#оскуолаларга

💢 Тиит Арыыга "Зарница" байыаннай-спортивнай оонньуу 54-с төгүлүн ыытылынна

И.С. Колодезников аатынан Тиит Арыы сүрүн оскуолатыгар «Зарница» байыаннай-спортивнай оонньуу 1968-1969 үѳрэх дьылыттан ыытыллар. Онон дьоҕус нэһилиэккэ олохтоохтор бука бары бу оонньууга кыттыбыт буоланнар сылын ахсын күүтүүлээх оонньуу үрдүк таһымҥа тэриллэн бэрт көхтөөхтүк ааһар. Тэрийэн ыытааччылар – оскуола үлэһиттэрэ – оҕолору икки хамаандаҕа арааран ый инниттэн бэлэмнээбитинэн бараллар. Оҕолор үөрэҕи, бэрээдэги өрө тардыныыттан саҕалаан эт-хаан өттүнэн эрчиллэн, тыҥааһыннаах киирсиигэ оҥостоллор. Икки күннээх оонньууну бүтүн нэһилиэк дьоно оҕотуттан кырдьаҕаһыгар тиийэ сэргээн көрөллөр.

Ыам ыйын 7-8 күннэригэр буолбут быйылгы "Зарницаҕа" Филипп Матвеев хамандыырдаах "Патриот", Кеша Дьяконов хамандыырдаах "Ирбис" диэн икки хамаандаҕа барыта 45 оҕо оонньоото.

Оонньуу кэмигэр строевой хаамыы, ориентирование, араас спортивнай күрэхтэһии, оҕо айар дьоҕурун сайыннарар хаһыат оҥоруу, билиини-кѳрүүнү тургутар түһүмэх, сигнальщиктар, санитардар эстафеталара, повардар күрэстэрэ курдук түһүмэхтэртэн саҕалаан кэнсиэр көрдөрүүтүгэр тиийэ барыта 30-тан тахса түһүмэҕи ааһан, 177 очукуону ылан утарылаһааччытын икки очукуонан ситэн "Ирбис" хамаанда кыайыылааҕынан таҕыста.

Оҕону эт-хаан, күүс-уох, өй-санаа, тулуур өттүнэн сайыннарар, кэллэктиипкэ, эппиэтинэстээх буолууга, олоххо-дьаһахха үөрэтэр, Ийэ дойдуга убаастабылы, тапталы иҥэрэр суолталаах «Зарница» оонньуу эһиил 55-с үбүлүөйдээх оонньуута буолуоҕа.

✍️ Мария Аргунова

☑️ https://мюрюгазета.рф/article/96808

✅ t.iss.one/murusahargata @ulusmedia

#оскуолаларга

🔥 Кэптэнигэ дьоллоох оҕо саас биир бэлиэ түгэнэ буолан ааста

Лөгөй орто оскуолата бэрт бэһиэлэй күнү аһарда: “Костер-2023” кылаастарынан араас көрдөөх эстафета буолла, станциянан оонньууга күрэхтэстилэр.

Түмүгэр кыайыылаахтарынан 1-4 кылаастарга – 4-с кылаас, 5-7 кылаастарга – 6-с кылаас, 8-11 кылаастарга – 9-с кылаас ааттаннылар.

"Зарница" оонньуу дьоруойунан 10-с кылаас үөрэнээччитэ Арсен Соловьев буолла. Кыайыылаах хамаанда – "Кыһыллар" (хапытааннар 11-с кылаас үөрэнээччитэ Арсен Эверстов, 10-с кылаас үөрэнээччитэ Арсен Сокорутов).

5-7 кылаастар икки ардыларыгар "Комический футбол" күрэхтэһиигэ кыайыылааҕынан 5-с кылаас кэлэктиибэ таҕыста.

1-4 кылаас икки ардыларыгар “Не стой на месте" оонньууга кыайыылааҕынан 4-с кылаас үөрэнээччитэ Сулустан Протопопов буолла.

