🔟🔟🔟🔟

#БАРЫБИИРГЭ

☑️Дурда-хахха, эрэллээх эркин дьоммут дьиэ кэргэттэригэр барҕа махтал тиэрдилиннэ

Улуус баһылыга Алексей Федотов соторутааҕыта быстах байыаннай дьайыыларга ыҥырыллан барбыт биир дойдулахтарбытын көрсөн кэлбитин туһунан билэр буолуохтааххыт.

Ол сырыытын кылгастык билиһиннэрдэ уонна Аҕа дойдуну көмүскээччилэр күннэрин көрсө быстах байыаннай дьайыылар кыттыылаахтарын дьиэ кэргэттэригэр: Ньургун Копырин ийэтигэр Мария Афанасьевнаҕа, Герман Савельев кэргэнигэр Татьяна Савельеваҕа, Олег Гаврильевич эдьиийигэр Ая Бурцеваҕа махтал суруктары туттарда.

@murusahargata

🔟🔟🔟🔟

#бырабыыталыстыбаотчуота

☑️ Үс нэһилиэккэ сырыы түмүгүнэн тыын кыһалҕа уларыйбат

Тулунаҕа эмиэ киин ититиигэ холбонууну, суол-иис өрөмүөнүн туруорсаллар.

Маны сэргэ гаастааһын боппуруоһа ханна тиийбитин, уматык сыаната тоҕо үрдүүрүн туоһуластылар.

Дьокуускайга диэри айан төлөбүрүн чэпчэтии, эбэтэр Бороҕон – Дьокуускай хайысханан автобус сырыытын тэрийии кыалларын-суоҕун ыйыталлар. Айан суолун өрөмүөнүн туруорсаллар.
Тырааныспарга гаас уматыгы туһаныыны, уотунан ититиниини үөрэтэн көрөргө этии киллэрдилэр.

Оҕо нууччалыы саҥарара үксээбитэ кутталы үөскэтэрин бэлиэтээтилэр. Онуоха бу үлэҕэ күүскэ ылсан, үбүлээһин үрдээбитин уонна оҕоҕо аналлаах 400-тэн тахса мультфильм тылбаастаммытын билиһиннэрдилэр.

@murusahargata

🔟🔟🔟🔟

#улуускиинигэр

🤩 Бороҕон хаар оҥоһуктарынан киэркэйиэ❄️☃️

Бүгүн, «Мүрү кытыла» хаар пааркаҕа «Хаар – айар абылаҥмыт» күрэс арыллыыта буолла. Күрэскэ барыта аҕыс хамаанда кыттара бэлиэтэннэ.

Аҕа уолунаан эбэтэр эһэ сиэнинээн кытталлара көҕүлэнэр эрээри, биирдиилээн кыттааччылар эмиэ бааллар.

Кыттааччылар үс миэтирэ үрдүктээх эрдэ кутуллубут хаартан көҥүл тиэмэҕэ тугу толкуйдаабыттарынан айа-тута үлэлээн оҥоһуктарын номнуо өйүүн түмүктүөхтээхтэр.

Кинилэр санааларын билсиэҕиҥ.

🗣 Максим Саввин, Мүрү нэһилиэгин олохтооҕо:

– Маҥнайгыбын кыттабын. Үлэбин буола турар Анал байыаннай дьайыы тиэмэтигэр аныам. Дойдубут чиэһин көмүскүү барбыт уолун көһүтэр ийэ ис туругун көрдөрө сатыам. Кинилэр этэҥҥэ эргиллэн кэлэллэрэ барыбыт баҕа санаата буоллаҕа.

🗣 Ян Стрекаловскай, I Өспөх нэһилиэгин олохтооҕо:

– Сиэним Эрхан, Дьокуускай куорат оскуолатын 7-с кылааһын үөрэнээччитэ, анаан көмөлөһө кэллэ. Үлэбит «Омурҕаҥҥа» диэн ааттаах. Эһээ сиэнин кытта отууга кэпсэтэ олороллорун хоһуйуохпут.

Салгыыта комментарийга
⏬️⏬️⏬️

✍️ Мария Аргунова