#бэлиэкүн

🥾Сэтинньи 26 күнүгэр аан дойду үрдүнэн Саппыкыһыт –атах таҥаһын оҥорооччу, өрөмүөннээччи күнэ бэлиэтэнэр.

👞 Былыр атах таҥаһа илиинэн оҥоһуллар үлэлэргэ киирсэрэ. Ол иһин атах таҥаһын маастара мэлдьи ытыктанара, кини үлэтэ улахан сыанаҕа турара.

👞 Олох сайдыытын кытта бу эйгэ эмиэ сайдан, промышленность бөдөҥ салаатыгар кубулуйбута. Илии үлэтин массыыналар солбуйбуттара.

👞 Саха сирин тымныы кыһынын тыс этэрбэс эрэ этэҥҥэ туоратар. Билиҥҥи кэмҥэ атах таҥаһын маастардара үлэлэрин үгэнэ. Этэрбэс улларыыта, тигиитэ, абырахтааһына... Саха этэрбэһэ барахсан сылааһа, чэпчэкитэ, сымнаҕаһа дэлэлээх буолуо дуо?!

👞 Улууспутугар олорор маастардарбытын Идэлээх күҥҥүтүнэн эҕэрдэлиибит!

✅ @uamurusahargata

#бэлиэкүн

🐶 Сэтинньи 30 күнүгэр аан дойду үрдүнэн Дьиэ кыылын харыстыыр күн бэлиэтэнэр.

🐶 Этиллэрин курдук, ''бэйэбитигэр сыһыарбыппытыгар эппиэтинэһи сүгүөхтээхпит''. Дьиэ кыылын харыстааһын күнүн аныыры 1931 с. Италияҕа айылҕа харыстабылын хамсааһынын аан дойдутааҕы кэнгириэһигэр быһаарбыттара. Онно кыттыыны ылбыт тэрилтэлэр дьон сир үрдүгэр баар бары хамсыыр харамайга, ол иһигэр дьиэ кыылларыгар, эппиэтинэстэрин үрдэтэргэ туруорсубуттара.

🐶 Тугу кистэниллиэй, үгүс дьон ис дьиҥин, эппиэтинэһин өйдөөбөккө сылдьан кыылы иитэ ылаллар. Тыынар тыыннаах сөптөөх аһылыкка, эмкэ-томко, көрүүгэ-харайыыга наадыйар. Ити ирдэбиллэр тутуһуллубаттарын түмүгэр бэйдиэ сылдьар ыт, куоска элбэх. Ол содулун бары истэ-билэ сылдьабыт. Оттон кыыл, кини ыт, куоска, чарапаахы, көтөр да буоллун, сиэрдээх сыһыаҥҥа наадыйар.

🐶 Арассыыйаҕа бу күн 2000 сылтан бэлиэтэнэр. Бүгүҥҥү күн дьиэҕэ тутуллар кыылга эппиэтинэскэ ыҥырар. Эн дьиэҕэр туох кыыл баарый? Кини туһугар төһө кыһаллаҕын?

Уйаара КУСТУК

✅ @uamurusahargata
@ulusmedia

#бэлиэкүн

♿️Ахсынньы 3⃣ күнэ – Доруобуйаларынан хааччахтаах дьон аан дойдутааҕы күннэрэ.

♿️Бу күн 1992 с. Холбоһуктаах Нациялар тэрилтэлэрин 10 сыллааҕы үбүлүөйүгэр инбэлииттэр бырааптарын көмүскүүр, кинилэр кыһалҕаларыгар уопсастыбаннас интэриэһин тардар туһуттан бигэргэммитэ.

♿️ Аан дойдуга 1,3 миллиард киһи, ол эбэтэр хас алтыс киһи, араас көрүҥ ыарыыларга хааччахтанар. Онтон 100 мөлүйүөнэ – оҕолор. Кинилэр күннээҕи олоххо араас кыһалҕалары көрсөллөр. Оттон хас киһи уопсастыбаҕа туһалаах буолуон баҕарар, олох дьолун толору билэр бырааптаах. Онуоха бу күн анаммыта болҕомтону, үлэни күүһүрдэр.

♿️ Күн бүгүн доруобуйаларынан хааччахтаах дьон олоҕун тупсарыыга судаарыстыба өттүттэн туһааннаах өйөбүл оҥоһуллар, көмө көрүллэр, тэрээһиннэр ыытыллаллар.

