📰📰📰

⭕ Улуус сиригэр-уотугар Алдан өрүскэ муус этэҥҥэ ааста. Уу үрдээһинэ Чэриктэйгэ 748 см тиийэ сырытта, оттон муҥутуур көрдөрүү 1062 см тэҥнэһэр. Өрүс эстиитигэр бэлэмнэнэн, нэһилиэктэргэ дьон быстах кэмҥэ олорор сирдэрэ уонна ынах сүөһү хааччаҕа бэлэмнэнэн турбута.

📌 "Мантан салгыы аны Өлүөнэ өрүс сүнньүгэр сытар нэһилиэнньэлээх пууннары хонтуруоллааһын күүһүрэр. Бу нэһилиэктэргэ эмиэ бары миэрэлэр тутуһуллан, бүгүҥҥүттэн суукканы эргиччи дьуһуурустубалар олохтоннулар, Биир кэлим диспетчерскэй сулууспаҕа (ЕДДС-ка) иһитиннэриилэр түөртүү чаас буола-буола киирэ тураллара ирдэниллэр", – диэн улуустааҕы ыксаллаах быһыы-майгы хамыыһыйатын эппиэттээх сэкэрэтээрэ Николай Лугинов иһитиннэрдэ.

#уйгусирэуусалдан
#уусалданхаһыата
#мүрүсаһарҕата
#суһалыстаапиһитиннэрэр
#халаан2021
https://www.instagram.com/p/CO94AdIsU6G/?utm_medium=share_sheet

📰📰📰

📌 Суоттуттан видео🙌

⭕ Эбэ барахсан, аҕыс ыйдаах мууһун өрө көтөҕөн, иннигэр түбэспити барытын тоҕо солоон, кудуххайдык хоту устар сүдү күүһэ сүрүкэтин!

⭕ Кини бэйэлээх, муустарын көтөҕөн тыаһаан-ууһаан, хабырыйсан, кыра ычалаах киһи уйулҕата хамсыах айылаах...

⭕ Билиҥҥи туругунан, Саха сирин өрүстэрэ этэҥҥэ курдуктар. Ол эрэнэри, сэрэҕи сүтэрэн, ыһыктынар сатаммат. Харыы хаһан баҕарар буолан, кутталы үөскэтиэн сөп.

⭕ Айылҕа уһуктар модун күүһүн сүгүрүйэ көрсүөххэ🙏🙏🙏

🖊️ Оҕуруоттаах.

#уйгусирэуусалдан
#уусалданхаһыата
#мүрүсаһарҕата
#халаан2021
https://www.instagram.com/p/CO_kanCnwHa/?utm_medium=share_sheet

📰📰📰

⭕ Улуус сиригэр-уотугар Өлүөнэ өрүскэ Арыы Тиит бөһүөлэгин аннынан билигин муус хойуутук устар. Сарсыарда 9 чаас 15 мүнүүтэлээх дааннайынан, уу таһыма Оҕуруоттаахха 818 см тэҥнэстэ (муҥутуура – 1051 см). Оттон Дьокуускай аннынан өрүс муустан ыраастаммыт, Кангаласс тумуһугар фарватер эмиэ ыраастанан эрэр. Бу туһунан улуус ыксаллаах быһыыга-майгыга хамыыһыйата иһитиннэрдэ.  

#уйгусирэуусалдан
#уусалданхаһыата
#мүрүсаһарҕата
#халаан2021
#суотту
https://www.instagram.com/p/CPE1GKDMh8Q/?utm_medium=share_sheet

📰📰📰

⭕ Ыам ыйын 19 күнүгэр улуус дьаһалтатын Биир кэлим диспетчерскэй сулууспатын 12.00 чаастааҕы дааннайынан, Суотту нэһилиэгин сиригэр-уотугар Өлүөнэ өрүс мууһа уста сытар.

⭕ Онуоха Оҕуруоттаахха уу таһыма бүтэһик көрдөрүүгэ 114 см эбиллэн, 694 см тэҥнэһэр (муҥутуура – 1051 см), Арыы Тииккэ – 847 см (түөрт чаас иһигэр эбиллиитэ – 70 см, муҥутуура – 1040 см).

#уйгусирэуусалдан
#уусалданхаһыата
#мүрүсаһарҕата
#халаан2021
#суотту
https://www.instagram.com/p/CPCm7Qxsg4P/?utm_medium=share_sheet

📰📰📰

📌 "Өрүс кытылыгар олорооччулар өрө тыыммыт курдук буоллубут.

📌 Бэҕэһээ киэһэ 6 чаас 30 мүнүүтэҕэ Суотту утары Үөдэй нэһилиэгэр Буденнай боротуокатыгар 1 туонналаах буомбаны эһэннэр, харыыны төлөрүттүлэр. Онон Эбэ мууһа билиэнтэн босхолонон, сүүрүккэ бас бэринэн, кудуххайдык бэйэтин дьаалатынан уһунна. Муус хадьырыйсар тыаһа, киргиэтээн айанныыра дэриэбинэттэн бэрт чуолкайдык иһиллэр.

📌 Билиҥҥи туругунан, Суотту анныгар күөллэргэ үрэҕинэн саҥа кутан эрэр. Бу үлүгэр киэҥ нэлэмэн сыһыылаах Суотту сирин уунан толоруох диэтэххэ, элбэх уу наада. Онон барыта этэҥҥэ буоларыгар, санаабыт бөҕөх, эрэлбит энчирээбэт!" – диэн Суоттуттан ааҕааччыбыт, ааптарбыт Оҕуруоттаах иһитиннэрдэ.

#уйгусирэуусалдан
#уусалданхаһыата
#мүрүсаһарҕата
#суотту
#халаан2021
https://www.instagram.com/p/CPCL24XMEzZ/?utm_medium=share_sheet