📰📰📰

⭕ Бу күннэргэ Ставропольскай кыраай Креста куоратыгар "Кубок Кавказа" диэн мас тардыһыыга бүтүн Арассыыйатааҕы күрэхтэһиигэ Тулунаттан төрүттээх Даша Габышева 75 киилэ ыйааһыҥҥа 2-с миэстэни ылан, нэһилиэкпит олохтоохторун үөртэ.

⭕ Бу турнир Арассыыйа 2021 сыллааҕы чөмпүйэнээтин иннинээҕи бүтэһик квалификациялыыр күрэхтэһии быһыытынан сыаналанар. Уопсайа тоҕус регионтан күүстээх мас тардыһааччылар күөн көрүстүлэр.

⭕ Даша – түөрт оҕолоох аҥардас ийэ Мария Габышева улахан кыыһа. Оскуола кэнниттэн Төҥүлүтээҕи профтехучилищеҕа үөрэнэ киирбитэ. Быйыл бүтэрэр сыла.

⭕ Даша оҕо эрдэҕиттэн илиитигэр күүстээҕэ, успуорка талааннааҕа биллэрэ, эһэтигэр Иннокентий Габышевка – төһүү көмөлөһөөччүтэ. Оскуолаҕа үөрэнэр сылларыгар волейболунан, гиирэни анньыынан, мас тардыһыытынан сөбүлээн дьарыктаммыта. Нэһилиэккэ, улууска үгүс күрэхтэһиигэ кыттан, үксүн кыайыылаах тахсааччы. Дэгиттэр кыыс 2018 сыллаахха нэһилиэкпитигэр 10 бастыҥ спортсмен иһигэр ааттаммыта. 

⭕ Тулуналар Дашабытыгар эҕэрдэбитин тиэрдэбит, инникитин өссө күүскэ дьарыктанан, үрдүк чыпчааллары дабайарыгар баҕарабыт.

🖊️ Мариса Васильева – Күбэйэ, уопс. кэрэсп.

#уйгусирэуусалдан
#уусалданхаһыата
#мүрүсаһарҕата
#бэртхара
#успуорт
#мастардыһыыта
#тулуна
https://www.instagram.com/p/COE9mU0sjbu/?igshid=i0m52td2afn6

📰📰📰

⭕ Эһиил 2022 сылга ыытыллыахтаах Саха сирин норуоттарын VIII-с спортивнай оонньууларын көрсө, Бороҕоҥҥо үс улахан спортивнай тутуу: Мындааба бөһүөлэгэр тустуулар көрүҥнэрин универсальнай саалата, "Бэрт Хара" стадион, итиэннэ улуус киинин хаба ортотугар Бороҕоҥҥо элбэх хайысхалаах спортивнай комплекс үлэлэрэ бара тураллар.

⭕ Бороҕон ортотугар дьэндэйиэхтээх 7 976 кв. миэтэрэ иэннээх элбэх хайысхалаах спортивнай комплекс тирэхтэрин түһэрии үлэтэ тэтимирдэ.

⭕ Икки анал массыына сири 10, 13 миэтэрэ дириҥҥэ дьөлүтэ үүттээн, күҥҥэ 12-14 скважинаны хаһаллар. Бэлэмнэммит сирдэргэ 12, 14 миэтэрэ уһуннаах тирэхтэри түһэртээн иһэллэр.

📌 "Уопсайа 492 сыбаайа түһүөхтээҕиттэн, 360 номнуо түстэ. Үлэ график быһыытынан этэҥҥэ бардаҕына, тирэхтэри туруоруу ыам ыйын саҥата түмүктэниэхтээх", – диэн "РусСтрой-89" ХЭТ маастара Александр Винокуров кэпсиир.

⭕ Өрөспүүбүлүкэҕэ физическэй култуура, спорт сайдыытыгар сүҥкэн кылааттаах киэн туттар киһибит Николай Тарскай аатын сүгэр спорткомплекс араас көрүҥнэри биир сиргэ түмэн, улууска чөл олох, спорт сайдыытын бастыҥ киинэ буолара күүтүллэр.

