр

⚡️Майатааҕы РЭС 6 кВ күүрүүлээх Л-Соттинцы уот ситимигэр мууһу, хаары ыраастыыр үлэни оҥорорунан, ахсынньы 19 күнүгэр күнүс 12.00 чааска уонна 16.00 чааска Суоттуга уонна Хоноҕорго 20-лии мүнүүтэлээх быстах араарыылар буолуохтара.

⚡️Эмиэ ити күн 10 кВ күүрүүлээх Л-Уһун Күөл уот ситимгэр Р-60 учаастактан Уһун Күөл бөһүөлэгэр диэри мууһу, хаары ыраастыыр үлэ ыытылларынан, күнүс 12.00 чаастан 16.00 чааска диэри Уһун Күөлгэ уот арахсыаҕа. Онуоха 20-лии мүнүүтэлээх быстах араарыылар 12.00 чааска уонна 16.00 чааска Кэптэни сорох өттүгэр буолуохтара.

⚡️ Итинник үлэ ити күн Кэптэни – Дүпсүн хайысхаҕа 35 кВ күүрүүлээх Л-61Д уот ситимигэр эмиэ оҥоһулларынан, 11.00 чаастан 14.00 чааска диэри Дүпсүҥҥэ, Бээдигэ, Чэриктэйгэ, Остуойкаҕа, Эһэлээххэ, Тулунаҕа, Балыктаахха, Дыгдаалга уоту араарыахтара.

⚡️Ахсынньы 23 күнүгэр 10 кВ күүрүүлээх Л-Чэриктэй уот ситимигэр Р-88 учаастактан саҕалаан мууһу, хаары ыраастыыр үлэ былааннаммытынан, сарсыарда 10.00-тан киэһэ 16.00 чааска диэри Чэриктэйгэ уот арахсыаҕа. Онуоха 20-лии мүнүүтэлээх быстах араарыылары 10.00 уонна 16.00 чааска Дүпсүн сорох өттүгэр оҥоруохтара.

⚡️Ити күн 10 кВ күүрүүлээх Л-Биэттэ уот ситимигэр эмиэ итинник үлэ оҥоһулларынан, сарсыарда 10.00-тан киэһэ 16.00 чааска диэри Даалыга, Элэһиҥҥэ, Биэттэҕэ, Кэптэнигэ Чагдаҕа уонна Нагорнай уул. уот арахсыаҕа.

✅@uamurusahargata @ulusmedia