#бэртхараудьуордара

💢 Диана Егорова Кисловодскай куоракка сүүрүүгэ маастарыстыбатын чочуйар

Кэскиллээх сүүрүүк кыыспыт Диана Егорова сүүрүүгэ Саха сирин сүүмэрдэммит хамаандатыгар киирдэ. Мүрү 1-гы №-дээх орто оскуолатын 6 «а» кылааһын үөрэнээччитэ билигин Кисловодск куоракка сбордана сылдьар.

Диананы үһүс кылаастан сүүрүүгэ дьарыктыыр Мария Слепцова кыысчаан туһунан маннык билиһиннэрэр:

– Хап-харанан чоҕулуччу көрбүт кып-кыра, нап-нарын, наһаа сэргэх кырачаан кыыс миэхэ дьарыктана кэлбитэ. Ол күнтэн биир да дьарыгы көтүппэкэ, ис-иһиттэн дьаныһан туран дьарыктанан кыралаан күрэхтэһиилэргэ миэстэлэһэн барбыта.

Оҕо диэтэххэ, наһаа эппиэтинэстээҕин, туруоруммут сыалын ситиһэр күүстээх санаалааҕын бэлиэтиибин. Күрэхтэстэҕин аайы бириэмэтин тэҥнээн көрөн, дистанцияларын аайы төһө тупсубутун ыйытар, ырытан көрөн түмүк оҥостон, инники соруктарын туруорунар үгэстээх.

Ол курдук дьарыкпыт түмүгүнэн кэккэ ситиһиилэрдээхпит. Холобур, быйылгы сылы ылан көрдөххө, Дьокуускайга ыытыллыбыт сүүрүүгэ өрөспүүбүлүкэҕэ бастыыр иһин күрэхтэһиигэ III миэстэни, Мэҥэ Хаҥалас улууһун Суола Моорук нэһилиэгэр ыытыллыбыт XXVII өрөспүүбүлүкэтээҕи кросска 1000 м арыкка II миэстэни, Дьокуускай куоракка ыытыллыбыт 2010-2011 төрүөх оҕолор ортолоругар өрөспүүбүлүкэтээҕи күрэхтэһиигэ 3000 м арыкка III миэстэни, 1500 м арыкка II миэстэни, онтон да атын күрэхтэһиилэргэ бириистээх миэстэлэри ылары ситистэ.

Билигин 2010-2011 сыллааҕы төрүөх оҕолорго өрөспүүбүлүкэ үрдүнэн 1500 м, 3000 м «Азия оҕолоро» оонньууларга сүүмэрдээһинин ааһан, Кисловодскай куоракка сбордана сылдьар. Иитиллээччим Диана өссө да дьарыктанан, үрдүк чыпчаалы дабайыа диэн эрэнэбин!

Сүүрүүк кыыс сбор бүтүүтэ Владимировскай уобалас Суздаль куоратыгар буолар кросска сүүрэн, ону таһынан бэс ыйын 7-8 күннэригэр буолар «Спортивные якутяне» сайыҥҥы спартакиадаҕа кыттарга бэлэмнэнэр.

✍️ Мария Аргунова

☑️ https://мюрюгазета.рф/article/94726

✅ t.iss.one/murusahargata @ulusmedia

#бэртхараудьуордара

💢 Хайыһар сезона түмүктэннэ: көрдөрүүлэрбит, ситиһиилэрбит хайдахтарый?

Кулун тутар 31, муус устар 1-2 күннэригэр киин куораппыт Күөх хонуутугар любитель хайыһардьыттар ортолоругара хамаанданан уонна биирдиилээн өрөспүүбүлүкэҕэ бастыыр иһин чөмпүйэнээт буолан ааста. Быйылгы чөмпүйэнээт Саха сиригэр физкултуурунай хамсааһын саҕаламмыта 100 сылыгар ананан тэрилиннэ.

Уус Алдан хамаандата быйыл арыый эбиллэн, 15 киһи буолан улууспут спортивнай аатын көмүскээтибит. Уопсай түмүккэ Дьокуускай куорат хамаандата 1191 очколаах бастаата, Чурапчы 1162 очколаах иккис буолла, Уус Алдан 929 очколаах үһүс миэстэни ыллыбыт.