#уйгусирэуусалдан
#уусалданхаһыата
#мүрүсаһарҕата
#успуорт
#бэртхара
#сахасиринноруоттарынVIIIспортивнайоонньуулара
https://www.instagram.com/p/COJxfFjsMhU/?igshid=1lqpbgikcd1xg

📰📰📰

⭕ Уус Күөлүн түөлбэлэрин икки ардыларыгар  ыытыллыбыт ГТО нормативтарын көрүҥнэринэн  ыытыллыбыт күрэхтэһии кыайыылаахтарын наҕараадалааһын тэрээһинэ буолан ааста. Ол курдук, бастакы миэстэ “Аргыс” түөлбэ ылла, иккис-үһүс миэстэлэри “Сайдыы”, “Кырдал” түөлбэлэр үллэһиннилэр, оттон “көмүөллэр” төрдүс буоллулар.

⭕ Көрүҥнэринэн биирдиилээн түмүккэ скакалкаҕа Саная Барашкова, Саная Курилкина кыайдылар, турникка тардыныыга Василий Тимофеев, Егор Аммосов, Илья Шишигин бастаатылар, пресс хачайдааһыныгар Нарыйаана Барашкова, Дуня Аммосова, Лена Неустроева, Татьяна Черноградская, Екатерина Оконешникова кыайыылаахтарынан  буоллулар, сиртэн анньыныыга Петя Татаринов, Сережа Прядезников, Гаврил Аммосов, Сергей Татаринов, Иннокентий Местников чемпион үрдүк аатын ыллылар.

📌 “Бу курдук көхтөөхтүк кыттыбыт дьоммутугар, хамаандалары түмпүт сүөлбэлэр салайааччыларга махталбытын тиэрдэбит”, – диэн тэрийээччилэр бэлиэтээтилэр.

🖊️ Мария Аммосова, уопс. кэрэсп.

#уйгусирэуусалдан
#уусалданхаһыата
#мүрүсаһарҕата
#курбуһахсонуннара
#гто
#успуорт
https://www.instagram.com/p/CPrbwgmMxCb/?utm_medium=share_sheet

📰📰📰

⭕ Сүүрүүгэ улууспут сүүмэрдэммит хамаандатын чилиэнэ Изабелла Борисова 100 километры сүүрүү Арассыйатааҕы чөмпүйэнээтигэр кыттан, 7:32:40 бириэмэнэн биэтэккэ кэлэн, чөмпүйүөн үрдүк аатын ситистэ. Итиэннэ бу көрдөрүүтүнэн, норуоттар икки ардыларынааҕы кылаастаах маастар нуорматын толордо. Изабелланы бу үрдүк ситиһиитинэн эҕэрдэлиибит!

⭕ Изабелла Ньурба улууһуттан төрүттээх. Ол эрээри, 2000 сыллаахха дьиэ кэргэнинэн көһөн кэлэннэр, Суотту орто оскуолатыгар 7-9 кылааска диэри үөрэммитэ. Манна кинини бастакы тириэньэрэ Иван Иванов сүүрүүгэ угуйан, спорт аартыгар сирдээбитигэр олус улахан махталлаах. Мантан салгыы Дьокуускай куоракка спортивнай оскуолаҕа сүүрүүнэн утумнаахтык дьарыктанар сыаллаах көһөн киирбитэ.

⭕ Изабелла Борисова Кисловодск куоракка улуус сүүмэрдэммит хамаандатын састаабынан “Манчаары оонньууларыгар” бэлэмнэниини ааста. Кини манна 3, 5 км дистанцияларга күрэхтэһэрэ күүтүллэр.

⭕ Бу утумнаах дьарыгар күүс-көмө, өйөбүл буолбуттарыгар, эрэммиттэригэр, кэргэнигэр Артур Борисовка, тириэньэригэр Татьяна Жирковаҕа, ийэтигэр Светлана Аржаковаҕа, улуус дьаһалтатын баһылыга Алексей Федотовка, улуус дьаһалтатын успуорка управлениетын салайаччыта Константин Давыдовка, старшай тириэньэр Серафим Татариновка, чэпчэки атлетика бэдэрээссийэтин бэрэссэдээтэлэ Евгений Дедюкиҥҥа барҕа махталын биллэрэр.

