#бырабыыталыстыбаотчуота

☑️ СӨ Бырабыыталыстыбатын отчуота саҕаланна

Саха Өрөспүүбүлүкэтин Бырабыыталыстыбатын отчуота Уус Алдаҥҥа үс хайысханан бүгүн саҕаланна.

Бырабыыталыстыба бэрэссэдээтэлин солбуйааччы Сергей Местников салайар бөлөҕө бүгүн Баатаҕай нэһилиэгиттэн отчуоту туруорууну саҕалаата. Өрөспүүбүлүкэ ситэриилээх былааһын бэрэстэбиитэллэрин бастакы бөлөҕүн Уус Алдан улууһун баһылыга Василий Аммосов арыаллыыр. Бу бөлөх салгыы Уһун Күөлгэ уонна Кэптэнигэ үлэлиэҕэ.

СӨ ыччат дьыалаларыгар уонна социальнай коммуникацияларга миниистирин солбуйааччы Надежда Мохначевская салайааччылаах иккис бөлөх Суоттуга, Тумулга уонна Тулунаҕа үлэлиир. Бу бөлөҕү улуустан баһылык бастакы солбуйааччыта Илья Артамонов арыаллыыр.

СӨ экономика миниистирин бастакы солбуйааччы Мария Аргунова салайааччылаах бөлөх Бэйдиҥэ, Сыырдаах, Уус Күөлэ бөһүөлэктэргэ отчуоту туруорар. Үһүс бөлөҕү улуустан баһылык солбуйааччыта Анатолий Сторожев арыаллыыр.

мюрюгазета.рф👈

✅ @uamurusahargata @ulusmedia

👏 Дүпсүн нэһилиэгэр 2024 сыл – Эр хоһуун сыла. Бүгүн Дүпсүн биир эдэр эр хоһуунун билиһиннэрэбин. Кини – П.П. Романов аатынан художественнай училищены бүтэрбит Дүпсүн талааннаах ыччата Николай Ушницкай.

Коля сүрүннээн ювелирнай оҥоһуктарынан дьарыктанар. Устудьуоннуу сылдьыаҕыттан араас элбэх куонкурустарга, быыстапкаларга кыттан, өрүү үлэтэ үчүгэйинэн бэлиэтэнэн бириистээх миэстэлэри ылаааччы.

Бу күннэргэ Санкт-Петербург куоракка ыытыллыбыт JUNWEX норуоттар икки ардыларынааҕы ювелирдар форумнарыгар Коля уонна Мария Власова, Айаал Никитин буоланнар үөрэммит, талааннарын сайыннарбыт училищеларын аатыттан кытыннылар. Кинилэр "Мамонтёнок", "Птичка" уонна " Тамара Ивановна" үлэлэринэн кыайыылаах үрдүк аатын сүктүлэр.

Коля доҕорунаан Баатаҕай уолун Айаал Никитини кытта өбүгэ үгэстэрин тутуһан алтанынан сахалыы симэхтэри оҥорон, чочуйан дьон биһирэбилин ылаллар. Уолаттар аҥардас ювелирнай эрэ үлэнэн дьарыктамматтар. Ол курдук сыл аайы муус оҥоһуктар күрэхтэригэр кыттан, ып-ыраас муустан көрүөхтэн кэрэ дьүһүйүүлэри айалларын сөҕө эрэ көрүөххэ сөп.

Эдэр кэскиллээх, талааннаах улууспут уус уолаттарын иннилэригэр ыраас, киэҥ суол арылыннын, айар талааннара, дьоҕурдара сайдан - тупсан истин!