Көрөргүт курдук, чурапчылар быйыл түмсэннэр, улуустарыгар нэһилиэктэринэн күрэхтэһии тэрийэн хамаандаларын үчүгэйдик сүүмэрдээн кытыннылар. Хомойуох иһин, Чурапчыга буолбут күрэхтэһиигэ улууспут кыайан хамаанда туруорбата.

Тулуна оскуолатын оҕолорун быйылгы улахан ситиһиилэрэ улууспут атын нэһилиэктэригэр чахчы улахан үтүө холобур, спортивнай тэрийээччилэрбитигэр хайыһар успуордун сөргүтэргэ үчүгэй стимул буолуоҕа диэн эрэнэбит.

Түмүктээн эттэххэ, быйыл саас улууспут киинигэр Бороҕоҥҥо, аҕыйах да кыттааччылаах буоллар, оҕолорго уонна нэһилиэктэр икки ардыларыгар хайыһар күрэхтэһиилэрэ буолуталаабыттарын бэлиэтиибит. Онон эһиилги хайыһар сезонугар улууспутугар балаһыанньа арыый тупсуо, кыттааччы өссө элбиэ, тэрийээччилэр өттүлэриттэн үлэ барыа диэн эрэлбитин биллэрэбит.

✍️Василий Аммосов. Курбуһах

☑️Сиһилии: https://мюрюгазета.рф/article/96033

✅ t.iss.one/murusahargata @ulusmedia

#БэртХараудьуордара

💠 Оҕолорбут тоҕус көрүҥҥэ күөн көрсүөхтэрэ

Спартакиада бэс ыйын 5-10 күннэригэр ыытыллар. Уопсайа 32 улуустан 1282 оҕо кыттар. Биһиги улууспутуттан 56 эдэр спортсмен, 15 тириэньэр, 3 бэрэстэбиитэл бүгүн күрэхтэһии бастакы күнүн саҕалаатылар. Күрэхтэһээччилэр 9 көрүҥҥэ (баскетбол 3х3, бокс, көҥүл тустуу, чэпчэки атлетика, остуол тенниһэ, буулдьанан, оҕунан ытыы, саахымат, бадминтон) илин-кэлин түсүһүөхтэрэ.

✅ t.iss.one/murusahargata @ulusmedia

#БэртХараудьуордара

💠 Оҕолорбут боруонса икки мэтээли ылары ситистилэр

Спартакиада иккис күнүгэр Мүрү 1 нүөмэрдээх оскуолатын 6 "а" кылааһын үөрэнээччитэ Диана Егорова 3000 м сүүрүүгэ, 7-с кылааһын үөрэнээччитэ Айтал Аммосов 44 кг диэри ыйааһыҥҥа көҥүл тустууга улуус хамаандатыгар боруонса мэтээллэри аҕалары ситистилэр.

✅ t.iss.one/murusahargata @ulusmedia

#БэртХараудьуордара

💥 Курбуһах ыччата Егор Ефимов үөрэнээччилэр өрөспүүбүлүкэтээҕи спартакиадаларын көҥүл тустууга чөмпүйүөнэ буолла👏👏👏

Егор – Д.П. Коркин аатын Чурапчытааҕы оҕо спортивнай оскуолатын үөрэнээччитэ. Сиэннэрин кыайыытынан эбэтэ Курбуһах орто оскуолатын алын кылаастар учууталлара Зинаида Максимовна, эһэтэ Егор Николаевич сэмэйдик үөрэллэр.

Эмиэ биир оҕобут Диана Егорова 3000 м үһүс миэстэ буолбутунан эбэтэ өр сылларга индомҥа үтүө суобастаахтык үлэлээбит Клара Ильинична уонна эһэтэ ДьУоКХ үлэһитэ Петр Петрович Егоровтар эмиэ үөрүүлэрэ үрдээтэ. Манна даҕатан эттэххэ, 3000 м 2-с миэстэни ылбыт Олеся Романова эмиэ Курбуһахтан төрүттээх. Эһэтэ Николай Александрович, эбэтэ Раиса Николаевна Окоемовтар улуус, өрөспүүбүлүкэ күүстээх спортсменнара этилэр. Николай Александрович билигин да спордунан дьарыктанар.