#уйгусирэуусалдан
#уусалданхаһыата
#мүрүсаһарҕата
#арассыыйатаһымыгар
#успуорт
#бэртхара
https://www.instagram.com/p/CPzDkxzMnfW/?utm_medium=share_sheet

📰📰📰

⭕ Кэптэнигэ сарсыарда 6 чаас иннинэ дьоһун быһыылаах-таһаалаах хара аты сиэтэн эбэҕэ уулата киирэн иһэр уолу үгүстүк көрөбүн. Оннооҕор кыһын тохсунньуга, олунньуга кытта атын дьарыктыы сылдьар буолан сөхтөрөөччү. Кини аата – Радомир Федоров.

⭕ Радомир быйыл Лөгөй орто оскуолатын 7- с кылааһын бүтэрдэ. Кинини олох кыра сааһыттан эһэтэ Семен Данилов акка абылаабыт. Уолчаан эһэтин батыһа сылдьан аты аһатарын, харайарын көрөн, көмөлөһөн барбыт.

⭕ Семен сопхуоска сылгыһытынан үлэлээбит уопуттаах. Аты бэйэтин кэмигэр бэркэ айааһыыра, баайара, сүүрдэрэ. Онон Радомир эһэтиттэн аты сүүрдүүгэ уһуйуллубут.

⭕ Өссө алын сүһүөх кылаастарга үөрэнэ сылдьан бөһүөлэк, салгыы нэһилиэк, улуус ат сүүрдүүтүн күрэстэригэр кыттара. Уол аан бастаан ыала Иннокентий Бурнашев сымнаҕас үрүҥ атыгар дьарыктанан саҕалаабытын, хатарыллыбытын астынан кэпсиир.

⭕ Билигин дьарыктыыр атын аата – Кыымчаана. Кыымчааната ааспыт сылларга Курбуһахха, Кэптэнигэ ыытыллыбыт өрөспүүбүлүкэ таһымнаах ат сүүрдүүтүн күрэстэригэр бастакы миэстэлэри ылбыта. Бэл СӨ ИлДархана олохтообут аты таптыыр, атынан дьарыктанар уол оҕоҕо анаммыт стипендиятынан – ноутбугунан – ааспыт Саҥа дьылга наҕараадаламмыта. Өссө өрөспүүбүлүкэҕэ ыытыллыбыт "Ат уонна Мин" хаартысканан куонкуруска кыайыылаах буолан, эмиэ бириэмийэлэммитэ.

⭕ Радомир эһэтин, аҕатын батыһа сылдьан от-мас үлэтин быһаарсар. Улахан дьиэ кэргэҥҥэ бииргэ төрөөбүттэригэр убайдара, бырааттарыгар, балтыларыгар холобур буолар киһи.

⭕ Онон, сааһа кыратын көрүмэҥ, улахан уопуттаах жокейга ситиһиилэри баҕарыахха.

🖊️ Ульяна Бурнашева, уопсас. кэрэсп.

#уйгусирэуусалдан
#уусалданхаһыата
#мүрүсаһарҕата
#атсүүрдүүтэ
#успуорт
#кэптэнисонуннара
https://www.instagram.com/p/CQdqA_oM1O9/?utm_medium=share_sheet

📰📰📰

⭕ Бүгүн – уопсай үөрэхтээһин тэрилтэлэригэр спорт саалаларын арыйыы биир кэлим күнүгэр В.Д. Лонгинов аатынан Бээрийэ орто оскуолатыгар саҥа өрөмүөннэммит спорт саалатын арыйыы үөрүүлээх тэрээһинэ буолла.

⭕ Өрөмүөн, реконструкция үлэтэ "Үөрэхтээһин" нацбырайыак иһинэн үлэлиир "Хас биирдии оҕо ситиһиитэ" федеральнай бырайыак чэрчитинэн ыытылынна. Оттон уопсайа улууска үс спорт саалата бу бырайыагынан өрөмүөннэммитин улуус дьаһалтатын пресс-сулууспата иһитиннэрэр.

⭕ Бээрийэ оскуолатын саалатын өрөмүөнэ бэс ыйыттан, үөрэх бүтээтин кытта саҕаланан, сайын устата күүстээх үлэ ыытылынна. Онон саҥа үөрэх дьылыгар үөрэнээччилэр сып-сылаас, сырдык, ыраас саалаҕа дьарыктанар кыахтаннылар.