✍ Пелагея Соловьёва

✅ @uamurusahargata @ulusmedia

🎖 Герой Стрекаловскай сиэн кыыһа эһэтин мэтириэтин быысабайдаан Өнөр оскуолатыгар бэлэхтээтэ

1944 сыл балаҕан ыйын 5 күнүгэр Нарев өрүһү туорааһыҥҥа хорсун быһыыны көрдөрбүт Аҕа дойду Улуу сэриитин кыттыылааҕа, Россия Федерациятын Дьоруойун үрдүк аата өлбүтүн кэннэ 1996 сыл кулун тутар 27 күнүгэр Саха сириттэн бастакынан иҥэриллибит Михаил Стрекаловскай төрөөбүтэ 110 сыла олунньу 4 күнүгэр туолла. Бу бэлиэ даатаны көрсө кини сиэн кыыһа Елена Гоголева эһэтин мэтириэтин быысабайдаан оҥорон Өнөр орто оскуолатыгар бэлэхтээтэ.

Олунньу 3 күнүгэр М.М. Стрекаловскай аатынан Өнөр орто оскуолатыгар Дьоруой кыргыттара Екатерина Михайловна, Любовь Михайловна уонна сиэн кыыһа Елена Иннокентьевна оскуола үөрэнээччилэригэр анал уруоктары ыыттылар. Бэлиэ түгэнинэн 95*70 см кээмэйдээх, арааматынаан 1 м*75 см мэтириэти оскуолаҕа үөрпүүлээх быһыыга-майгыга бэлэхтээтилэр.

Елена Иннокентьевна эһэтин мэтириэтин Улуу Кыайыы 75 сылын көрсө 2020 сыллаахха бүтэрбитэ. Сайын Өнөр ыһыаҕар туттарар былааннааҕа хамсыгынан кыаллыбатаҕа. Онтон дьэ бу быйыл Дьоруой төрөөбүтэ 110 сылын көрсө үөрэммит Өнөр оскуолатыгар үлэтин бэлэхтээтэ.

Эһэтин мэтириэтин Елена сыл курдук оҥорбут. Барыта 34 араас өҥнөөх сабы туттубут. Киһи сөҕөр үчүгэй үлэтэ буолбут. 32 сыл пед. ыстаастаах учуутал, дьиэ кэргэн тапталлаах ийэтэ, эбэтэ Елена Гоголева айар дьоҕура, талаана сайдан бар дьонун саҥа үлэлэринэн үөрдүө турдаҕа.

✍️ Елена Сыроватская, уопсас. кэрэсп.

Сиһилии👇
мюрюгазета.рф

✅ @uamurusahargata @ulusmedia

👍 Бээрийэҕэ бөрөлөрү бултаһарга эдэр бөрөһүт Петр Охлопков бэйэтин баҕатынан көмөлөһө сылдьар

Бээрийэ нэһилиэгэр бөрө үөрэ дэриэбинэ чугаһынан киирбиттэрин, түүнүн дэриэбинэ таһыгар улуйалларын истэн олохтоохтор дьаарханалларын туһунан уонна Бээрийэ олохтооҕо Семен Васильев биэс бөрөнү бултаата диэн телеграм ханаалбытыгар таһааран турабыт. Ол эрээри, кэлин биллибитинэн, булчуттарбыт иккиэлэр эбит. Бу киһи эрэ ылсыбат, хорсун быһыыны оҥоро сылдьар дьоммутуттан биирдэстэрэ ис санаатыттан Таатта улууһуттан кэлэн көмөлөһө сылдьарын туһунан кэпсиим.

Биир дойдулаахпыт Петр Охлопков 1984 сыллаахха Суотту нэһилиэгэр төрөөбүт, онно улааппыт. Билигин күтүөт буолбут сиригэр Таатта улууһун Уолбатыгар олорор. Чааһынай бэкээринэлээх, маҕаһыыннаах урбаанньыт. Кини Бээрийэҕэ туох баар бултуур тэрилин, тиэхиньикэтин илдьэ кэлэн бөрөлөрү бултаһа сылдьар. Үлэлээх киһи Тааттаҕа бара-кэлэ сылдьар, өрөбүллэригэр бултуу Бээрийэлиир.

Саҥа саҕалааччы бөрөһүт булчут Петр Охлопков улууспутугар үөскээбит кыһалҕаны туоратыыга хайдах ылсыбытын туһунан кэпсээтэ
👇
мюрюгазета.рф

✅ @uamurusahargata @ulusmedia