Онон курбуһахтар ыччаппыт өрөспүүбүлүкэ улахан түһүлгэтигэр үрдүк көрдөрүүлэри ситиспиттэринэн астынан олоробут.

✍️ Мария Аммосова, уопсас.кэрэсп. Курбуһах


✅ t.iss.one/murusahargata @ulusmedia

#БэртХараудьуордара

⚽️ Футбол эдэр фаната –
Андрей Андросов

Бүгүн аан дойдутааҕы оҕо футболун күнэ бэлиэтэнэр. Биһиги улууспутугар оҕо футболун тириэньэр Алексей Тарскай сайыннарар. Кини утумнаах дьарыгыттан үгүс оҕо футболу интэриэһиргиир, сөбүлүүр, эт-хаан өттүнэн чэбдик олохтонор.

Бу секцияҕа Мүрү 1№-дээх орто оскуолатын үөрэнээччитэ Андрей Андросов сөбүлээн дьарыктанар. Андрей иккис кылааһы бүтэрбит эдэр спортсмен. Бэйэтин сааһыгар олус бэркэ оонньуур, умсугуйан туран дьарыктанар.

Ону ааһан кини футболу сөбүлүүр буолан, футболистар ааттарын, олохторун, олорор дойдуларын аатын, онон сиэттэрэн аан дойдуну барытын үөрэтэр, былаахтарын, географическай картаҕа балаһыаньаларын, оннооҕор хас нэһилиэнньэлээҕин кытта эндэппэккэ билэр.

✍️Ольга Шепелева

✅ t.iss.one/murusahargata @ulusmedia

#БэртХараудьуордара

💠 Иннокентий Колодезников икки төгүллээн кыайыыны аҕалла

Бороҕоннооҕу оҕо спортивнай оскуолатын чэпчэки атлетикаҕа тириэньэринэн саҥа үлэлии сылдьар, сүүрүүк, Уһук Илин чэпчэки атлетикаҕа призера, улуус, өрөспүүбүлүкэ хас да төгүлээх призера, чөмпүйүөнэ Иннокентий Колодезников бу күннэргэ Үөһээ Бүлүү улууһугар ыытыллыбыт өрөспүүбүлүкэ чөмпүйэнээтигэр 800, 1500 миэтэрэҕэ эрэллээхтик бастаан, кыайыылаах үрдүк аатын икки төгүллээн ылла💪👏👍🥇🏆

“Мин бу бастакы улахан ситиһиилэрим, онон түһүлгэм биһиги туспутугар алгыстаах буолбутуттан олус үөрдүм. Билигин дойдубар кэлэн тириэньэрим Иван Винокуров салайыытынан быйыл күһүөрү Дьокуускайдааҕы полумарафоҥҥа кыттарга бэлэмнэниэм.

Бу кыайыыларбын ситиһэрбэр үөрэппит, дьарыктаабыт тириэньэрдэрбэр Серафим Татариновка,Суоттуттан төрүттээх Гаврил Константиновка, Иван Винокуровка, төрөппүттэрбэр, улуус упуордун салалтатыгар Константин Давыдовка, Уус Алдан улууһун сүүрүүгэ федерациятын бэрэссэдээтэлигэр Евгений Дедюкиҥҥа, Бороҕоннооҕу оҕо спортивнай оскуолатын дириэктэригэр Дмитрий Готовцевка улахан махтал буоллун”, – диэн эдэр чөмпүйүөн сырдатта.

Иннокентий Колодезников оскуола эрдэҕиттэн сүүрүүнэн утумнаахтык дьарыктанан, физкультура учууталын, тириэньэр үөрэҕин ылан, мантан сайын успуорт оскуола үөрэнээччилэрин лааҕырга дьарыктыаҕа. Кэскиллээх спортсмен чэпчэки атлетикаҕа улууспутугар уонча сылларга ситиһиллибэтэх үөрүүлээх кыайыылары аҕалла!👏👏👏

✍️ Екатерина Захарова

✅ t.iss.one/murusahargata @ulusmedia

#БэртХараудьуордара

💠 Мордовскойдар "Дьулуур" туһугар күннэтэ дьулуһаллар✊

Бэрт Ууһун нэһилиэгин олохтоохторо хотугу многоборьеҕа СӨ успуордун маастара, 2018 с. олорон эрэн волейболга РФ успуордун маастарынан буолбут Василий Мордовской дьиэ кэргэнинэн Амма улууһугар от ыйын 12-16 күннэригэр ыытыллар адаптивнай успуорт өрөспүүбүлүкэтээҕи “Дьулуур” спартакиадатыгар кыттарга бэлэмнэнэллэр.