♿️ Өскөтүн эн аттыгар доруобуйатынан хааччахтаах киһи баар буоллаҕына, кини олоҕун тупсарыыга кыаххынан көмөлөс, сиэрдээх уопсастыба олоҕор бэйэҥ кылааккын киллэр.

Уйаара Кустук

✅ @uamurusahargata

#бэлиэкүн

🎅 Доҕоттоор, бу күнү куоттарымаҥ! 🎄🎄🎄Саҥа дьылбыт чугаһаата. Ахсынньы 4⃣ күнэ – Тымныы Оҕонньорго сурук суруйар, бэлэххэ сакаас оҥорор күн🎁

🎅 Саҥа дьыл оҕоҕо эрэ сөптөөх бырааһынньык курдук ылыныы баар даҕаны, олох үөрүүтэ, табыллыыта киһи ис санаатыттан тутулуктааҕынан, бу күҥҥэ итэҕэйэр оруннаах.

🎅 Бүгүн киэһэ үлэ кэннэ оҕолоргутун, сиэннэргитин кытта кумааҕы, харандаас ылан, кэлэр сылга баҕа санааҕытын суруйуҥ. Сиэдэрэй кэмбиэрдээн, почта дьааһыгар угуҥ.

🎅 Арай санаатахха, күлүүлээх курдук эрээри, онон эһиги баҕа санааҕытын куйаарга ыытаҕыт. Оттон куйаар кини киэлитигэр кэлбит дьоҥҥо биир кэлим дьолу баҕарар.

🎅 Оҕо дьолго итэҕэйэригэр тирэх буолуҥ. Бэйэҕит эмиэ дьиктигэ, кэрэҕэ итэҕэйиҥ!

🎅 Суругу маннык аадырыска ыытаҕыт: г. Великий Устюг, дом Деда Мороза. Электроннай аадырыска эмиэ ыытыахха сөп: [email protected]

✅ @uamurusahargata @ulusmedia

#бэлиэкүн

👍 Бүгүн Бүтүн Арассыыйатааҕы ВОЛОНТЕР күнэ. Бэлиэ күн дойду Бэрэсидьиэнэ Владимир Путин 2017 сыл сэтинньи 27 күнүнээҕи Уурааҕынан олоххо киирбитэ.

👍 Волонтер күнэ историяҕа тирэммитэ. Хамсааһын өссө Былыргы Русь саҕаттан баар. Үлэ хардарыта көмөлөсүһүүгэ тирэммитэ. Оччотооҕу олох-дьаһах, үлэ, итэҕэл онуоха тирэх буолбута. ''Бары бүттүүн'' диэн өйдөбүлү өрө тутан, хамсааһын күн баччаҕа кэлэн, анал күҥҥэ кубулуйда.

👍 Билигин ханнык баҕарар хайысхаҕа волонтердар үлэлииллэр. Кинилэр айылҕа таһаарар быһылааннарыгар, сүппүт дьону көрдөөһүҥҥэ, кыаммакка-түгэммэккэ, маассабай тэрээһиннэргэ көхтөөхтүк үлэлииллэр. Билигин Анал байыаннай дьайыы кыттыылаахтарыгар волонтердар улахан көмөлөрө сүҥкэн.

👍 Күн бүгүн фроҥҥа ыытыллар көмөҕө элбэх киһи кыттыыны ылар. Хас кырбас эти бэрсибит, сиэккэ баайсыбыт, харчынан кыттыспыт, байыаһы көрсөр-харайсар киһи волонтерга кыттыһар.

👍 Волонтер күнүнэн үтүө сүрэхтэринэн үлэлэһэ сылдьар биир дойдулаахтарбытыгар эҕэрдэ!

Уйаара КУСТУК

✅ @uamurusahargata
@ulusmedia

#бэлиэкүн

✈️ Бүгүн – гражданскай АВИАЦИЯ аан дойдутааҕы күнэ.

✈️ Аныгы үйэни авиацията суох көрбөккүн. Гражданскай авиация дьону, таһаҕаһы, почтаны таһыыга, нэһилиэнньэҕэ медицинскэй көмөнү оҥорууга, санитарнай, олоҕу быыһыыр үлэни толорууга сүдү оруоллаах.