Хас биир кылаас салайааччыта, төрөппүтэ оҕолорун тустарыгар “ыалдьан” тэбис-тэҥҥэ түһүмэх аайы сыһыыны биир гына сырыстылар.

Түмүккэ ытыллыбыт салют сырдык уотугар оҕолор үөрэн чаҕылыспыт харахтара көһүннэ, дьоллоох оҕо саас биир түгэнэ буолан сүрэхтэргэ сөҥнө.

✍️ Екатерина Мигалкина, уопсас. кэрэсп.

✅ t.iss.one/murusahargata @ulusmedia

#оскуолаларга

💥 Түүлээх оскуолатыгар Чаҕылхай Максимҥа аналлаах тэрээһин сэргэхтик ааста

Ыам ыйын 15 күнүгэр оскуолабытыгар үтүө дьоммут ааттарын үйэтитэр, кинилэр олорбут олохторун историятын билэ-көрө улааталларыгар, тус сыаллаах, Сахабыт сирин биир чулуу уолугар М.К. Аммосовка аналлаах тэрээһин бэрт сэргэхтик буолан ааста.

Бу тэрээһини иккис сылын Максим Кирович биир дойдулааҕа, саха тылын учуутала Любовь Винокурова иилээн-саҕалаан тэрийдэ.

Кыттыбыт эрэ барыта, сэргэхсийдэ, астынна. Оҕолор Максим оҕо сааһын бэрт чаҕылхайдык инсценировкалаан көрдөрдүлэр, элбэҕи биллибит диэн тус санааларын эттилэр.

Күрэх түмүгүнэн үһүс үрдэли 2-с уонна 4-с, иккис үрдэли 5-с уонна 6-с холбоһуктаах кылаастара үллэһиннилэр уонна кыайыылааҕынан 7-с кылаастар буоллулар.

Бары миэстэлэспит кыттыбыт кылаастарга, кылаас салайааччыларыгар Любовь Петровна бэйэтэ олохтообут дьоһун бэлэхтэрин туттартаата.

Сылын аайы ыытыллар тэрээһин оҕолорбутун патриотическай тыыҥҥа иитиигэ сүдү оруоллаах буолуоҕа.

✍️ Агафья Афанасьева, Д.Д. Оллонов аатынан Түүлээх орто оскуолатын учуутала

☑️ https://vk.com/wall-203871656_3870

✅ t.iss.one/murusahargata @ulusmedia

#оскуолаларга

💥 Мүрү 1-гы N-дээх орто оскуолатыгар – футбол бырааһынньыга

Хайа да омук футболу олус интэриэһиргиир. Кэлиҥҥи кэмҥэ улууспутугар футбол балай да сайынна. Ол туоһутунан ааспыт Саха сирин норуоттарын VIII спартакиадаларыгар улууспут хамаандата 1-кы миэстэни ылан үөрдүбүттэрэ буолар.

Бу нэдиэлэҕэ оскуолабытыгар футбол бэртээхэй күрэхтэһиитэ ыытылынна. Манна даҕатан эттэххэ, уолаттар бары да футбол фанаттара эбиттэр. Сөбүлээн дьарыктаналларын таһынан, аан дойду футбольнай хамаандаларын, оонньооччуларын эндэппэккэ билэллэр.Оннооҕор кыра кылаас уолаттара Месси, Роналдо, Суарес дии-дии сүүрэллэр.

Оскуолабыт таһыгар ааспыт спартакиадаҕа анаан площадка оҥоһуллубута дьэ туһалаата. Күрэхтэһиини көрөөччү да элбэх буолан биэрдэ.

Икки күннээх күүстээх турнирдар кэннилэриттэн 2-4 кылаастарга чемпионунан 3 "а" кылаас (кыл. сал. Е. Ноговицына) буолла. 5-6 кылаастарга – 6 "в" (кыл. сал. Н. Павлова), 7-8 кылаастарга – 8 "в" (кыл. сал. Л. Лыткина) уонна 9-11 кылаастарга оскуоланы бүтэрээри сылдьар 11-тэр холбоһуктаах хамаандалара чемпион аатын ыллылар.

