🔟🔟🔟🔟

#улуускиинигэр

🤩 Бороҕон хаар оҥоһуктарынан киэркэйиэ❄️☃️

Бүгүн, «Мүрү кытыла» хаар пааркаҕа «Хаар – айар абылаҥмыт» күрэс арыллыыта буолла. Күрэскэ барыта аҕыс хамаанда кыттара бэлиэтэннэ.

Аҕа уолунаан эбэтэр эһэ сиэнинээн кытталлара көҕүлэнэр эрээри, биирдиилээн кыттааччылар эмиэ бааллар.

Кыттааччылар үс миэтирэ үрдүктээх эрдэ кутуллубут хаартан көҥүл тиэмэҕэ тугу толкуйдаабыттарынан айа-тута үлэлээн оҥоһуктарын номнуо өйүүн түмүктүөхтээхтэр.

Кинилэр санааларын билсиэҕиҥ.

🗣 Максим Саввин, Мүрү нэһилиэгин олохтооҕо:

– Маҥнайгыбын кыттабын. Үлэбин буола турар Анал байыаннай дьайыы тиэмэтигэр аныам. Дойдубут чиэһин көмүскүү барбыт уолун көһүтэр ийэ ис туругун көрдөрө сатыам. Кинилэр этэҥҥэ эргиллэн кэлэллэрэ барыбыт баҕа санаата буоллаҕа.

🗣 Ян Стрекаловскай, I Өспөх нэһилиэгин олохтооҕо:

– Сиэним Эрхан, Дьокуускай куорат оскуолатын 7-с кылааһын үөрэнээччитэ, анаан көмөлөһө кэллэ. Үлэбит «Омурҕаҥҥа» диэн ааттаах. Эһээ сиэнин кытта отууга кэпсэтэ олороллорун хоһуйуохпут.

Салгыыта комментарийга
⏬️⏬️⏬️

✍️ Мария Аргунова

#улуускиинигэр

💬 Бороҕоҥҥо “Дьыалабыай Саха сирэ” анал бырайыагынан биисинэс-миссия үлэтэ ыытыллар

Бүгүн улууска өрөспүүбүлүкэ атыы-эргиэн, промышленнай палататын “Дьыалабыай Саха сирэ” анал бырайыагынан биисинэс-миссия тэрээһиннэрэ ыытылла туралларын туһунан улуус дьаһалтатын пресс-сулууспата иһитиннэрэр.

Уус Алдан улууһун дьаһалтатыгар Саха Өрөспүүбүлүкэтин Баһылыгын иһинэн Урбааны координациялыыр сэбиэтин бэрэстэбиитэллэрэ уонна улуус баһылыгын бастакы солбуйааччы Петр Сивцев көрсүһүүлэрэ буолла.

Ону таһынан “Народнай фронт” бэрэстэбиитэллэрэ анал байыаннай эпэрээссийэҕэ кытта сылдьар буойуттар дьиэ кэргэттэрин кытта көрсүөхтэрэ, өрөспүүбүлүкэ социальнай тэрилтэлэрин ассоциацияларын дириэктэрэ Анна Слепцова социальнай көмүскэл управлениетын кэлэктиибин кытта көрсүһүүтэ тэриллиэҕэ.

“Өркөн” оҕону эбии үөрэхтээһин киинигэр оскуола үөрэнээччилэригэр финансовай грамотность үөрэҕэ, АГАТУ үлэтин билиһиннэрии о.д.а. интэриэһинэй көрсүһүүлэр буолаллар.

Оттон урбааньыттарга биисинэһи сайыннарыыга үөрэх, маастар кылаастар ыытыллыахтара уонна ыалдьыттар Бороҕон сэлиэнньэтин урбаанньыттарын үлэлэрин билсиэхтэрэ. Сарсыардаттан Күлүмнүүр аатынан “Тойон Мүрү” култуура дыбарыаһыгар олохтоох оҥорон таһаарааччылар атыы-тутуу быыстапка-дьаарбаҥкалара буола турар.