Кэргэнэ ветврач Мария уонна уоллара Сыырдаах орто оскуолатын выпускнига Платон, олорон эрэн волейбол көрүҥэр балаһыанньа быһыытынан доруобай кыттааччыларга киирсэллэр.

Мария, Василий Мордовскойдар 2018 сыллаахха ыал буолбуттара. 2017 сыллаахха Горнай улууһугар ыытыллыбыт адаптивнай успуорт спартакиадатыгар кытта сылдьан билсибиттэрэ.

Василий Таатта улууһун Кыйытыттан төрүттээх. Билигин Уус Алдаҥҥа олохсуйан алаһа дьиэ тэринэн, улууспут аатын ааттата сылдьаллар.

Күннэтэ бу курдук Сыырдаахтан киирэн дьарыктаналлар, кыайыы туһугар дьулуһаллар.

Түөрт оҕолоох дьиэ кэргэн успуорду, чөл олоҕу тутуһар холобур буолар дьон.

Улахан кыыс Алена 8 кылаас үөрэнээччитэ, волейболунан дьарыктанар. Кыра кыыстара 4 саастаах Айсена сүүрүүнэн дьарыктанан, бэйэтин саастыылаахтарыгар ситтэрбэт. Оттон кыралара 7 ыйдаах Айхалы эмиэ чөмпүйүөн буоларга иитэллэр, эрэнэллэр.

Спортивнай дьиэ кэргэҥҥэ – Мордовскайдарга ситиһиини баҕарабыт.

📹 Ольга Шепелева

✅ t.iss.one/murusahargata @ulusmedia

#БэртХараудьуордара

⏺ Талааннаах ыччаппыт кэриэһигэр сүүрүү турнира ыытыллыаҕа

Балаҕан ыйын 16 күнүгэр Майаҕатта Бэрт Хара аатынан стадиоҥҥа чэпчэки атлетикаҕа Саха Өрөспүүбүлүкэтин хас да төгүллээх чөмпүйүөнэ, призера, биир дойдулаахпыт – Бороҕон олохтооҕо Александра Кырбасова-Заболоцкая сырдык кэриэһигэр оскуола оҕолоругар өрөспүүбүлүкэтээҕи сүүрүү турнира ыытыллаары турар.

Александра Кырбасова-Заболоцкая спорка, чуолаан сүүрүүгэ уһуйбут тириэньэрэ Серафим Татаринов соторутааҕыта олохтон туораата. Кини баҕа санаата Саня сырдык аатынан турнир тэрийии этэ. Онуоха бу баҕа санаата олоххо киирэр кыахтанна.

☑️ Сиһилии: https://мюрюгазета.рф/talaannaah-ychchappyt-keriehiger-syyryy-turnira-yytyllya5a/

✅ t.iss.one/murusahargata @ulusmedia

#БэртХараудьуордара

⏺ Александра Заболоцкая-Кырбасова сырдык кэриэһигэр ыытыллыбыт сүүрүү күрэхтэһиитигэр 50-ча оҕо кытынна

Бэҕэһээ Мүрү нэһилиэгэр легкай атлетикаҕа өрөспүүбүлүкэ хас да төгүллээх кыайыылааҕа, «Азия оҕолоро» норуоттар икки ардыларынааҕы III оонньуулар кыттыылааҕа Александра Заболоцкая-Кырбасова сырдык кэриэһигэр өрөспүүбүлүкэтээҕи аһаҕас турнир буолан ааста.
Манна Чурапчыттан, Мэҥэ Ханалас Төхтүрүттэн, Майаттан уонна Уус Алдан нэһилиэктэриттэн уопсайа 50-ча кыттааччы кэлэн кытынна. Күүстээх тыал, тымныы, ардах диэбэккэ, спортсменнар илин-кэлин түһүстүлэр, бэйэлэрин кыахтарын, тулуурдарын, дьулуурдарын тургуттулар.