Икки күнү быһа үөрүү өрөгөйө, хотторуу хомолтото – барыта баар буолла, оскуолабыт таһыгар буолан, көрөөччү өйөбүлэ да көмөлөстө. Оскуолабыт физруктара Н.В. Наумов, И.И. Иванов, Д.А. Лаптев күрэхтэһиини бэрт сэргэхтик ыыттылар.

Комментатор Алексей Мигалкин саҥата, футболу да билэрэ ыалдьааччылары астыннарда.

✍️ Мария Аммосова, уопсас. кэрэсп. Бороҕон

✅ t.iss.one/murusahargata @ulusmedia

#оскуолаларга

🌼 Ньургуһун күнүгэр бэртээхэй кылаас чааһа буолла

Мүрү 1-гы нүөмэрдээх орто оскуолатын 5 "б" кылааһыгар (кылаас салайааччыта биология учуутала Федора Бурнашева) "Өркөн" оҕону эбии үөрэхтээһин киинин педагогтара Изабелла Аманатова, Ньургуһун Семенова ньургуһуҥҥа аналлаах кылаас чааһын ыыттылар.

Педагог Изабелла Аманатова Саха сиригэр үүнэр ньургуһун сибэкки көрүҥнэрин, туһатын уонна Ньургуһун күнүн историятын туһунан медиа нөҥүө билиһиннэрдэ. Ол кэннэ ньургуһун аатынан ааттаах Ньургуһун Семенова оҕолору ньургуһуну судургу ньыманан уруһуйдуурга үөрэттэ. Кылаас оҕолоро араас өҥнөөх ньургуһуннары кыһаллан уруһуйдаатылар.

Түмүккэ ньургуһун туһунан Елена Сыроватская кэккэ боппуруостары биэрэн оҕолор кылаас чааһыгар ылбыт билиилэрин бигэргэтэн биэрдэ. Тоҥ буору тобулан үүнэн тахсар, дьону кэрэҕэ-сырдыкка, күүскэ-уохха угуйар ньургуһун күнүнэн эҕэрдэлэһиинэн, уопсай хаартыскаҕа түһүүнэн кылаас чааһа түмүктэннэ.

✍️ Елена Сыроватская, уопсас. кэрэсп.

☑️ https://vk.com/wall-219778198_33

✅ t.iss.one/murusahargata @ulusmedia

#оскуолаларга

🔔 Орто Эбэ сүрүн оскуолатыгар "Тиһэх чуораан" чугдаарда
​
Эмиэ да үөрүүлээх, эмиэ да кыра хомолтолоох «Тиһэх чуораан» долгутуулаах бырааһынньыгар Орто Эбэ сүрүн оскуолатыгар бастыҥтан бастыҥ үөрэнээччилэргэ, выпускниктарга стипендиялары аныыр үтүө үгэс баар.

Быйыл Арыылаахтааҕы "Эйгэ" сынньалаҥ киинин иһинэн үлэлиир "Кустук" оҕо үҥкүүтүн кэлэктиибин оскуоланы бүтэрэр выпускниктарын​ Маша Попованы, Стас Бурнашеву​ уус-уран салайааччы, СӨ култууратын туйгуна​ Александра Саввина​ эҕэрдэлээтэ.

Саха АССР оскуолаларын үтүөлээх учуутала, РСФСР үөрэҕириитин туйгуна​ П.П. Пестряков оҕолоро, сиэннэрэ​ таһаарыылаах үлэлээх учууталга, бастыҥ үөрэнээччигэ стипендия туттараллар. Быйылгы стипендиаттарынан Саха Өрөспүүбүлүкэтин үөрэҕириитин туйгуна​ Александра Жиркова​ уонна 6-с кылаас үөрэнээччитэ​ Валентин Саввинов​ буоллулар.

