#үөрэхтээһин

👨‍🏫 Үлэ сылыгар анаммыт олимпиадаҕа 400-тэн тахса оҕо кытынна

📝 В.В. Алексеев аатынан Мүрүтээҕи уолаттар гимназияларын “Политех” кафедратын көҕүлээһининэн, өрөспүүбүлүкэтээҕи дистанционнай V-с метапредметнай олимпиада түмүктэннэ. Сыллата олимпиадаҕа кыттааччы ахсаана үксүүрэ – тэрийээччи ситиһиитэ. Ол курдук быйыл Дьокуускай, Москуба куораттартан уонна 10 улуустан уопсайа 35 үөрэх тэрилтэтиттэн 5-10 кылаастарга диэри саастаах 427 үөрэнээччи кытынна.

Өрөспүүбүлүкэҕэ биллэриллибит Үлэ сылыгар анаммыт тургутууга оҕолор математика, физика, информатика, черчение, технология, астрономия предметтэрин сорудахтарын уонна саахымат холобурдарын оҥордулар. Маны тэҥэ сорудахтары толоро олорон, Уус Алдан улууһун дьоруойдарын туһунан биллилэр.

Хас да предмет холбоһуктаах олимпиада СГУ математикаҕа факультетын төрүттээччитин, Саха АССР үтүөлээх учууталын, РСФС норуотун үөрэхтээһинин туйгунун, үрдүкү оскуола туйгунун, РФ үрдүк үөрэхтээһинин Бочуоттаах үлэһитин, бойобуой уордьаннар уонна мэтээллэр кавалердарын, сэрии, тыыл бэтэрээнин Василий Васильевич Алексеев кэриэһигэр ыытыллар.

Гимназия кэлэктиибэ маннык үтүө киһи аатын сүгэр Мүрүтээҕи уолаттар гимназияларыгар үлэлииллэринэн киэн тутталлар. Олимпиадаҕа кыттыбыт уонна кыайыылаах аатын сүкпүт үөрэнээччилэри эҕэрдэлииллэр, махталларын биллэрэллэр.

✍️ Ольга Шепелева

Вконтакте страницаҕа: https://clck.ru/33MhoK

#үөрэхтээһин

❇️ Уус Алданнааҕы техникум устудьуоннара дефектоскопист идэтин баһылыахтара

Өлүөнэтээҕи өрүс пароходствотын түмсүүтүн (ЛОРП) уонна Уус Алданнааҕы техникум салалталарын бииргэ үлэлэһиигэ түһэрсибит дуогабардарын чэрчитинэн ыытыллар үтүө тэрээһиннэр саҕаланнылар.

Бу күннэргэ “ЛОРП” ПАО Жатайдааҕы суудуна өрөмүөннүүр собуотугар техникум устудьуоннара дефектоскопист идэтин баһылыахтаах Дайаана Матвеева, Вероника Максимова уонна Дмитрий Решетников практикаларын бара сылдьаллар.

Оҕолор ыам ыйын 24 күнүттэн бэс ыйын 10 күнүгэр диэри үөрэппит билиилэрин тургутуохтара, саҥаҕа-сонуҥҥа үөрэниэхтэрэ.

Устудьуоннар миэстэтигэр тиийбиттэригэр собуот техотделын начаалынньыга Андрей Коношанов уонна дефектация бөлөҕүн инженер-конструктора Николай Алексеев собуоту билиһиннэрэр экскурсияҕа сырытыннардылар.

Билигин оҕолору дефектовщик суудуналар куорпустарын, тимир конструкцияларын, о.д.а. дьиэгин (дефект) быһаарар анал оборудованиенан туһанарга уһуйаллар.

✍ Ольга Шепелева

✅ t.iss.one/murusahargata @ulusmedia

#үөрэхтээһин

👏 Уус Алданнааҕы техникум материальнай-техническэй базата тупсар кыахтанна

Саҥа үөрэх дьыла саҕаламмытынан Уус Алданнааҕы техникумҥа СӨ Бырабыыталыстыбатын бэрэссэдээтэлин солбуйааччы Сергей Местников сырытта.

