#кэрээйгэтэ

Бүгүн Күлүмнүүр аатынан "Тойон Мүрү" култуура дыбарыаһыгар биир дойдулаахпыт, бэйиэт, Арассыыйа суруйааччыларын уонна суруналыыстарын сойууһун чилиэнэ,
Саха Өрөспүүбүлүкэтин култууратын үтүөлээх үлэһитэ,
Түүлээх, Бээрийэ, Байаҕантай,
2-с Байаҕантай нэһилиэктэрин,
Уус Алдан улууһун бочуоттаах олохтооҕо Анатолий Старостин – Сиэн Кынат "Дьылҕам дьикти бэлэҕэ" айар киэһэтэ буолла.

Бэйиэт айар үлэтин ХИФУ философия кафедратын сэбиэдиссэйэ, СӨ наукаларын үтүөлээх диэйэтэлэ Андрей Саввинов билиһиннэрдэ. Сиэн Кынат дириҥ түгэхтээх, таайтарыылаах хоһооннорун Ульяна Бурнашева – Уйана, Александр Гоголев, "Уран тыл алыба" түмсүү кыттыылаахтара ааҕан иһитиннэрдилэр.
Оттон кини ырыа буолбут хоһооннорун СӨ норуодунай артыыстара Клавдия, Герман Хатылаевтар,
Опера уонна балет тыйаатырын артыыстара: РФ уонна СӨ үтүөлээх артыыската Анна Дьячковская, СӨ култууратын туйгуннара Зинаида Колодезникова, Екатерина Захарова, “Үрдэл” 2019, 2021 сыллар лауреаттара Леонид Готовцев, Алита Мигалкина ыллаатылар. Биир дойдулаахтарбыт Иван Васильев, Александра Сивцева, Константин Иванов, Бээрийэ нэһилиэгин уус-уран самодеятельноһын кыттыылаахтара эҕэрдэлээтилэр.

Дьоро киэһэ улахан чааһа бэйиэт музата, Намылыйа Хотуна, олоҕун аргыһа СӨ култууратын туйгуна, Бээрийэ нэһилиэгин бочуоттаах олохтооҕо Люция Петровналыын Сиэн Кынат улахан тапталларыгар ананна.

Бэйиэт таптал туһунан 150-тан тахса хоһоонноохпун диэн туран, тапталыгар анаабыт биир хоһоонун ааҕан иһитиннэрдэ. Күндү кэргэнигэр анаабыт хоһоонноро ырыа буолан айар киэһэни киэргэттилэр.

✍️ Мария Аргунова

✅ t.iss.one/murusahargata @ulusmedia

#аналсыл

💢 Үтүө сүбэһити кытта көрүстүбүт

Наставник, РСФСР уонна СӨ үөрэҕириитин туйгуна, Мүрү нэһилиэгин бочуоттаах олохтооҕо, педагогическай үлэ бэтэрээнэ Людмила Андросованы кытта Мындааба уопсастыбаннаһа истиҥ көрсүһүүгэ түмүстэ.

Людмила Афанасьевна, наставник буоларын быһыытынан, үөрэхтээһиҥҥэ, оҕону иитиигэ уонна общественнай хамсааһыҥҥа үгүс сүбэни биэрдэ.

Ону тэҥэ "Мындааба инникитэ" бырайыак-былаанын билиһиннэрдэ. Бу бырайыак сүрүн сыалынан-соругунан Мындаабаттан төрүттээх, үлэһит буолбут ыччаппыт дойдуларын кытта ситимнэрин быспакка, куруук күүс-көмө, түмсүүлээх буолалларыгар туһуламмыт.

Кэпсэтии чэрчитинэн Мындаабаҕа уонна Дьокуускайга "Мындааба күннэрин" тэрийэргэ диэн этиини олохтоох дьаһалта, уопсастыбаннас өттүттэн өйөбүлү ылла.

Бу түмсүү быйыл Арассыыйаҕа Педагог уонна Наставник, өрөспүүбүлүкэҕэ Үлэ, Мүрү нэһилиэгэр Аҕа сылларыгар үтүө тэрээһин буолан, дьон сэҥээриитин ылыа диэн эрэнэбит.

✍️ Владилена Колесова, "Мындааба" сынньалаҥ киин дириэктэрэ

✅ t.iss.one/murusahargata @ulusmedia

#үөрэхэйгэтэ

💢 Вика Бурнашева уруһуйга дьоһун ситиһиилэннэ

Мүрү 1 № орто оскуолатын 8 кылааһын үөрэнээччитэ Вика Бурнашева, быйыл Бороҕоннооҕу оҕо искусствотын оскуолатыгар уруһуй кылааһыгар үөрэнэ киирбитэ. Вика уруһуй искусствотын кытта саҥа билистэр да, номнуо дьоһун ситиһиилэннэ.
Ол курдук сылын аайы ыытыллар Сунтаардааҕы оҕо искусствотын оскуолатын «Грани мастерства» өрөспүүбүлүкэтээҕи олимпиадатыгар тэйиччиттэн кыттан, уруһуйга 2 миэстэни ылбыта. Онтон сааскы каникул кэмигэр ыытыллыбыт Л.А. Ким аатынан Дьокуускайдааҕы оҕо уруһуй оскуолатын олимпиадатыгар ситиһиилээхтик кыттан, 15 баалы ылбыта.

Бу кэннэ салгыы СӨ архитектордарын сойууһун, оҕо Дьокуускайдааҕы архитектура уонна дизайн оскуолатын, ХИФУ ИТИ кафедрата уонна Дьокуускайдааҕы П.П. Романов аатынан уруһуй коллеһын холбоһуктаах V декадатын чэрчитинэн, уһун олоруу уонна тэйиччиттэн күрэхтэһии көрүҥүн кэнниттэн, бастакы түмсүү олимпиадатыгар кытынна.

Бу күрэс түмүгүнэн Вика композицияҕа 3 миэстэни ылары ситистэ👍👏 Бу саҥа үөрэнэн эрэр оҕоҕо үрдүк ситиһиилэр диэн бэлиэтиибин.

Архитектура уонна дизайн олимпиадатыгар өрөспүүбүлүкэбит 10 араас улууһуттан 180 оскуола үөрэнээччитэ күөн көрүстэ. Бу күрэс оҕолор архитектура уонна дизайн үөрэҕэр туттарсан киирэллэригэр олук буолар
👏👏👏

Онон үөрэнээччибэр Викаҕа өссө да инникитин ситиһиилэр кэлэ туралларыгар баҕа санаабын тиэрдэбин.

✍️ Розалия Сыроватская,
Бороҕоннооҕу оҕо искусствотын оскуолатын учуутала

☑️ https://vk.com/wall-219778198_13

✅ t.iss.one/murusahargata @ulusmedia

#улуусмусуойугар

💢 Бүгүн Сэһэн Ардьакыап аатынан Бороҕоннооҕу улуус устуоруйатын, кыраайы үөрэтэр мусуой улууспут кэллиэксийэньиэрдэрин "Умсулҕан" түмсүүлэрин салайааччыта Станислав Луковцев авиация, космонавтика тиэмэтигэр кэллиэксийэтин быыстапкатыгар ыҥырар👏👏👏

Быыстапка муус устар 19 күнүгэр диэри турар.

✅ t.iss.one/murusahargata @ulusmedia