🍏🍓🍌🍉🌶️🥒🍅🥬
Бороҕоҥҥо оҕуруот аһын, фруктаны атыылыыр анал маҕаһыын арылынна👏👍

Урбаанньыт Сардаана Портнягина Лонгинов аатынан уулусса 36 аадырыһыгар турар "555" маҕаһыынын аттыгар оҕуруот аһын уонна фруктаны атыылыыр саҥа маҕаһыыны арыйда.

Онон атыы-эргиэн коллектива улууспут олохтоохторун сибиэһэй ас эгэлгэтин атыылаһа ыалдьыттыыргытыгар ыҥырар👍✊

📸Вадим Сивцев

✅@uamurusahargata @ulusmedia

👍 Ахсынньы 14 күнүгэр Өнөр нэһилиэгэр “Тускул” сынньалаҥ киинэ тэриллибитэ үйэ аҥаардаах үбүлүөйүн бэлиэтиир дьоро киэһэ буолан ааста.

50 сыл диэн эттэххэ дөбөҥ. Эһэлээх бөһүөлэгэр 1974 сыл олунньу 9 күнүгэр 200 миэстэлээх тыа сирин култууратын дьиэтин арыллыыта үрдүк үөрүү доҕуһуолламмыта. Саҥа дьиэни үлэҕэ киллэрии үөрүүлээх чааһыгар холкуос бэрэссэдээтэлин тутууга солбуйааччы Афанасий Иванов саалаҕа киирээри туран мустубут дьону эҕэрдэлээн баран, бэлиэ күлүүһү култуура дьиэтин дириэктэригэр, биир дойдулаахпыт Фаина Ширяеваҕа (Васильева) туттарбыта. Үөрүүлээх миитини Өнөр нэһилиэгин Сэбиэтин исполкомун бэрэссэдээтэлэ Николай Литвинцев арыйбыта.

Сиһилии Варвара Парникова-Үүйэ, уопсас. кэрэсп.
👇
БАТТАА↩️

✅ @uamurusahargata @ulusmedia

👏🤩Биир дойдулаахпыт, СВО кыттыылааҕа Юрий Калининскай "Хорсунун иһин" мэтээлинэн наҕараадаланна.

Юрий бүгүн наҕараадатын Дьокуускай куоракка тутта. Улуус улуус баһылыгын солбуйааччы Анатолий Алексеев улууспут олохтоохторун ааттарыттан махтанан туран, байыастарга харысхал быһыытынан билиниллибит саха быһаҕын туттарда.

Биир дойдулаахпыт мобилизацияҕа түбэһэн, биир бастакынан Ийэ дойдутун көмүскүү барбыта. Бааһыран эмтэниини ааспыта уонна билигин дойдутугар төннөн ДьУоКХ тэрилтэтигэр үлэлии-хамсыы сылдьар👍

✍️Ольга Шепелева

✅@uamurusahargata @ulusmedia