📰📰📰

⭕ Мындаабаҕа көр-күлүү күнүгэр анаан икки түөлбэҕэ көрдөөх күрэһи тэрийэн, олохтоохтор сэргэхсийбиттэр.​

⭕ "Сэттэ түһүмэхтээх күрэс бэрт сэргэхтик ааста. Бу тэрээһини "Мындааба" сынньалаҥ киинин уус-уран салайааччыта Ирина Иванова уонна олохтоох бибилэтиэкэрбит Наталья Портнягина иилээн-саҕалаан ыыттылар. "Эрчим" уонна "Үрдэл" түөлбэлэр күөн көрсөн, көрдөөх түһүмэхтэри туораатыбыт. "Смайлики" уонна "Смешарики" диэн ааттанан, хапытааннарынан Герман Анастатов ("Үрдэл"/"Смешарики") уонна мин ("Эрчим"/"Смайлики") буолбуппут.

⭕ Кыайыылааҕынан бэйэм хамаандам тахсан, үөрүүбүт баһаам. Тэрийээччилэргэ махтанабыт. Уһун олоруу кэнниттэн олохпут сыыйа сүнньүгэр түһэн эрэриттэн сэмээр астынабыт. Маннык көрсүһүүлэр өссө да баар буолалларыгар баҕарабыт", - диэн олохтоох Николай Стручков - Абыйаан бөһүөлэк биир сонунун сырдатта.

#уйгусирэуусалдан
#мүрүсаһарҕата
#мындааба
#көркүлүү
https://www.instagram.com/p/CNOElWBsL38/?igshid=1n233zivymgjn