📰📰📰

⭕ Мүрү нэһилиэгэр үс ыйдаах ырааһырдыы субуотунньуктара биллэриллэн, муус устартан саҕалаан “Улуу Кыайыы күнүн нэһилиэкпитин ырааһырдан көрсөбүт” диэн ыҥырыынан тэрилтэлэр, түөлбэлэр сыһыарыылаах сирдэрин, уулуссаларын, дьиэлэрин таһын хомуйан, күргүөмнээх ырааһырдыы үлэтигэр таҕыстылар.

⭕ Нэһилиэккэ 15 түөлбэ олохтоохторо переулоктары, эбэ кытыытын, ТКО бөҕүн, ону кытары тэрилтэлэр ким да бас билбэт сиригэр сытар кири-хоҕу “Кузов” эпэрээссийэнэн барыта киһи тахсан хомуйда.

📌 Мүрү нэһилиэгин дьаһалтатын сүрүннүүр исписэлииһэ Сергей Шепелев: “Хас биирдии түөлбэ салайааччыта бу сылын аайы ыытыллар ырааһырдыы ыйдарыгар кыттыыны тэрээһиннээхтик ыытан, дьон-сэргэ баҕа өттүнэн олорор түөлбэлэрин, Мүрү алааһы ырааһырдыыга санаатын ууран үлэлэһэр буолан, күргүөмнээх, көхтөөх субуотунньуктар тэриллэллэр”, – диэн бэлиэтиир.

⭕ Түөлбэлэр хомуллубут бөҕү-сыыһы бэйэлэрин тиэхиньикэлэринэн хомуйан тиэйтэрдилэр, ону тэҥэ ким да бас билбэт сирдэригэр хомуллубут бөҕү тиэйиигэ урбаанньыт Ньургун Копырин үлэлэстэ.

⭕ Аны ыам ыйын 20 күнүттэн улахан субуотунньук ыытыллан, стадион, эбэ кытыытынааҕы сирдэр, хаалбыт уулуссалар хомуллуохтара. Үлэлээн-хамсаан, айа-тута олорор төрүт түөлбэбит ыраас, чэбдик буоларын туһугар көхтөөх үлэҕэ түмсэ туруоҕуҥ.

#уйгусирэуусалдан
#уусалданхаһыата
#мүрүсаһарҕата
#ырааһырдыыүсыйа
#мүрүнэһилиэгэ
https://www.instagram.com/p/COzTcMQsqE4/?igshid=1qf8zg36cqu9g

📰📰📰

⭕ Түүлээх нэһилиэгин тэрилтэлэрэ бэйэлэрин территорияларын, киин уулуссаны ыраастааһыҥҥа бүгүн улахан субуотунньукка таҕыстылар.

⭕ Итини таһынан, өрүскэ киирэр суолга баар свалканы астарыы, ыраастааһын үлэтэ буолла.

⭕ Түөлбэлэр эмиэ олорор сирдэринэн тахсан, ыраастааһыҥҥа кыттыстылар. Ол курдук, "Сарыал" түөлбэ арочнай гараж таһыгар хас эмэ сылы быһа мунньуллан сыппыт тимири, бөҕү, уулуссатын кытыытын, тас өттүн хомуйууга күүстээхтик үлэлээтэ.

⭕ Ону таһынан иһэр, туттар ууну баһар сирбитигэр – Сатаҕай эбэҕэ тиийэр суолга уу туран хаалбытын мотопомпанан бырахтардылар.

⭕ Манна даҕатан билиһиннэрдэххэ, нэһилиэккэ уу баһар массыынаны ППМИ бырагыраамаҕа киирсэн ылбыппыт. Онно суоппарынан Андрей Неустроев үлэлиэхтээх.

🖊️ Туяра Ушницкая, уопсас. кэрэсп.

#уйгусирэуусалдан
#уусалданхаһыата
#мүрүсаһарҕата
#түүлээхнэһилиэгэ
#ырааһырдыыүсыйа
#субуотунньук
https://www.instagram.com/p/CO5Y_pIsLNx/?utm_medium=share_sheet

📰📰📰

⭕ Өрөспүүбүлүкэ ураты харыстанар сирдэриттэн биирдэстэрэ – I Хоро нэһилиэгин Чараҥ бөһүөлэгин сиригэр-уотугар киирэр Нэлээн диэн хатыҥнаах чараҥ Мүрү алааһы киэргэтэн, симээн турар. Сыллата бу кэрэ сиргэ үгүс киһи сынньана, кэрэхсии мустар, сөҕөр-махтайар.

⭕ Оннук сынньалаҥ кэнниттэн сорохторо бөхтөрүн-сыыстарын ыһан, хаалларан бараллара да баар. Онон Чараҥ бөһүөлэгин олохтоохторо, чуолаан тэрилтэлэринэн арахсан, өрүү субуотунньукка тахсаллар.

⭕ Быйыл эмиэ ырааһырдыы үс ыйын чэрчитинэн нэһилиэк дьаһалтата территорияларынан тыыран, олохтоохтор Нэлээҥҥэ үс күннээх ыраастаныы субуотунньугун тэрийдилэр. Итиэннэ сылгылар алдьатан киирбит күрүөлэрин-хаһааларын өрөмүөннүүр сыалтан, олохтоох көҕүлээһини өйүүр бырайыак чэрчитинэн, үйэлээх гына тимиринэн олбуордааһын үлэтэ саҕаланна.