✅ @muru.sahargata

📌 улуус дьаһалтатын пресс-сулууспатын матырыйаалынан

#уйгусирэуусалдан
#уусалданхаһыата
#мүрүсаһарҕата
#успуорт
#үөрэх
#бээрийэнэһилиэгэ
https://www.instagram.com/p/CUPIO6dsw7g/?utm_medium=share_sheet

📰📰📰

⭕ Аллараа Бэстээххэ ыытыллыбыт Саха Өрөспүүбүлүкэтин көҥүл тустууга биирдиилээн уонна хамаанданан чөмпүйэнээтигэр – 2022 сылга Бороҕоҥҥо ыытыллар Саха сирин норуоттарын VIII-c спортивнай оонньууларыгар квалификациялыыр Николай Тарскай аатынан турнирга кыттыы түмүгүнэн Уус Алдан хамаандата төрдүс миэстэ буолан, сайыҥҥы спартакиадаҕа алта путевканы ылла.

⭕ Улуус сүүмэрдэммит хамаандатын бөҕөстөрүттэн – 57 киилэҕэ диэри категорияҕа Айаал Белолюбскай үһүс миэстэ буолла, оттон Петр Павлов уонна Евгений Алексеев эчэйии ыланнар, 65 киилэҕэ диэри уонна 125 киилэҕэ диэри бэйэлэрин ыйааһыннарыгар үһүс миэстэ иһин киирсиигэ кыайан тустубатылар.

⭕ Манна бэлиэтээн эттэххэ, Чурапчы уонна Сунтаар улуустара эмиэ алталыы путевкаланнылар, оттон кыайыылааҕынан тахсыбыт Мэҥэ Хаҥалас хамаандата тоҕус путевканы ылла.

⭕ "Оттон хамаандабыт лидерэ Арыйаан Тютрин тохсунньу 11-12 күннэригэр Беларусь өрөспүүбүлүкэтин чөмпүйэнээтигэр кыттар буолан, Тарскай турнирыгар кыайан кыттыбата эрээри, судьуйалар коллегияларын быһаарыытынан, улууһун хамаандатыгар очукуо ааҕыллан, кини даҕаны путевканы ыларыгар эрэллээхпит", – диэн улуус дьаһалтатын пресс-сулууспата иһитиннэрэр.

✅ @muru.sahargata

📸 @sportyakutia.ru хаартыскатыгар Айаал Белолюбскай пьедесталга турар.

#уйгусирэуусалдан
#уусалданхаһыата
#мүрүсаһарҕата
#успуорт
#көҥүлтустуу
#тарскайтурнира
#бороҕон2022
https://www.instagram.com/p/CYi_4U4shwKaj6kBz6erkJP_JFXnLIEYk8YfnQ0/?utm_medium=share_sheet

#успуорт

Оҕолорбутугар ситиһии кэлэ турдун, айан-сырыы табылыннын

Уһун айан, сындалҕаннаах сырыы. 120 км эттэххэ дөбөҥ, Түүлээх нэһилиэгин олохтоохторо – үөрэнээччилэр, улахан дьон – мэлдьи маннык айаннаан улуус киинин булан, олимпиадаларга, араас таһымнаах күрэхтэһиилэргэ кыахпыт тиийэринэн кыттабыт.

Бүгүн Хомустаах бөһүөлэгэр оскуола үөрэнээччилэрин икки ардыларыгар мас тардыһыытыгар күрэхтэһии буолан ааста. Биһиги оскуолабытыттан биэс уол кыттан бука бары миэстэлэһэн, кыайыы өрөгөйүн билэн үөрдүлэр-көттүлэр.

Убай-быраат Степа, Артем Кузьминнар иккиэн бастакы миэстэни суруннулар, кинилэр улууска, өрөспүүбүлүкэҕэ буолар күрэхтэһииилэргэ мэлдьи кыттан миэстэлэһэллэр. Уолаттар иккиэн тигинэс үлэһиттэр, сайын Алдан эбэ киэҥ нэлэмэн биэрэгэр оттоон, балыктаан айылҕаттан күүс эбинэн, эрчиллэн кииллийэллэр.

✍️ Агафья Афанасьева, Түүлээх орто оскуолатын учуутала

Сиһилии: https://мюрюгазета.рф/article/79358