Сергей Местников "Үөрэхтээһин" национальнай бырайыак чэрчитинэн тутуллубут эбийиэктэри итиэннэ 70-с сылларга үлэҕэ киирбит эргэ, өрөмүөннэнэллэрэ уолдьаспыт мас эбийиэктэри көрдө.

Кэлэктииби кытта көрсүһүүгэ үлэһиттэр техникум 220 миэстэлээх саҥа дьиэтин, устудьуоннар олорор уопсайдарын, успуорт саалатын саҥардыыны туруорустулар.

Онуоха Сергей Местников бу үөрэх кыһатын үлэтин-хамнаһын, үлэһиттэр, үөрэнээччилэр ситиһиилэрин үрдүктүк сыаналаата. Итиэннэ үчүгэй сонунун үллэстэн, кэлэктииби үөртэ.

Ол курдук: "Эһиил "2023-2027 сс. судаарыстыбаннай профессиональнай үөрэхтээһин тэрилтэлэрин хааччыйыы уонна кинилэр хапытаалынай өрөмүөннэрэ" бырагырааманан техникумҥа 67 525 000 солкуобай үп көрүллүөҕэ", – диэн эттэ. Аан бастакынан уопсай дьиэ уонна успуорт саалатын хапытаалынай өрөмүөнэ оҥоһулларын ситиһэри, ол кэнниттэн 220 миэстэлээх техникум эбийиэгин бырайыактыыр-сметалыыр документациятын түмүктүүрү бэлиэтээтэ. Уонна үрдүк көрдөрүүлээх устудьуоннардаах профессиональнай үөрэх тэрилтэлэрин бэлиэтиир сыаллаах СӨ Баһылыгын гранын ыларга сайаапка түһэрэргэ сүбэлээтэ.

Түмүккэ бу сыллар тухары СӨ Бырабыыталыстыбата үөрэх кыһата сайдарыгар, үлэтин түмүгэ көстөрүгэр сөптөөх көмөнү оҥорон кэлбитинэн техникум дириэктэрэ Андрей Стрекаловскай махталын тиэртэ. Маны сэргэ үлэҕэ-хамнаска ситиһиилэри баҕаран туран, техникум үйэ аҥаардаах историятын кэрэһэлиир кинигэни бэлэх уунна.

✍️ Ольга Шепелева

☑️ https://мюрюгазета.рф/uus-aldannaa5y-tehnikum-materialnaj-tehnicheskej-bazata-tupsar-kyahtanna/

✅ t.iss.one/murusahargata @ulusmedia

#үөрэхтээһин

💪 Мүрүтээҕи уолаттар гимназияларын үөрэнээччилэрэ дэгиттэр сайдыылаахтар

Мүрүтээҕи уолаттар гимназияларын үөрэнээччилэрэ, учууталлара уол оҕону эр киһи быһыытынан тургутар, билиигэ-көрүүгэ уһуйар биир бастыҥ тэрээһиннэрэ – үс күннээх байыаннай хомуурдара түмүктэннэ.

Бу тэрээһин быйыл 29-с сылын ыытылынна уонна 169 уол кытынна. Долгутуулаах кэминэн бэһис кылааска үөрэнэ киирбит уолаттарга буолара саарбахтаммат. Кинилэр убайдарын, учууталларын үөрүйэхтэрин көрөннөр, үгүһү биллэхтэрэ-көрдөхтөрө, гимназияҕа үөрэнэр уол дэгиттэр буолуохтааҕын өйдөөтөхтөрө.

Уолаттар бу күннэргэ байыаннай бэлэмнэнии көрүҥнэрин ааһаллар. Строевой хаамыы, Калашников автоматын ыһыы, таҥыы, сыалы ытыы, химическэй дьайыыттан көмүскэнии бэлэмэ (противогаз), гранатаны быраҕыы, кылаастар икки ардыларыгар футбол турнира, канат тардыһыы, зарница курдук уол оҕону эр киһи быһыытынан итии, дойдуга бэриниилээх буолуу олуктарын уурууну бараллар.

Бу кэнниттэн уолаттар өйдүүн-санаалыын чэбдигирэн, сүрүн үөрэхтэрин толору күүстээх, билиилээх-көрүүлээх салгыыллар.      

✍️ Ольга Шепелева

✅ t.iss.one/murusahargata @ulusmedia