✈️ Бу күн 1996 с. ХНТ Генеральнай Ассамблеятынан бигэргэммитэ. Арассыыйаҕа гражданскай авиация сэбиэскэй сойуус күүһүн ылынар кэмигэр 1923 с. саҕаламмыта. Ити сыл аан бастакы сөмөлүөт Москуба - Нижнэй Новгород хайысханан 420 км уһуну көппүтэ.

✈️ Арассыыйаҕа 200 тыһ. тахса нэһилиэнньэлээх пуун гражданскай авиация эрэ көмөтүнэн олорор.

✈️ Бу күн нэһилиэнньэ судаарыстыба социальнай уонна экэнэмиичэскэй олоҕор гражданскай авиация оруолун, суолтатын өйдүүрүгэр туһуланар.

✈️ Билиҥҥи авиацияҕа элбэх саха үлэлиир. Бу эйгэҕэ сыһыаннаах биир дойдулаахтарбытыгар эҕэрдэ истиҥин, итиитин аныыбыт.

✅ @uamurusahargata

#бэлиэкүн

📍Бүгүн Киһи уонна кыыл быраабын көмүскэлин күнэ.
Сир үрдүгэр төрөөбүт тыынар тыыннаах барыта анаммыт олоҕун толору олорор бырааптаах.

📍 1948 с. бу күн киһи тириитин өҥүттэн, тылыттан, итэҕэлиттэн, омугуттан, олоҕун тутулуттан, эр киһи, дьахтар буоларыттан тутулуга суох быраабын көмүскүүр Уопсай декларация ылыныллыбыта. Ол докумуон 570-тан тахса тылынан тылбаастаммыта. Онтон 1950 с. ХНТ Генеральнай ассамблеята бүтүн күнү анаабыта.

📍 Киһи быраабын күнүн кытта кыыллар бырааптарын көмүскүүр күн бииргэ түбэспитэ мээнэҕэ буолбатах. Кыыл быраабын декларацията 1998 с. оҥоһуллубута. 10 ыстатыйалаах докумуоҥҥа кыыл киһини кытта тэҥ бырааптааҕа, көҥүллээҕэ суруллар. Киниэхэ сидьиҥ сыһыан сокуонунан накаастаныллара ыйыллар.

📍 Дьоҥҥо-сэргэҕэ, тыынар тыыннаахха амарах сыһыан - сир үрдүгэр кэлбит киһи сиэрдээх быһыыта. Биһиги бу Орто дойдуга ыалдьыт курдук быстах кэлэрбитин, хас сыыһа, алҕас быһыыбыт хоруйа кэлиҥҥи олохпутугар иэстэбиллээх буоларын, үтүө үтүөнэн эргиллэрин умнумуох тустаахпыт.

✅ @uamurusahargata @ulusmedia

#бэлиэкүн

🇷🇺 Бүгүн – Арассыыйа Конституциятын күнэ

🇷🇺 1993 с. бүттүүн норуот куоластааһынынан Арассыыйа Федерациятын Конституцията ылыныллыбыта. Конституция толору тиэкиһэ ити сыл ахсынньы 25 күнүгэр ''Арассыыйа хаһыатыгар'' бэчээттэммитэ. Оттон эһиилги сылыттан бу күн судаарыстыбаннай бырааһынньык быһыытынан ылыныллыбыта.

🇷🇺 Конституция – судаарыстыба сүрүн сокуона. Арассыыйа быраапка систиэмэтин тирэҕэ. Атын сокуоннар сүнньүлэрин уонна ис хоһооннорун тутар модун күүстээх. 90-с сылларга Конституция кырата икки ыарахан тургутууну чиэстээхтик туораабыта. Элбэх уларытыылар киллэриллибиттэрэ.

🇷🇺Арассыыйа Конституциятын соҕотох экземпляра кыһыл өҥнөөх чараас тирии тастаах, Арассыыйа үрүҥ көмүс гербэлээх, кыһыл көмүс хаймыылаах быалаах.

🇷🇺 2014 с. Үрдүкү уонна Үрдүкү арбитражнай сууттар холбоһоннор, Крым уонна Севастополь куорат, 2022 с. Арассыыйа састаабыгар саҥа эрэгийиэннэр киирэннэр, кэккэ уларытыылар киллэриллибиттэрэ.

🇷🇺 Олорор судаарыстыбабыт бэлиэ күнүнэн эҕэрдэ буоллун!

✅ @uamurusahargata @ulusmedia