#уйгусирэуусалдан
#уусалданхаһыата
#мүрүсаһарҕата
#ырааһырдыыүсыйа
#чараҥ
#нэлээн
https://www.instagram.com/p/CPDWeKGMwnE/?utm_medium=share_sheet

📰📰📰

⭕ II-с Лөгөй нэһилиэгэр үс ыйдаах ырааһырдыы кэмэ биллэриллэн, бөһүөлэкпитин тупсарыыга саас эрдэттэн күргүөмнээх үлэ ыытыллар.

⭕ Ол курдук, түөлбэлэринэн, тэрилтэлэринэн үллэстэн, өссө хаардаахха эбэлэрбитигэр субуотунньуктар саҕаламмыттара. Хомуллубут бөҕү куулларга хаалаан, тута тиэйии тэриллэн, ырааһырбыппыт тута харахха быраҕыллар.

⭕ Салгыы хаар ууллуута аартыктары ыраастааһын сылын аайы тэриллэр. Хомойуох иһин, ордук Бороҕоннуур аартыкпыт киһи сонньуйуох курдук бөҕүнэн туолар. Айанньыттарга "аартыктары киртитимэҥ!" диэн хаһыытыаҕы баҕарыллар.

⭕ Онтон аны ыаллар бары олбуордарын иһин, тустаах уулуссаларын кэмигэр ыраастанар буолбуттара үтүө үгэскэ кубулуйда. Арай соҕотох, кыаммат бэрт аҕыйах ыал кыайан ыраастаммат. Оннук ыалларга олохтоох дьаһалта күүһүнэн көмө оҥоһуллар.

⭕ Холобур, бу күннэргэ 86 саастаах үлэ, тыыл бэтэрээнэ Анна Троева кыһынын ыалга кыстаан баран, тэлгэһэтин ахтан аҕай сайылыгар көһөөрү бэлэмнэнэрин билэн, дьаһалта үлэһиттэрэ олбуорун ыраастаан, саһаанын бэрээдэктээн, кырдьаҕас эдьиийдэрин махталын ыллылар.

🖊️ Уопс.кэрэсп. Мариса Васильева – Күбэйэ.

#уйгусирэуусалдан
#уусалданхаһыата
#мүрүсаһарҕата
#тулуна
#ырааһырдыыүсыйа
https://www.instagram.com/p/CPLM7lEsKfb/?utm_medium=share_sheet

📰📰📰

⭕ Бу күннэргэ хайа даҕаны нэһилиэккэ ырааһырдыы субуотунньуктара тэриллэн, олохтоохтор түөлбэлэринэн, үлэһиттэр тэрилтэлэринэн сыһыарыылаах сирдэригэр тахсаллар. Ону кытта олорор түөлбэм туһа диэн бэйэлэрин баҕаларынан, ис сүрэхтэриттэн кыһаллан хомуйа-ыраастыы сылдьар биирдиилээн дьон эмиэ бааллар.

⭕ Кэптэни бөһүөлэгин олохтооҕо, үлэ бэтэрээнэ – элбэх оҕо ийэтэ, эбэтэ, хос эбэтэ Анна Прокопьевна Стручкова 74 саастаах. Кини сарсыарда эрдэ Чагдаҕа тахсар суолу, эбэ кытылын ыраастыы сылдьарын төрдүс күммүн көрдүм. Бу курдук нэһилиэк биир көхтөөх эбэтэ олорор бөһүөлэгэ ыраас, тас көстүүтэ тупсаҕай буоларын туһугар бэйэтин сэмэй кылаатын күннэтэ киллэрэр.

🖊️ Ульяна Бурнашева, уопс. кэрэсп.

#уйгусирэуусалдан
#уусалданхаһыата
#мүрүсаһарҕата
#кэптэни
#ырааһырдыыүсыйа
https://www.instagram.com/p/CPW7m-pM4SC/?utm_medium=share_sheet

📰📰📰

⭕ Улуус санитарнай сулууспатын тэрилтэлэрин – Роспортебнадзор улуустааҕы салаатын уонна гигиена, эпидемиология киинин кэлэктииптэрэ ырааһырдыы субуотунньугар таҕыстылар.

⭕ Сулууспа үлэһиттэрэ бэлиэтээбиттэринэн, кинилэр сыһыарыылаах сирдэригэр – СЭС хонтуоратыттан арҕаа заправкаҕа диэри – бөх сыллата аҕыйаабат. Ордук чааһынай дьиэлэр тастара кирдээҕин, сорох тэрилтэлэр эмиэ улахан бөхтөрө сытарын этэллэр.

📌 Маныаха: “Табах тобоҕо, чипсы хаата, кэмпиэт суута, гаастах утах бытыылкалара бөх буолан сыталлар. Онон ыччаты, оҕолору кытта үлэ барыан наада”, – дииллэр.

#уйгусирэуусалдан
#уусалданхаһыата
#мүрүсаһарҕата
#ырааһырдыыүсыйа
#субуотунньук
#мүрүнэһилиэгэ
https://www.instagram.com/p/CPaPyDhsPN7/?utm_medium=share_sheet