✅ @murusahargata

#улуускиинигэр

💢 Наталья Протопопова "Кэрэни үйэлиир күлүм түгэн" айар быыстапката арылынна📸😍👏

В.В. Никифоров–Күлүмнүүр аатынан култуура дыбарыаһыгар күлүм түгэни үйэлээх бэлэх оҥорон таһаарар, өрөспүүбүлүкэҕэ киэҥник биллэр фотограф Наталья Протопопова айар үлэтин быыстапкатын арыйда.

Арыылаахтан төрүттээх биир дойдулаахпыт Наталья "Айар сэһэн" диэн биллэр-көстөр дьону кытта атах тэпсэн олорон истиҥник сэһэргэһэр бэһис бырайыак чэрчитинэн "Олоҥхо" этно-култуурунай киин үлэһиттэрин ыҥырыытынан ыалдьыттаата.

Наталья айар үлэҕэ хайдах ылларбытыттан саҕалаан фотограф быһыытынан хаартыскаҕа түһэрии кистэлэҥнэригэр тиийэ олус интэриэһинэй кэпсээнин иһиттибит.

Айар үлэ быыстапката кулун тутар 10 күнүгэр диэри дьон-сэргэ дьүүлүгэр туруоҕа.

✍️ Ольга Шепелева

✅@murusahargata

#улуускиинигэр

💬 Социальнай көмөлөр тустарынан семинарга кыттыбыттар элбэҕи биллилэр

Билигин оҕолоох дьиэ кэргэттэргэ болҕомто саамай күүһүрэн турар кэмэ. Государство элбэх хайысхаҕа болҕомтону туһаайан үгүс көмөнү оҥорор. Тэтимнээх олохпутугар уларыйыы киириитэ түргэн уонна элбэх. Төрөппүт маны барытын ситэн өйдүүрүгэр да уустук, туһанарыгар да ыарахаттары көрсөр.

Онон көмөлөөх буоллун диэн,
кулун тутар 14 күнүгэр Уус Алданнааҕы социальнай- реабилитационнай киин (дир. Иннокентий Сергеев) "Социальная мера по поддержке семей с детьми" улуустааҕы семинары төрөппүттэргэ анаан тэрийэн ыытта.

Семинар улуус дьаһалтатын мунньахтыыр кыра саалатыгар буолла, барыта 42 киһи кыттыыны ылла.

Государство оҕолоох дьиэ кэргэттэргэ аналлаах көмөлөрүн туһунан тустаах тэрилтэлэртэн кэлэн билиһиннэрдилэр.

1. Сеанна Сивцева, Социальнай фонда Уус Алданнааҕы отделениетын клиеннэри кытары үлэлиир сулууспатын салайааччытын солбуйааччы.
2. Ирина Беркина, Айна Бурнашева, нэһилиэнньэ социальнай харалтаҕа уонна үлэҕэ управлениетын сүрүннүүр специалистара.
3. Мария Крылова, нэһилиэнньэ дьарыктаах буолуутун киинин сүрүн инспектора.
4. Саргылаана Никитина, ыччакка уонна дьиэ кэргэҥҥэ аналлаах социальнай-психологическай көмө киинин Уус-Алданнааҕы филиалын сэбиэдиссэйэ.
5. Анатолий Кириллин, "Мои Локументы" элбэх функцияны оҥорор киин сүрүн специалиһа.
6. Мария Готовцева, реабилитациялыыр киин специалиһа.

Иһитиннэриилэр кэннилэриттэн кыттааччылартан чуолкайдаһан барыта 60 ыйытыы киирдэ. Ол курдук төрөппүттэри саамай долгутар көрүҥнэринэн оҕо пособиета, социальнай контракт, СВО, бэйэ дьарыктаах буолуута эбиттэр.

Семинар кыттыылаахтара туһааннаах специалистар хардаларын астыннылар, олус туһалаах семинар буолбутун бэлиэтээтилэр.

✍️ Светлана Бурцева, уопсас. кэрэсп.

