✊Үтүө түүллэри😍👍

Күүстэ, сэниэтэ ылыҥ, минньигэстик утуйуҥ✊сарсын эмиэ - үлэ күнэ.

@uamurusahargata @ulusmedia

👏 Бэҕэһээ киһи күлүгү былдьаһар сылаас күнэ буолла. Арай киэһэнэн хойуу буруо кэлэн соһутта. Хайа дойду баһаарын буруота кэллэҕэ буолла.

😁 Бүгүн сарсыарда 6 чааска Бороҕоҥҥо 12 кыраадыс сылаас буолбут. Күнүс 21-23 кыраадыс сылаас буолара күүтүллэр. Хотугулуу арҕааттан сөкүүндэҕэ 2 м түргэннээхтик үрэр тыаллаах дьайҕаран ылар былыттаах күн.

🌱🌱🌱 Оттуурга анаабыт курдук күннэри баттаһа отчуттар күүскэ туруннулар. Үүнүү былырыыҥҥыга тиийбэтэр да, бары кэриэтэ сыл тахсар оппутун буллубут дэһэллэр. Ол аата үчүгэй, быйаҥнаах сайын ааһан эрдэҕэ.

✍️ Афанасий Сектяев.

📸 Туйаара Ушницкая, Түүлээх.

✅ @uamurusahargata @ulusmedia

🌱Атырдьах ыйын 23 күнэ

♈️ Хой

Дьиэҥ-уотуҥ эн сылаас илиигэр наадыйбыт. Онон аҕыйах чааһы анаан, хомун, суун-тараан, бэрээдэктэн. Итиэннэ уруккуттан өйдөспөт түгэҥҥин көннөрөргө тоҕоостоох күн, эйэлэһиҥ уонна хом санааҕытын тохтотуҥ.

♉️ Оҕус

Бу күҥҥэ дьиэҕиттэн тахсан аралдьыйарыҥ ордук. Сынньалаҥ киэһэлэригэр эбэтэр пикникка сырыт. Общественнай сиргэ сылдьаҥҥын билбэт дьоҥҥун кытта өйдөспөт буолууттан туттун. Көрсүө-сэмэй да көрүҥнээх киһи кутталлаах.

♓️ Игирэлэр

Үтүө күн. Туруоруммут сыалгын ситиһэргэр кыра моһоллор олох мэһэдээбэттэр. Дьыалаҕар эрэ ситиһиилээх буолбакка, дьону кытта кэпсэтэҥҥин эмиэ үгүс үчүгэй эмоцияны ылыаҥ.

♋️ Рак

Бу күн кэпсэтиигэр-ипсэтиигэр ыарахаттары көрсүөҥ. Ол иһин дьону кытта алтыһыыттан туора сырыт. Ханна эрэ айанныыр, сиргин-уоккун уларытар түгэн көһүннэҕинэ аккаастаныма – туһалаах буолуоҕа.

♌️ Хахай

Эйиэхэ киллэрэр барыстаах этиилэрэ олус интэриэһинэй буолуоҕа. Ол эрээри төһө да саҥа идея киирдэр, бүүс-бүтүннүү онно умса түһүмэ. Бастаан барытын ырыҥалаан көр. Күн иккис аҥаарыгар үтүө соһуччу түгэн буолуо.

♍️ Кыыс 

Үлэҕэр настройкаланарыҥ ыарахаттардаах. Дьыалабыай боппуруостары атын күҥҥэ көһөрөр ордук. Бу күнүҥ айар үлэнэн дьарыктанаргар, сынньанаргар уонна аралдьыйаргар тоҕоостоох буолбут.

♎️ Ыйааһын  

Инвестициялыырга, уһун болдьохтоох уурунууну арыйарга сөптөөх күн. Дьиэ кэргэниҥ иһигэр кэргэҥҥин, төрөппүттэргин эбэтэр оҕолоргун кытта өйдөспөт буолуу үөскүөн сөп.

♏️ Скорпион  

Олоҕун эн баҕарбытыҥ курдук барбат. Онуоха биричиинэтин бэйэҕэр, өйгөр-санааҕар, тугу оҥороргор көрдөө. Суолталаах дьыаланы күн иккис аҥаарыгар оҥорор ордук.

♐️ Охчут

Эн тылыҥ-өһүҥ олус баай, сытыы, оҥорор дьыалаҥ табыллар. Ону ким эрэ кыһалҕатын быһаарарыгар эйигин туһаныан баҕарар. Онно олох бэринимэ. Эйигин буруйдаах оҥорон таһаарыа.

