#Өксөкүлээхсардаҥата

💬 Уус Алданнааҕы оҕолорго аналлаах социальнай-реабилитационнай киин (дир.Иннокентий Сергеев) иитиллээччилэригэр "Өксөкүлээҕи ааҕабыт" анал декаданы педагогическай блок көҕүлээһининэн тэрийэн ыытта.

Ол курдук иитээччилэр Зоя Сивцева, Виктория Кондратьева тэрийиилэринэн "Алексей Елисеевич Кулаковскай-Өксөкүлээх Өлөксөй – саха литературатын төрүттээччи" бэсиэдэ, "Саха дьахталларын сэттэ мэтириэтэ" литературнай чаас, суруйааччы хоһооннорун ааҕыы, оҕо библиотекатыгар сылдьыы, суруйааччы айымньыларынан быыстапканы көрүү буоллулар.

Түмүктүүр тэрээһиҥҥэ бүгүн, саха литературатын төрүттээччи, сырдатааччы, бөлүһүөк Алексей Елисеевич Кулаковскай төрөөбүт күнүгэр, "Өксөкүлээх сардаҥата" – "тыыннаах" чүмэчини уматыы республикатааҕы аахсыйаҕа кыттыһан үлэһиттэр чүмэчи уматтылар, иитиллээччилэр хоһоон аахтылар.

✍️ Светлана Бурцева, уопсас. кэрэсп.

✅ https://t.iss.one/murusahargata/12741?single @ulusmedia