Саха Өрөспүүбүлүкэтин үөрэҕириитин туйгуна, учууталлар Учууталлара, Өлтөх нэһилиэгин ытык олохтооҕо, оскуолабыт бэтэрээн учуутала​ Варвара Данилова​ стипендиятын алын сүһүөх кылааһы ситиһиилээхтик бүтэрбит туйгун үөрэнээччигэ​ Артем Артамоновка​ анаата.

Уус Алдан үөрэҕин управлениетын начаалынньыга, оскуолабыт выпускнига​ Гаврил Тимофеев​ анал стипендиятын оскуолабыт выпускнигар​ Стас Бурнашевка​ туттарда.

Маны таһынан учууталлар бэйэлэрэ анал ааттары туттардылар. Ол курдук 6-с кылаас үөрэнээччитэ​ Валентин Саввинов​ «Любитель русской словесности», «Саха тылын таптааччы», «Знаток английского» анал ааттар хаһаайыннарынан буолла.

"Бастыҥ спортсмен", "Бастыҥ математик" ааттар 8-с кылаас үөрэнээччитэ​ Вадим Саввиновка​ ананнылар. "Бастыҥ географ" анал ааты 7-с кылаас үөрэнээччитэ​ Денис Исаков​ тутта.

Үөрэх дьылын түмүгүнэн үрдүк ситиһиилээх оҕолорбутугар истиҥ эҕэрдэбитин аныыбыт. Бука барыгытыгар үрдүккэ, сырдыкка, кэрэҕэ тардыһан билии киэҥ аартыгын дабайан иһэргитигэр эрэнэбит.

✍️ Евдокия Карамзина, "Эйгэ" сынньалаҥ киинин сэбиэдиссэйэ
​
☑️ https://vk.com/wall-219778198_35

✅ t.iss.one/murusahargata @ulusmedia

#оскуолаларга

💠 Мүрү 1-гы нүөмэрдээх оскуолата тэрээһиннээхтик ыһыахтаата

Самаан сайын салаллан кэлбит үөрүүтүгэр Мүрү 1-гы №-дээх орто оскуолата үөрэх сылын түмүктүүр Үрүҥ Тунах ыһыаҕын ыам ыйын 27-с күнүгэр ньургуһун сибэккинэн симэммит Томтор анныгар тэрийэн ыытта. Күнэ да туран биэрдэ, эбэ арыый тыаллаах да буоллар, сүүрэ-көтө сылдьар оҕолор төрөппүттэрин кытта айылҕаҕа тахсан үөрүүлэрэ үксээтэ. Быйылгы ыһыах уратылаах буолла – оскуолабыт 150 сааһыгар ананна. Онон бука бары өрө көтөҕүллэн, түмүстүбүт.

Оскуолабыт иитии үлэтин педагогтара, кылаас салайааччылара бары да кыһаллан тэрийдилэр. Үөрэнээччилэр, төрөппүттэр сарсыарда эрдэттэн түһүлгэлэрин киэргэтэн, ыалдьыттары көрсөргө бэлэмнэннилэр. Бииртэн биир араас кыраһыабай, ис хоһоонноох түһүлгэлэри дьэ манна сөҕө-махтайа көрдүбүт.

Алгысчыт Айаал Аргунов үрүҥ айыыларга сүгүрүйэн, сиэри-туому толорон ыһыаҕы арыйда. Ол кэннэ ырыа-үҥкүү саҕаланна. Бастакы күрэхтэһиигэ – хапсаҕайга – кыайбыттар үөрүүлэрэ, хотторбуттар кыһыылара барыта баар буолла. Хапсаҕай кыайыылаахтарынан Дамир Иванов, Айтал Сивцев, Айдын Босиков, Альберт Ефимов буоллулар. Ол кэнниттэн кылаастарынан түһүлгэлэргэ олорон саха төрүт аһын аһаатылар. Оскуола салалтата кылаастарга үтэһэлээх эт уонна минньигэс быырпах биэрэн күндүлээтэ.