♑️ Чубуку

Эйигин тус кыһалҕаларынан аралдьытааччы барыта тыытыаҕа, ньиэрбэҕин тыытыахтара. Онуоха түргэнник куотун, истибиккин, көрбүккүн барытын өйгүттэн быраҕа сатаа.

♒️ Күрүлгэн

Сулустар айдааннаах-куйдааннаах киһини кытта көрсүһүүнү түстүүллэр. Кинини сэргээмэ. Кыһаллыбаккын көрдөҕүнэ түргэнник арахсыа.

♊️ Балыктар

Өйгөр ханнык эрэ идеяны иитиэхтээн сылдьар буоллаххына, ол санааҕын үллэстэр кэмин кэлбит. Эн толкуйдаргын үөрүүнү кытта ылыныахтара. Гардеробкун саҥардаргар, миэбэл уонна бэлэх-туһах атыылаһаргар тоҕоостоох күн.

@uamurusahargata @ulusmedia

✔️Улууска оттооһун былаана 88,45 % туолла👍

Быйылгы сайыммыт оттуурга бэртээхэй күннэри бэлэхтээтэ. Ходуһа хоһууннарыгар мэһэйдиир уһун ардахтар суохтар. От үүнүүтэ нэһилиэктэринэн араастаах. Онон орто үүнүүлээх сайын ааһан эрэр диэн буолар. Ол да буоллар, хаһаа­йыстыбалар, сүөһүлээх ыаллар окко хоннохтоохтук үлэлээбиттэрин түмүгэр атырдьах ыйын 21 күнүнээҕи туругунан, улууска тиэрдиллибит от былаана 88,45 % туолла. Ол аата оттонуохтаах 30,000 тн оттон 26537 тн күрүөлэннэ.

Сиһилии ✌️ https://мюрюгазета.рф/kuraany-battaha-honnohtooh-ottoohun-buolla/

#Аҕасыла

Үлэ салҕанар аналлаах💪

Ааспыт нэдиэлэтээҕи нэһилиэктэргэ сырыыбар урукку сопхуос кэминээҕи күрээннээх үлэнэн чиэстэммит бастыҥ дьоннуун көрсүбүтүм. Ол кэмнэргэ кырдьык хара үлэһит сүөсүһүт, сылгыһыт, механизатор сыаналанар этилэр. Дойдуга бэриниилээх буолууга иитии күүскэ барара. Онон оскуоланы бүтэрэр оҕолор аҥаардара төрөөбүт дойдуларыгар айа-тута хаалаллара. Билигин хайыы-үйэ Бээди бөһүөлэгин кырдьаҕаһа дэнэр 71 саастаах Виктор Петрович Алексеев ол кэмнээҕи ыччат суолун батыспыттартан биирдэстэрэ буолар. Оскуола кэнниттэн ханна да, харыс да сири халбарыйбакка төрөөбүт нэһилиэгэр Дүпсүҥҥэ сопхуоска
үлэлии хаалбыта.

Оччолорго "Октябрь" хол­куос "Дүпсүн" диэн улахан сопхуоска кубулуйан үлэ-хамнас өссө кэҥээн, өссө күүрээннэнэн испитэ. Аны саҥа тиэхиньикэлэр кэлитэлээн барбыттара. Онно идэ­лээх киһи тиийбэккэ тиэхиньикэҕэ сыс­таҕас буолуон сөп диэбит ыччаттарын тыраахтардарга олордон барбыттара. Эдэркээн Бииктэр уол ол талыыга түбэһэн, биир үтүө күн тырахтарыыс буолан хаалбыта. Ол күнтэн ыла үлэттэн тохтуор диэри илии­тин тыраахтар уруулуттан араар­батаҕа. Бастакы олорбут тыраахтара "МТЗ-50" диэн этэ.

