#Boʻstonliq #yernazorati

⚡️Bir oyda qad rostlagan poydevorsiz uy(mi?) !

Kadastr agentligi Bo‘stonliq tuman bo‘limi tomonidan Bo‘stonliq tumani, Ko‘kto‘nli MFY, Adolat ko‘chasi qishloq xo‘jaligida foydalanilmaydigan soy o‘rni yerlari fuqaro A.G tomonidan o‘zboshimcha egallanib, noqonuniy qurilish ishlari amalga oshirilganligi holati aniqlandi. Qurilish maydoni jami 25 kv.m ni tashkil etadi.

Mazkur holat yuzasidan bo‘lim tomonidan belgilangan tartibda dalolatnoma rasmiylashtirilib, fuqaroga rasmiy tarzda ogohlantirish xati berildi. Fuqaro tomonidan ixtiyoriy ravishda qurilmani bartaraf etilishi taʼminlanmoqda.

‼️Eslatib o‘tamiz, yer qonunbuzilishini sodir etgan shaxs tomonidan yer uchastkasi qaytarilishi taʼminlanib, oqibatlari bartaraf etilsa, yer qonunbuzilishini sodir etgan shaxsga nisbatan maʼmuriy jarima jazosi qo‘llanilmaydi !

Holat yuzasidan fuqaroning taʼkidlashicha, mazkur qurilmani qurganiga hali bir oy ham bo‘lmagan. Poydevorsiz qisqa muddatda qurilgan qurilma nima maqsadda amalga oshirilganligi ochiqligicha qolmoqda.

⚠️Biroq, ayni kunlarda o‘zboshimcha qurilgan uy-joylarga nisbatan egalik huquqi eʼtirof etilishi yuzasidan (hali tasdiqlanmagan) Qonun loyihasining noto‘g‘ri talqin qilinishi natijasi bo‘lishi mumkinligi haqiqatdan yiroq emas.

❗️Qonun loyihasiga doir ma’lumotlar berib boriladi, kuzatishda davom eting !

Kanalga ulanish: https://t.iss.one/tvkad
Facebook Instagram

#jinoyat #Boʻstonliq #yernazorati
⚡️Jinoyatga sabab bo‘lgan yer qonunbuzilish holati

Bo‘stonliq tumanida yer qonunbuzilishini sodir etgan shaxsga nisbatan jinoyat ishi qo‘zg‘atildi.

Aniqlanishicha, Bo‘stonliq tumani, Qizilsuv MFY hududidagi davlat zaxirasida bo‘lgan yaylov yerlari nomaʼlum shaxslar tomonidan o‘zboshimchalik bilan egallanib, 36 sotix yer maydoni o‘rab olingan va qurilish ishlari amalga oshirilgan.

✔️Mazkur holat yuzasidan Kadastr agentligi Bo‘stonliq tuman bo‘limi tomonidan to‘plangan maʼlumotlar Qo‘shma tartib asosida prokuratura organlariga yuborildi va yer qonunbuzilishini sodir etgan fuqaro shaxsi aniqlandi.

Ayni paytda holat bo‘yicha huquqni muhofaza qiluvchi organlar tomonidan jinoyat ishi qo‘zg‘atilib, tergov harakatlari olib borilmoqda.

✔️Qurilmalar esa Qizilsuv mahalla faollarining tashabbusi bilan bartaraf etildi.

Kanalga ulanish: https://t.iss.one/tvkad
Facebook Instagram