✍️ Мария Аммосова, уопсас. кэрэсп. Бороҕон

☑️ Сиһилии: https://мюрюгазета.рф/article/98544

✅ t.iss.one/murusahargata @ulusmedia

#оскуолаларга

💠 Мүрү 2-с нүөмэрдээх орто оскуолатын ыһыаҕа Арассыыйаҕа Педагог уонна настаабынньык, Саха Өрөспүүбүлүкэтигэр Үлэ сылыгар ананна. Ыһыах оҕолорго саха норуотун төрүт үгэстэрин, култууратын билиһиннэрэр, төрөөбүт дойдуга тапталы иҥэрэр сыаллаах ыытылынна.

Ыһыахпыт сүрүн сыалын ситистэ – сылдьыбыт эрэ барыта сир-дойду иччилэригэр, Үрдүк Айыыларга махтанан, алгыс ылан, ырыа ыллаан, тойук туойан, оһуохайдаан, кымыс иһэн, күрэхтэһиилэргэ кыттан, айыы аһын иҥэринэн сүргэтэ көтөҕүлүннэ.

Ытык-мааны эбэлэрбит, аҕаларбыт, ийэлэрбит туох баар тэрээһиннэргэ көхтөөхтүк кытыннылар, оскуола төһүү күүһэ буолалларын көрдөрдүлэр.
Кылаас салайааччылара үлэ бөҕөтө ыыппыттар. Хас биирдии кылаас түһүлгэтин киэргэтэн,.ыалдьыттары ырыанан-тойугунан, үҥкүүнэн, хомуһунан көрүстүлэр. Түһүлгэ тэрээһинигэр үтүмэн үлэ барбыта көһүннэ.

Ыһыах күрэхтэһиилэрэ бары тэҥинэн холкутук ыытылыннылар. Тэрээһин сахалыы тыыннаах ыытыллан, мустубут дьон сэҥээриитин, хайҕалын ылла. Сахалыы майгынан холкутук, чуумпутук, налыччы ааста.

Кылаастар бары олус тэрээһиннээхтик бэлэмнэнэн кытыннылар. Ыраастык хомуллан, түһүлгэ туох да буолбатаҕын курдук налыйан, чуумпуран, алгыһы иҥэринэн хаалла.

✍️ Надежда Васильева, учуутал

✅ t.iss.one/murusahargata @ulusmedia

#оскуолаларга

💠 Кыайыылаах 20 000 солкуобайы ылары ситистэ

Өлтөх нэһилиэгин Орто Эбэ коррекционнай оскуола-интернатын базатыгар үгэс буолбут алтыс төгүлүн ыытыллар илин эҥээр улуустар анал (коррекционнай) оскуолаларын үлэһиттэрин икки ардыларыгар спартакиада ыытылынна.

Спартакиадаҕа уопсайа 4 хамаанда Амматтан, Мэҥэ Хаҥалас Өлөчөйүттэн, Таатта Тыараһатыттан уонна Орто Эбэ коррекционнай оскуолаларыттан сүүмэрдэммит хамаандалар кэлэн илин-кэлин түһүстүлэр.

Күрэхтэһии көрүҥнэрэ: буулдьанан ытыы, волейбол, остуол тенниһэ, мас тардыһыыта, дуобат, канат тардыһыыта. Күүстээх күөн көрсүһүү кэнниттэн очукуобут Өлөчөй оскуолатын кытта тэҥнэһэн таҕыста. Ол да буоллар, хаачыстыбанан Өлөчөй бастакы миэстэни ылары ситистэ. Уонна кыайыылаах хамаанда оскуолалар бары кыттыспыт усунуоспут 20 000 солкуобай харчытынан наҕараадаланна.

✍️ Надежда Колодезникова, Орто Эбэ анал коррекционнай оскуолатын дириэктэрэ

✅ t.iss.one/murusahargata @ulusmedia

#оскуолаларга

⏺ Сыырдаах оскуолатыгар ”Уйгулаах көмүс күһүн” тэрээһин буолла

Самаан сайыммыт күрэнэн, от-мас хагдарыйан көмүс күһүн араас элбэх бэлэхтэрдээх, өлгөм сир астаах, көмүс солотуулаах куоластаах бурдук үүнүүлээх, элбэх битэмииннээх оҕуруот астаах үөрэн-көтөн мичилийэн тиийэн кэллэ. Ол курдук балаҕан ыйын 15 күнүгэр И.С. Портнягин аатынан Сыырдаах орто оскуолатыгар көмүс күһүҥҥэ аналлаах ”Уйгулаах көмүс күһүн” тэрээһин буолан ааста.