Улуустааҕы оҕо спортивнай оскуолатын сүүрүүгэ тренерэ Мария Слепцова:

– Күрэхтэһии бэрт көхтөөхтүк, тыҥааһыннаахтык барда. Махтаныахпыт этэ күрэхтэһиини тэрийсибит Серафим Татаринов уонна Александара Кырбасова дьиэ кэргэттэригэр, чэпчэки атлетика улуустааҕы федерациятыгар, үөрэх улуустааҕы салалтатыгар, спортивнай оскуолабыт дириэктэригэр Дмитрий Готовцевка. Инникитин былааҥҥа киллэрэн күрэхтэһиибитин сыл көтө-көтө оҥорорго сорук туруоруннубут, – диэтэ.
Бу күрэхтэһиигэ улууспут хамаандатын оҕолоро 21 мэтээли, сыаналаах бирииһи ылары ситистилэр.

✍️ Мария Аргунова

☑️ Сиһилии: https://мюрюгазета.рф/aleksandra-zaboloczkaya-kyrbasova-syrdyk-keriehiger-yytyllybyt-syyryy-kyrehtehiitiger-50-cha-o5o-kytynna/

✅ t.iss.one/murusahargata @ulusmedia

#БэртХараудьуордара

👍 Эрхаан Бысыин – скайранниҥҥа соҕотох саха

Саха киһитэ хараҕар соччо-бачча ойуулаан көрбөт сэдэх көрүҥэр дьарыктана сатаабат үгэстээх. Ол да буоллар, “саха сатаабатаҕа суох” диэн мээнэҕэ эппэттэр. Саха эрдэ билбэтэҕин да анаан ылыстаҕына, син биир тугу эрэ ситиһэр. Онон мындыр, сатабыллаах, уратылаах омук быһыытынан уруккуттан сыаналанабыт.

Эрхаан Бы­сыины оскуолаҕа үөрэнэ сырыттаҕына, бу уол кэлин Арассыыйа таһымнаах спортсмен буо­луо диэн ким да таайа санаабатах буолуохтаах. Спортка оннук улахан ситиһиитэ суоҕа. Ол бэйэтэ билигин идэтийбит спорт­смен быһыытынан скайранниҥҥа дойду бастыҥнарын кэккэтигэр сылдьар. Бу көрүҥҥэ Арассыыйа чөмпүйүөнэ, Куубагын хаһаайына, альпинизмҥа, спортивнай туризмҥа уонна скайранниҥҥа РФ спордун маастара. Онон бүгүн суруналыыс Афанасий Копырин уонна Эрхаан Бысыин сэһэргэһиилэрин сэҥээриҥ👉 https://мюрюгазета.рф/erhaan-bysyin-skajranninna-so5otoh-saha/

✅ @uamurusahargata @ulusmedia

#БэртХараудьуордара

Валерий Данилов Бэрт Ууһуттан «ССРС спордун маастара» ааты бастакынан ылбыта

Сахалар былыргыттан күүстээх-уохтаах, дириҥ санаалаах дьону холобур оҥостоллоро, көлүөнэттэн көлүөнэҕэ ыччаттарын оннук тыыҥҥа уһуйаллара. Онон киһи үтүө аатыттан ордук уһун үйэлээх туох да суох. Киһи киһиттэн үөрэнэн киһи-хара буолар, көлүөнэттэн көлүөнэҕэ уһуйуллан олоҕу салгыы сайыннарар.

Биһиги кылааспытыгар успуорт мэлдьи инники күөҥҥэ сылдьара. Ол биһиги физрукпут, уруккута сахалартан биллиилээх гимнаст Афанасий Гаврильевич Колодезников айымньылаах үлэтин түмүгэ. Ону биир биһиги кылааспытыттан түөрт уол физрук идэтин талбыта туоһулуур. Олортон саамай бастыҥ ситиһиилээхтэрэ Валерий Данилов 23 сааһыгар көҥүл тустууга Сэбиэскэй Сойуус успуордун маастара буолбута.

Сиһилии методист учуутал, СӨ үөрэҕириитин туйгуна, РФ уопсай үөрэхтээһинин бочуоттаах үлэһитэ Миитэрэй Стручков
👉БАТТАА

✅ @uamurusahargata @ulusmedia