Хаһыакка сурутуу хампаанньатыгар бүгүн “Мүрүчээнэ” детсад үлэһиттэрэ көхтөөхтүк кытыннылар 👍

Редакцияттан ылыыга 2025 сылга толору сурутуу суумата – 1452 солкуобайга тэҥнэһэр, сыл аҥаарыгар сурутуу – 726 солк.
Оттон почтанан сурутуу сыла – 1607,97 солк., сыл аҥаарыгар – 797,40 солк.

Дьиэттэн тахсыбакка эрэ бу сигэнэн киирэн сурутуохха эмиэ сөп: https://podpiska.pochta.ru/press/%D0%9F%D0%9E057

Санаттахха, ахсынньы 20 күнүгэр диэри хаһыакка суруппуттар, сүүйүүлээх оонньууга кыттыахтара.

✅ @uamurusahargata @ulusmedia

#биирдойдулаахтарбыт

💎 Саха Өрөспүүбүлүкэтин Бриллиант цирката быйыл тэриллибитэ 3⃣0⃣ сылын туолла.

🤸‍♀️ Цирка аренатын үрдүк куупалын анныгар саха уолаттара уустук трюктары оҥороллор, синньигэс быа устун элэҥнэччи сүүрэллэр. Кинилэр ортолоругар Уус Алдан ыччаттара баалларын санаатахха, ытыскын өссө күүскэ таһыныаххын баҕараҕын, түөскүн киэн туттуу санаата тилэри киэптиир.

🤸‍♀️ Пекиннээҕи ускуустуба колледжын бүтэрэн, төрөөбүт Сахаларын сирин циркатыгар ситиһиилээхтик үлэлии-хамсыы сылдьар Владислав Сокорутовы, Семен Афанасьевы уонна Илья Андреевы кытта кэпсэтиини бу сигэнэн киирэн аах
https://мюрюгазета.рф/saha-czirkatygar-uus-aldan-uolattara/

✅ @uamurusahargata @ulusmedia

💫Ахсынньы 17 күнэ

♈️Хой

Көһүппэтэх соругу толороргор тиийиэҕин. Бу күн күүһү-уоҕу эрэннэрэр эрээри, эйиигиттэн тулуурдаах буолууну иридиэн сөп.

♉️Оҕус

Эйигин таһаарыылаах күн күүтэр. Интэриэһинэй этиилэр киириэхтэрин сөп, ол эрээри этиилэри ылына охсорго тиэтэйимэ. Барытын үчүгэйдик толкуйдаа, ырытан көр.

♊️Игирэлэр

Бу күн сүрүн оруолу информация ылыаҕа. Сонуннары, дьон тугу кэпсэтэрин болҕомтоҕор ылан кэтээн көр. Эрэнэр да буоллаххына, бэрэбиэркэлээн көр.

♋️Рак

Эмоцияҥ оонньоон ылыаҕа. Этиһииттэн, мөккүөртэн туора туттунарыҥ ордук. Ол кэриэтэ бэйэҥ дьыалаҕынан дьарыктан.

♌️Хахай

Эн абылыыр туругуҥ болҕомтону тардыаҕа. Онон кэпсэтиини, презентацияны ыытарга табыгастаах күн.

♍️Кыыс

Бу күн биир кэм ааһыаҕа эрээри, бытархай түбүктэр долгутан ылыылара ханна барыай?! Сыыппараны кытта үлэлииргэр болҕомтолоох буол.

♎️Ыйааһын

Сыһыаны бөҕөргөтөргө табыгастаах кэм үүннэ. Үлэҕэ-хамнаска алтыһан үлэлэһэр киһи көстүөн сөп.

♏️Скорпион

Сэрэйэн, таайан билэр дьоҕуруҥ үрдээбит кэмэ. Ону суолталаах быһаарыныыны ылынаргар туһанартан куттаныма.

♐️Охчут

Эйиэхэ саҥа ааннар арыллыахтара. Хорсун уонна өрө көтөҕүллүүлээх санааҥ ситиһиигэ сирдиэҕэ.

♑️Чубуку

Эйигин биир кэм устар, ол эрээри таһаарыылаах күн күүтэр. Үп-харчы дьыалатыгар сэрэхтээх буолууҥ сыыһа-халты туттартан быыһыаҕа.

♒️Күрүлгэн

Иэйииҥ уһуктуо, элбэх идеялар киириэхтэрэ. Эн эриэккэс, чаҕылхай идеялары тобуларгын сөптөөхтүк сыаналыахтара.

♓️Балыктар

Бу күн бэйэҥ бэйэҕэр буолуоххун баҕарыаҥ. Толкуйдуурга уонна сынньанарга бэйэҕэр бириэмэтэ биэр.

✅ @uamurusahargata @ulusmedia

📆Ахсынньы 17 күнэ. Ханыы күн

🌬Бэҕэһээ да сытыы соҕус тыаллаах буолан биэрдэ. Тымныы буолан, кыра тыал киһи сирэйин "сырбатар" эбит. Сарсыарда дьыбардаах этэ эрээри, кыраадыс 40-тан түспэт этэ.

🌥Бүгүн сарсыарда 6 чааска Бороҕоҥҥо 46 кыраадыс тымныы буолбут. Күнүс 33-35 кыраадыс тымныы буолара күүтүллэр. Хотугулуу-илинтэн сөкүүндэҕэ 1 м түргэннээхтик үрэр тыаллаах дьайҕаран ылар былыттаах күн.

🌕Ыйбыт аҥаарын хайыы үйэ аастыбыт. Халлаан ыйа эмиэ кэлтэйдээн эрэр. Аны Саҥа дьыл күннэрин эрэ кэтэһэбит, онно хайдах күн-дьыл буолуой диэн таайа эрэ сатыыбыт.

✍️Афанасий Сектяев

📸Дария Ордахова. Мүрү

✅ @uamurusahargata @ulusmedia

📍 Уус Алдан улууһун оскуолаларыгар 1-5 кылаастарга актированнай күн. Салгын температурата -46.

✅ @uamurusahargata @ulusmedia