Оскуола үөрэнээччилэрин, үлэһиттэрин, төрөппүттэрин, уопсастыбаннаһы түмэр “Атыылаа-атыылас” күһүҥҥү дьаарбаҥка ыытыллыбыта. Дьаарбаҥкаҕа үөрэнээччилэр, төрөппүттэр кылааска харчы киллэринэр сыалтан бэйэлэрэ астаммыт минньигэс бэйэлээх астарын, кэнсиэрбэлэрин атыылаабыттара. Кыттааччы кылаас (төрөппүт) турар сирдэрин күһүҥҥүлүү сиэдэрэйдик киэргэппиттэрэ көрүөххэ сүрдээх кыраһыабай көстүүлэммитэ.

☑️ https://мюрюгазета.рф/syyrdaah-oskuolatygar-ujgulaah-kemys-kyhyn-tereehin-buolla/

✅ t.iss.one/murusahargata @ulusmedia

#оскуолаларга

👍 Лөгөй үөрэнээччилэрэ PROMO-ролик уһуллулар

Күөйэн кэлбит күһүҥҥү көмүс айылҕаны дьүһүйэ Лөгөй орто оскуолатын 11-с кылааһын үөрэнээччилэрэ Invent ырыатыгар PROMO-ролик устан холоннулар.

Бу туһунан видео устубут уонна таҥан оҥорбут Коля Олесов маннык кэпсээтэ:

– Бастатан туран, саамай таптыыр, убаастыыр, күндү учууталбытыгар Любовь Евгениевна Петуховаҕа махталбытын тиэрдиэ этибит. Кини баар буолан биһиги араас улахан куонкурустарга, күрэстэргэ кыайыылаах миэстэлэри ылабыт. Учууталбыт салайыытынан биһиги кылаас иһигэр медиа куруһуок үлэлиир. Онно хас да сыл дьарыктанныбыт. Онон оскуолабыт бырайыага «Инносфера-2023» күрэскэ кыайыылаах аатын ыларыгар биһиги кылаас бэйэбит кылааппытын киллэрбиппит.

Бу бырайыак күрэскэ кыайан оскуолабыт сайдарыгар 1.000.000₽ суумалаах граны ыларга үлэлэспиппититтэн астынабыт. Онон сотору саҥа оборудование кэлэрин күүтэбит. Бу барыта улахан кыһаллыыттан уонна үлэттэн тахсыбыта.

Ролигы учууталбыт салалтатынан биһиги кылааспыт устар бөлөҕө уһулла. Алина Ноговицына режиссердаата,
сүрүн геройбут – Арсен Сокорутов. Бу клибы биһиги саҥа, улахан «Дьикти Күhүн» диэн бырайыакпытыгар анаан уһуллубут.

Балаҕан ыйын 23 күнүгэр киэһэ 17:00 чаастан Лөгөй орто оскуолатыгар уоттаах-күөстээх open-air форматтаах тэрээһин буолаары турар, ол кэнсиэрбитигэр ыччат сөбүлүүр ырыаһыта талааннаах INVENT ыҥырылынна. 

✍️ Мария Аргунова

☑️https://мюрюгазета.рф/legej-yereneechchilere-promo-rolik-uhullular/

✅ t.iss.one/murusahargata @ulusmedia

#оскуолаларга

✊ Оҕо аймах доҕордоһуута "Дьикти күһүн" OPEN-AIR дискотекаҕа олохтонно

Күһүҥҥү умнуллубат күн быйылгы үөрэх сылын чаҕылхай саҕалааһына буолла. Аһаҕас халлаан аннынан дискотекаҕа улуус үөрэнээччилэрэ түмсэн, Лөгөй орто оскуолатын 11 кылааһа доҕордоһуу күнүн тэрийдибит.

