📰📰📰

⭕ “Улуус хаһыатын ааҕабыт” аахсыйаны II Лөгөй нэһилиэгин дьаһалтатын баһылыга Иннокентий ТРОЕВ тута өйөөн, бөһүөлэк үс олохтооҕор алта ыйга хаһыаты суруттарда. Ол курдук, сэрии бэтэрээнэ, улуус ытык олохтооҕо Василий Васильевка, тыыл бэтэрээнэ Тихон Бурнашевка, сэрии кэмин оҕото Розалия Кривошапкинаҕа бу сурутуулары анаата.

⭕ Хаһыат аахсыйата Тулуна бөһүөлэгиттэн салгыы Тумул бөһүөлэгэр баһылык Василий Алексеевка туттарыллан, сурутааччы өссө эбиллэрин күүтэбит.

⭕ Билигин аахсыйаҕа Дүпсүн, Өнөр, Өспөх, I Өспөх, Хоро, Курбуһах, Баатаҕай, Өлтөх, Бэрт Ууһа, Лөгөй, Мүрү, II Лөгөй нэһилиэктэрин дьаһалталара кыттыһан, ааҕааччыбыт биллэ эбилиннэ. “Улуус хаһыатын ааҕабыт” сурутуу аахсыйата салҕанар!

#уйгусирэуусалдан
#мүрүсаһарҕата
#сурутууаахсыйата
#хаһыатбырайыага
https://www.instagram.com/p/CNJYQstM2QO/?igshid=qyuruqwoi2kz

📰📰📰

⭕ Аҕа дойду Улуу сэриитин кыттыылааҕа, алта бойобуой уордьан толору кавалера, гвардия майора Дмитрий Данилович Оллонов биир дойдулаахтара – Түүлээх нэһилиэгин олохтоохторо, чулуу буойун албан аатынан тумус туттан, кини бойобуой суолугар сүгүрүйэн туран бырайыакпытыгар кыттыһаллар. Онон билигин биһиги кэккэбитигэр баар сэрии бэтэрээннэрин ытыктаан, кинилэр ыра санаалара туолуутугар күүс-көмө буоларга бары нэһилиэктэр олохтоохторун ыҥыраллар.

📌 Бэтэрээннэргэ көмөнү "Россельхозбаан" 4353 0300 5888 1329 №-дээх каартатыгар ханнык баҕарар баан каартатыттан ыытыахха сөп. Сиһилии 8-967-926-86-48 нүөмэргэ эрийэн билсиҥ.

#уйгусирэуусалдан
#мүрүсаһарҕата
#хаһыатбырайыага
#бэтэрээнырасанаата
https://www.instagram.com/p/CNJjgNIMkbw/?igshid=1l9idf8bs97p4

📰📰📰

⭕ “Улуус хаһыатын ааҕабыт” аахсыйаны Бороҕон нэһилиэгин дьаһалтатын баһылыга Василий Алексеев тутан, нэһилиэк олохтооҕор, сэрии сылын оҕотугар Мария Васильеваҕа, үлэ бэтэрээнэ Варвара Алексееваҕа, инбэлиит, биэнсийэлээх Анна Алексееваҕа алта ыйга “Мүрү саһарҕатын” суруттарда.

⭕ Маннык көхтөөхтүк нэһилиэктэр баһылыктара аахсыйабытын өйөөн, күн-түүн ааҕааччыбыт эбиллэн иһэриттэн үөрүүбүт үрдүүр.

⭕ Бу күҥҥэ сурутуу аахсыйатыгар 13 нэһилиэк дьаһалтатын баһылыга кыттан, баар 21 нэһилиэктэн улахан аҥара хамсааһыммытын өйөөтө.

⭕ Салгыы I Хоро нэһилиэгэ, баһылык Василий Бурцев аахсыйаҕа кыттыһарын биллэрдэ.

#уйгусирэуусалдан
#уусалданхаһыата
#мүрүсаһарҕата
#хаһыаккасурутуу
#хаһыатбырайыага
#улуусхаһыатынааҕабыт
https://www.instagram.com/p/CNeBPIYsDku/?igshid=hwpum78iwy05

📰📰📰

⭕ “Улуус хаһыатын ааҕабыт” аахсыйа Тумул бөһүөлэгиттэн (баһ. Василий Алексеев) Найахы нэһилиэгэр тиийдэ.

⭕ Найахы нэһилиэгин баһылыга Петр Сивцев сэрии бэтэрээнэ, улуус ытык кырдьаҕаһа Николай Ивановка, тыыл бэтэрээннэрэ Николай Гороховка, Мария Румянцеваҕа улуус хаһыатыгар алта ыйга босхо суруттарда.