Тиэхиньикэ төһө да күүс­тээ­ҕин иһин, бу тыраахтар илин көлүөһэтэ эрийбэт буолан, баҕарар үлэҥ кээмэйин толорор кыа­ҕа суоҕа. Онно Виктор бэрт албаһы булбут. Тиһиликтээх тыраахтар быраҕыллыбыт тиһилигин бэйэтин "Беларуһун" кэлин көлүөһэтигэр тас өттүгэр олордон туохтан да иҥнибэт оҥорбут.
Кини үлэтэ диэн мас кэрдээччи эбит. Ол туһунан маннык ах­­­тар: "Мин мас кэрдээччи тырахтарыыс дэнэрим. Ол аата хочуо­лунайдарга оттук мас таһарым. Онон атын тырахтарыыстары кытары куоталаһыыга киллэрбэт­тэр этэ, килэмиэтирин кээмэйэ атын диэн. Наар тыаҕа сылдьарым. Оччолорго билиҥҥи курдук "Дружба" диэн эрбии олох суоҕа. Ол иһин маспытын сүгэнэн охторорбут. Дьэ, ыара­хан үлэ этэ да, эдэр буоламмыт кыһаммат этибит. Тоҥуу хаары кэһэ сылдьан мас кэрдэрбит. Онно көмөлөһөөччү диэн суох, барытын бэйэҥ оҥороҕун. Кэлин албаһын сатаан күҥҥэ 40-чаҕа тиийэ маһы охторорум. Наар үлэҕэ тиэтэйэ сылдьар, күн былдьаһыга буо­лан бэйэбит туспутугар кыһаллыбат да этибит", – диэн урукку үлэ­лээбит кэмин астына ахтар.
Сопхуостар кыаҕыран, олох сай­дан истэҕин аайы саҥаттан-­саҥа үчүгэй, күүстээх тиэхиньи­кэ­лэр кэлэн испиттэрэ. Ону кыт­та Виктор эмиэ сайдан хан­нык да күүстээх тиэхиньикэни "муоһалыырга" бэлэм буобута. Ол иһин сопхуоска кэлбит биир бастакы "Т-150" диэн улахан кө­лүөһэлээх, модун күүстээх тыраахтары киниэхэ эрэнэн туттарбыттара. Бу тыраахтар айана түргэнин, ыраах айаҥҥа олус табыгастааҕын, сынньалаҥын иһин тырахтарыыстар "Волга" массыынаҕа холууллар эбит. Виктор бу тыраахтарынан уотур­ба, чох, ыраах улуустартан от та­һыытыгар сылдьыбыт.
Виктор Петрович олоҕун аргыһынаан, эмиэ сопхуоска өр сылларга ыанньыксыттаабыт Мария Сергеевналыын түөрт оҕолоохтор. Кыргыттар үөрэхтэрин бүтэрэн идэлэринэн үлэлии сылдьаллар. Онтон уолаттарын Виктор кыраларыттан батыһыннара сылдьан тиэхиньикэҕэ сыһыаран, эмиэ бэйэтин курдук механизатор идэтин баһылаабыттар. Виктор онтон сүрдээҕин астынарын билэрэр: "Уолаттарбын кыраларыттан үлэҕэ үөрэтэммин, олох тутула уларыйан барбытыгар ханнык баҕарар үлэни сатыырга бэлэмнээх этилэр. Биир уолум кыра кылааска үөрэнэ сылдьан соҕотоҕун алааска тыраахтарынан от мустара сылдьарын биригэдьиир көрөн соһуйбуттаах. Билигин бэйэлэрэ туһунан ыаллар, иккиэн тыраахтардаахтар. Онон бөһүөлэккэ от-мас тиэйиитигэр тутаах дьон буоллулар".
Кырдьык, аҕалара үлэҕэ уһуйан Валерий, Виктор Алексеевтар билигин сүөһү, сылгы ииттэн Бээди бөһүөлэгин биир сэниэ ыаллара буолбуттар. От үлэтэ буоллар эрэ бэйэлэрин сирдэрин бүтэрэ охсон, дьоҥҥо көмөлөһөннөр, үгүс махталы ылаллар. Бу буоллаҕа аҕа үтүө холобура, тыа сирин байылыат олоҕун кэскиллээччилэри иитии үгэһэ. Маннык дьон баалларын тухары тыа сирэ үүнэ-чэчирии туруо, инникигэ эрэллээх буолуо.

✅ @uamurusahargata @ulusmedia

🗳 Якутия готовится к проведению выборов 8 сентября

🇷🇺✍🏻 В преддверии выборов в Якутске состоялось подписание соглашения о сотрудничестве и взаимодействии между Общественной палатой Якутии, Центральной избирательной комиссией РС(Я), Федерацией профсоюзов и молодежным парламентом республики.

Соглашение подписано с целью обеспечения наблюдения за проведением голосования на выборах 8 сентября.