✅ https://t.iss.one/murusahargata/12675?single

#улуускиинигэр

💢 Оҕолорго «Мин төрөөбүт түөлбэм» өйтөн суруйууну «Маяк» түөлбэ көҕүлээтэ

«Маяк» түөлбэ актыыба «түөлбэбит оҕолоро бэйэлэрин олорор нэһилиэктэрин, түөлбэлэрин билэ үөрэнниннэр» диэн бастакы саҕалааһын тэрээһиннэрин – өйтөн суруйуу күрэҕин ыыттылар.

«Мин төрөөбүт төрүт түөлбэм» диэн өйтөн суруйууга алта оҕо кытынна. Бастыҥ айымньы ааптарынан 10 кылаас үөрэнээччитэ Светлана Пермякова ааттанна. Кинини сэргэ 5 кылаас үөрэнээччилэрэ Айыллаана Лыткина уонна Кира Дамаскина үлэлэрэ бэлиэтэннилэр. Бары оҕолорго сэртипикээттэр туттарылыннылар.

Оҕолор төрүт түөлбэлэригэр, дойдуларыгар бэриниилээх буола улааталларыгар маннык тэрээһиннэр төһүү буолуохтара.

✅ t.iss.one/murusahargata @ulusmedia

#улуускиинигэр

💠 Бороҕоҥҥо рассада дьаарбаҥката буолла

Мүрү нэһилиэгин киин болуоссатыгар оҕуруот аһын, сибэкки рассадатын дьаарбаҥката буолла.

Хаппыыста араас көрүҥүттэн саҕалаан тыква рассадатыгар тиийэ оҕуруот аһын рассадатын эгэлгэтэ атыыланна. Сибэкки рассадата быйыл аҕыйах курдук этэ, ол эрээри Бэйдиҥэ бөһүөлэгиттэн анал оҕуруоччут идэлээх Юлия Охлопкова номнуо ситэн-хотон сириэдийбит сибэккилэрин аҕалбытын көрбүт эрэ сөҕө-махтайда, хамаҕатык атыыластылар.

Оттон мас үүнээйилэртэн рябина, өрүс талаҕа атыыланна.

✍️ Мария Аргунова

✅ t.iss.one/murusahargata @ulusmedia

#улуускиинигэр

💠 Уус Алдаҥҥа икки күн устата «Гражданские выходные» тэрээһин ыытылынна

Атырдьах ыйын 17-18 күннэригэр улууспутугар «Гражданские выходные» диэн икки күннээх тэрээһин «Өркөн» киинигэр буолан ааста.

☑️ Сиһилии: https://мюрюгазета.рф/uus-aldanna-grazhdanskie-vyhodnye-tereehin-ikki-kyn-ustata-yytylynna/

✅ t.iss.one/murusahargata @ulusmedia

#улуускиинигэр

⏺ Улуус бастакы медигэр бүүс турда

Бүгүн, алтынньы 2 күнүгэр, улуустааҕы киин балыыһа тэлгэһэтигэр Уус Алдан улууһугар (урукку Бороҕон улууһугар) медицинаны төрүттээбит нуучча биэлсэрэ Илья Сухониҥҥа анаммыт бүүс туруорулунна. Кини 125 сыл анараа өттүгэр Мүрү Томторугар кэлэн бастакы медпууну арыйан улууспутугар медицина баар буолуутугар олугу уурбута. Бүүһү сэргэ улуустааҕы балыыһаҕа үлэлээбит уордьаннаахтарга, мэтээллээхтэргэ, бочуоттаах ааттаахтарга аналлаах Бочуот дуоската турда.

Улуус доруобуйа харыстабылыгар салатата тэрилтэ инник историятыгар болҕомтотун ууран сквер бырайыагар үлэлэһэн саҕалаан эрэр. Ол бастакы уочаратын арыллыыта бүгүн буолла. Онно анаан бүүс оҥоһуутун ороскуотун Илья Михайлович сиэннэрэ уйуннулар.

Тэрээһиҥҥэ улуус, балыыһа салатата, Дьокуускайга, Бороҕоҥҥо, Тумулга, Курбуһахха олорор сиэннэрэ кыттыыны ыллылар.

✍️ Афанасий Сектяев

🏃 https://мюрюгазета.рф/uluus-bastaky-mediger-byys-turda/

✅ t.iss.one/murusahargata @ulusmedia