⭕ Маннык үтүө бачыымы олохтуур хаһыат аахсыйата нэһилиэктэн нэһилиэккэ баран, ааҕааччыбыт эбиллэрэ үөрүүлээх.

⭕ Салгыы Суотту нэһилиэгин дьаһалтатын баһылыга Василий Иванов улуус хаһыатыгар босхо сурутууну тэрийиэҕэ.

#уйгусирэуусалдан
#уусалданхаһыата
#мүрүсаһарҕата
#хаһыатбырайыага
#сурутууаахсыйата
#улуусхаһыатынааҕабыт
https://www.instagram.com/p/COEnRpDsFXy/?igshid=1xjcsvroabw2p

📰📰📰

⭕ “Улуус хаһыатын ааҕабыт” аахсыйа салҕанан Байаҕантай нэһилиэгэр тиийдэ. Нэһилиэк дьаһалтатын баһылыга Савва Егоров тыыл бэтэрээннэригэр Екатерина Семеновна Готовцеваҕа, Лука Лукич Андросовка, Николай Петрович Аммосовка улуус хаһыатын алта ыйга босхо суруттаран бэлэх уунна.

⭕ Бу курдук сурутуу аахсыйата нэһилиэктэри үксүлэрин хабан, дьаһалталар өйөбүллэринэн ааҕааччы ахсаанын эбэн иһэрэ үөрүүлээх. Мантан сиэттэрэн, улуус хаһыатын, Инстаграмҥа @muru.sahargata сирэйин уонна мюрюгазета.рф хаһыат анал сайтын сэргээччи, ааҕааччы кэҥээтин.

⭕ Салгыы сурутуу аахсыйатын I Хоро нэһилиэгин дьаһалтатын баһылыга Василий Бурцев тэрийиэҕэ.

#уйгусирэуусалдан
#уусалданхаһыата
#мүрүсаһарҕата
#улуусхаһыатынааҕабыт
#хаһыатбырайыага
#сурутуу
https://www.instagram.com/p/CPE-IoJs9cT/?utm_medium=share_sheet

📰📰📰

⭕ Улуус хаһыатын "Бэтэрээн ыра санаата" бырайыагынан улуус олохтоохторуттан хомуллубут көмө харчыны бэтэрээннэрбитигэр туттарыы долгутуулаах түгэнэ буолла.

⭕ Ол курдук, бүгүн бырайыак эппиэттээхтэрэ – хаһыаппыт кэрэспэдьиэнэ Ольга Шепелева, кылаабынай эрэдээктэр Наталья Попова уонна бырайыакпытын хара маҥнайгыттан өйөөбүт улуус дьокутааттарын сэбиэтин бэрэссэдээтэлэ Иван Колодезников, ону сэргэ бэтэрээннэр улуустааҕы сэбиэттэрин бэрэссэдээтэлэ Олег Федоров, социальнай көмүскэл улуустааҕы управлениетын салайааччыта Елена Кривошапкина Тулунаҕа уонна Найахыга тиийэн, Василий Ананьевич Васильев кыыһыгар Ольга Васильеваҕа уонна Николай Николаевич Иванов кыыһыгар Александра Федороваҕа көмө аахсыйа кэмигэр хомуллубут үбү уонна Николай Ивановка социальнай көмүкэл улуустааҕы управлениета тустаах министэристибэҕэ сайаапканан 30 тыһ. солк. суумалаах көмөнү көрдөрөн, хас биирдиилэригэр 183 600 солкуобайы сэмэй быһыыга-майгыга туттардылар.
Хомойуох иһин, Василий Ананьевич быйыл от ыйыгар 96 сааһыгар олохтон туораабыта, онон кини ыра санаатын чугас дьоно олоххо киллэриэхтэрэ диэн эрэнэбит. Оттон 97 саастаах Николай Николаевич билигин кыыһын Александра сылаас сыһыаныгар угуттанан, киниэхэ олорор.

⭕ Санатан эттэххэ, бу быйылгы бырайыакпыт сэрии бары кыттыылаахтарын ааттарын үйэтитэргэ, биһиэхэ, эдэр көлүөнэҕэ, эйэлээх халлааны бэлэхтээбит күндү бэтэрээннэрбит ыра санааларын олоххо киллэрэргэ анаммыта.

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#хаһыатбырайыага
#бэтэрээнырасанаата
#көмөаахсыйа
#кимдаумнуллубаттуохдаумнуллубат
https://www.instagram.com/p/CTgvBStM34L/?utm_medium=share_sheet