Бу бырайыак биһиги кылааспыт идиэйэтэ. Бастакы open-air үөрэх сыла бүтэригэр оскуола иһинэн бастакытын тэрийбиппит, оҕолор олус сөбүлээбиттэрэ. Бу тэрээһиммитигэр элбэх киһи кутун-сүрүн туппут Jeada кистэлэҥ ыалдьытынан кэлэн тэрээһиммитин киэргэппитэ, соһуччу үөрүүнү бэлэхтээбитэ. Ону кытары киэһэни djMaco тэтимнээх ырыатынан атаарбыппыт.

Быйылгы үөрэх дьылыгар бырайыакпытын салҕаан “ДЬИКТИ КҮҺҮН” open-air улууспут оҕолоругар анаан ыыттыбыт. Улууспут элбэх оскуолатыттан ыалдьыттар кэлэннэр олус үөрдүбүт, долгуйдубут. Күһүҥҥү доҕордоһуу киэһэтигэр ыччат кутун туппут Invent ыалдьыттаан, элбэх оҕо баҕа санаата туолла. Манна оҕолор Инвент “Курдары көстөр таптал”, “Сибэкки” ырыаларыгар вальс туруоран дьон биһирэбилин ыллылар. Киэһэни тэтимнээх үҥкүүнэн djDrwg киэргэттэ.

Лөгөй 11 кылааһын үөрэнээччилэрин, тэрийээччилэрин ааттарыттан махтанабыт хас биирдии ыалдьыппытыгар! Махталбытын биллэрэбит куруук биһиги идиэйэбитин өйүүр, өйдүүр оскуолабыт салайааччыларыгар Михаил Петровичка, Марианна Николаевнаҕа уонна күүс-көмө буолбут бары дьоммутугар!

✍️ Дарина Петухова, Лөгөй орто оскуолатын 11 кылааһын үөрэнээччитэ

✅ t.iss.one/murusahargata @ulusmedia

#оскуолаларга

Мүрү 2-с нүөмэрдээх орто оскуолатыгар күһүҥҥү дьаарбаҥка көхтөөхтүк, үгүс кыттааччылаах, тэрээһиннээхтик ааста😍👏👍

Үгэс курдук кылаас салайааччылара, төрөппүттэр, үөрэнээччилэр бары тэринэн, араас тиэмэлээх атыы сирдэрин сиэдэрэйдик оҥостон кытыннылар🥧🍱🥗🍔🍟🍕🍭🍪🍩

«Күһүҥҥү букет», «Атыы бастыҥ туочуката», «Бастыҥ күһүҥҥү видеорилс», о.д.а. куонкурустар ыытылыннылар🔥👍👏

✅ t.iss.one/murusahargata @ulusmedia

#оскуолаларга

⏺Найахыга Тима Арсентьев бырайыагынан «Sitim» видеостудия үлэтин саҕалаата

Бүгүн И.И. Гоголев-Дыргыабай аатынаноскуолаҕа «Sitim» видеостудия үөрүүлээх аһыллыыта «Уолан» бөлөх хоһооннорунан саҕаланна.

Ыччат Бүтүн Россиятааҕы федеральнай агентствотын күрэҕэр 98 кыттааччыттан 16 кыайыылаах ыччат ахсааныгар киирэн, Тима Арсентьев уонна кини хамаандата 250 000 солк. суумалаах граны тутан үөрүү өрөгөйүн билбиттэрэ. Онон оҕолор аныгылыы оборудованиелаах кабинекка үлэлэрин саҕалаатылар.

✍️ Светлана Петрова, ветеран учуутал, уоспас. кэрэсп. Найахы

☑️ Сиһилии: https://мюрюгазета.рф/najahyga-tima-arsentev-byrajyagynan-sitim-videostudiya-yletin-sa5alaata/

✅ t.iss.one/murusahargata @ulusmedia